ەلىمىز دەربەس زەرتتەپ جاساعان كوتەرىمدىلىك عىلمي تاجىريبەسى حالىقارالىق كەڭىستىك پۋنكتىنە تۇڭعىش رەت شىعارىلدى

    انتيبيوتيكتى سيفرعا اينالدىراتىن گەننىڭ شۇعىل وزگەرىس زاڭدىلىعىنا وربيتادا زەرتتەۋ جۇرگىزىلدى

    بەيجيڭ ۋاقىتى 4 – ماۋسىم تاڭعى ساعات 5 تەن 7 مينۋت وتكەندە ا ق ش عارىش اشۋ – زەرتتەۋ عىلىم – تەحنيكا سەرىكتىگى (SpaceX) «بۇركىت 9» راكەتاسىمەن «ايداعار» تاسىمال الەم كەمەسىن ۇشىرىپ، حالىقارالىق كەڭىستىك پۋنكىتىنە كەرەك – جاراق جانە تاجىريبە اسپاپتارىن 11 – رەت جەتكىزىپ بەردى. بۇنىڭ ىشىندە جۇڭگو دەربەس زەرتتەپ جاساعان عىلمي تاجىريبە ءتۇرى كوپتىڭ نازارىن وزىنە اۋداردى. بۇل بەيجيڭ جاراتىلىستىق عىلىمدار ۋنيۆەرسيتەتىندەگى دىڭ يۇيلين پروفەسسوردىڭ زەرتتەۋ گرۋپپاسى زەرتتەگەن «كەڭىستىكتەگى PCR اسەرىمەن DNA دىڭ قاتە سايكەستىرىلگەن عىلمي كوتەرىمدىلىك زاڭدىلىعىن زەرتتەۋ» بولىپ، وسى كوتەرىمدىلىككە كەڭىستىك رادياتسياسى جانە ميكرو سالماق جاعدايىندا انتيبيوتيكتى سيفرعا اينالدىراتىن گەننىڭ شۇعىل وزگەرىس زاڭدىلىعىنا وربيتادا زەرتتەۋ جۇرگىزىلدى.

    ۇعىسۋعا قاراعاندا، وسى رەت 2 گرۋپپادا 12 پارشا چيپ عارىشقا شىعارىلىپ، 20 گەننىڭ شۇعىل وزگەرىس زاڭدىلىعىنا كەڭىستىكتە زەرتتەۋ جۇرگىزىلگەن. زەرتتەۋ گرۋپپاسىنداعىلار تەحنيكالىق امالداردى قولدانىپ، كەڭىستىك تەمپەراتۋراسىنىڭ وزگەرىسى جاعدايىندا گەن كەڭەيۋىنىڭ تەحنيكالىق قيىن ماسەلەلەرىن شەشكەن. بۇل باستاما ءبىر جاعىنان، ەلىمىز دەربەس زەرتتەپ جاساعان عىلمي تاجىريبەنىڭ تۇڭعىش رەت حالىقارالىق كەڭىستىك پۋنكتىنە شىققاندىعىن اڭعارتسا، ەندى ءبىر جاعىنان، جۇڭگو مەن ا ق ش - تىڭ كەڭىستىك عىلمي زەرتتەۋى سەلبەستىگىنىڭ باستالعاندىعىن ۇعىندىرادى.

جاۋاپتى رەداكتور:سايراش تۇرارجان قىزى