ماۋسىمنان باستاپ ءبىر توپ جاڭا زاڭ – بەلگىلەمەلەر اتقارىلادى

 عالامتور حاۋىپسىزدىگى زاڭىندا جەكەلىك ينفورماتسيانى قورعاۋ كۇشەيتىلەدى

    «جۇڭحۋا حالىق رەسپۋبليكاسىنىڭ عالامتور حاۋىپسىزدىگى زاڭى» 2017 – جىلى 1 – ماۋسىمنان باستاپ اتقارىلادى، بۇل ەلىمىزدگى عالامتور سالاسىنداعى نەگىزدىك زاڭ بولىپ، بۇل زاڭدا جەكەلىك ينفورماتسيانى قورعاۋدى، عالامتوردان پايدالاناتىن الدامكوستىككە سوققى بەرۋدى كۇشەيتۋ انىق بەلگىلەنگەن.

    عالامتور حاۋىپسىزدىگى زاڭى جيىنى 7 تاراۋ، 79 تارماقتان قۇرام تابادى، مۇندا جەكەلىك ينفورماتسيانىڭ اشىلۋى ماسەلەسىنە قاتىستى مىناداي بەلگىلەمەر بار: عالامتورداعى ونىمدەر مەن قىزمەت وتەۋ تۇرلەرىندە جەكەلەردىڭ ينفورماتسيالارىن جيناقتاۋ فۋنكتسياسى بولسا، بۇل ونىمدەر مەن قىزمەت وتەۋ تۇرلەرىن عالامتورعا شىعارۋشىلار اشىق جازۋى جانە تۇتىنۋشىنىڭ ماقۇلداۋىن الۋى كەرەك؛ عالامتوردا تيجارات جۇرگىزۋشىنىڭ جەكەلەردىڭ ينفورماتسياسىن اشكەرەلەۋىنە، وزگەرتۋىنە، بۇلدىرۋىنە بولمايدى؛ ءارقانداي جەكە مەن ۇيىمنىڭ جەكەلەردىڭ ينفورماتسياسىن ۇرلاۋىنا نەمەسە باسقا دا زاڭسىز تاسىلدەرمەن الۋىنا، زاڭسىز ساتۋىنا نەمەسە باسقالارعا زاڭسىز تۇردە بەرۋىنە بولمايدى.

    مۇنان سىرت، عالامتور حاۋىپسىزدىگى زاڭىندا عالامتوردان پايدالانعان الدامكوستىك، ماڭىزدى ينفورماتسيالاردىڭ نەگىزدىك قۇرىلعىلارىنىڭ اينالىم حاۋىپسىزدىگى، عالامتور حاۋىپسىزدىگىن باقىلاۋ – ساقتاندىرۋ جانە شۇعىل جاعدايدا ءبىرجاقتىلى ەتۋ ءتۇزىمى قاتارلى جاقتاردا ناقتى بەلگىلەمە شىعارىلعان.

 

جاۋاپتى رەداكتور:نۇرجان مينۋار قىزى