جۇڭگولىق جانە شەتەلدىك 20 نەشە كوركەمونەر ۇيىرمەسى 60 رەتتەن استام ويىن قويادى

    ءتاڭىرتاۋ تورابىنىڭ حابارلاۋىنشا، جۇڭگو شينجياڭ 5 – كەزەكتى حالىقارالىق ۇلتتىق ءبي مەرەكەسىنىڭ (تومەندە 5 – كەزەكتى ءبي مەرەكەسى دەپ اتالادى) اقپار جاريالاۋ جيىنى 7 – ماۋسىمدا ءۇرىمجى قالاسىندا اشىلدى. ۇعىسۋعا قاراعاندا، 5 – كەزەكتى ءبي مەرەكەسى 20 – شىلدەدەن 5 – تامىزعا دەيىن ءۇرىمجى قالاسىندا وتكىزىلەدى. سول كەزدە ەل ءىشى – سىرتىنان كەلگەن 20 نەشە كوركەمونەر ۇيىرمەسى شينجياڭ حالىق قۇرىلتايى سارايى قاتارلى تەاترحانالاردا كوپشىلىككە 60 رەتتەن استام كونسەرت قويادى.

    «جۇڭگو ارمانى، مىڭ بوياۋلى جىبەك جولى» اتىنداعى 5 – كەزەكتى ءبي مەرەكەسىن مادەنيەت مينيسترلىگى مەن مەملەكەتتىك كەڭەستىڭ اقپارات كەڭسەسى جانە شينجياڭ ۇيعۇر اۆتونوميالى رايوندىق حالىق ۇكىمەتى بىرگە ۇيىمداستىرعان. وسى رەتكى ءبي مەرەكەسىندە بيرما، كونگو دەموكراتيالىق رەسپۋبليكاسى، ەگيپەت، گرۋزيا، پاكيستان، پولشا، رەسەي، تاجىكىستان، ۋكراينا، وزبەكستان قاتارلى ەلدەر مەن رايونداردىڭ ۇزدىك كوركەمونەر ۇيىرمەلەرى شاقىرىلدى.

جاۋاپتى رەداكتور:سايراش تۇرارجان قىزى