قازاقستاننىڭ جۇڭگودا تۇراتىن باس ەلشىسى نۇرىشەۆ: شي جينپيڭنىڭ ساپارى ەكى ەلدىڭ قارىم – قاتىناسىن تەرەڭدەتە تۇسەدى

    مەملەكەت ءتوراعاسى شي جينپيڭ 7 – ماۋسىمنان 10 – ماۋسىمعا دەيىن قازاقستاندا مەملەكەت ىسىمەن ساپاردا بولادى ءارى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 17 – ماجىلىسىنە جانە استانا مامانداندىرىلعان الەمدىك كورمەسىنىڭ اشىلۋ سالتىنا قاتىناسادى. جۋىردا قازاقستاننىڭ جۇڭگودا تۇراتىن باس ەلشىسى نۇرىشەۆ حالىق تورابى ءتىلشىسنىڭ سۇحباتىن قابىلداعاندا، ءتوراعا شي جينپيڭنىڭ بۇل رەتكى ساپارى ەكى ەل قارىم – قاتىناسىن تەرەڭدەتە تۇسەتىنىن دارىپتەدى.

    نۇرىشەۆ مىنانى اتاپ كورسەتتى: بۇل شي جينپيڭنىڭ ءتورت جىل ىشىندە قازاقستانعا ءۇشىنشى رەت ساپارلاي بارۋى، ءبىرىنشى رەت 2013 – جىلى ساپارلاي بارعاندا، ءتوراعا شي جينپيڭ نازاربايەۆ ۋنيۆەرسيتەتىندە «جىبەك جولى ەكونوميكالىق بەلدەۋىن» قۇرۋ دارىپتەمەسىن ورتاعا قويدى. ەكىنشى رەت 2015 – جىلى ساپارلاي بارعاندا، قازاقستاندا پرەزيدەنت سايلاۋى جاڭا عانا اياقتاعان بولاتىن، ءتوراعا شي جينپيڭ پرەزيدەنت نازاربايەۆ سايلاۋدا جەڭىسكە جەتىپ، قايتالاي سايلانعاننان كەيىن ءبىرىنشى بولىپ ساپارلاي بارعان شەتەلدىك ەلباسى.

    باس ەلشى بىلاي دەدى: قازىر جۇڭگو – قازاقستان ەكى ەلدىڭ قارىم – قاتىناسى تاريحتاعى ەڭ جاقسى كەزەڭدە تۇر، ەكى ەل جان – جاقتىلى ستراتەگيالىق سەلبەستىك سەرىكتەس جانە تاتۋ كورشى، ەكى جاق ساياسي، ەكونوميكا، قاتىناس – تاسىمال، ەنەرگيا، فينانس قاتارلى سالالارداعى ماسەلەلەر جونىندە كەڭ اۋقىمدى كەڭەستەر وتكىزە الادى.

جاۋاپتى رەداكتور:سايراش تۇرارجان قىزى