عالامتوردا VR كوز اينەگىن ساتۋدا انايى كەسكىندەردى قوسىپ ساتۋ ارەكەتىن شوعىرلى وڭالتادى

مەملەكەتىمىزدىڭ بادىك – زاڭسىز باسىلىمدارعا سوققى بەرۋ كەڭسەسى

    حالىق گازەتى، 26 – مامىر، بەيجيڭ (جاڭ حى). بيىل اقپان ايىندا بەيجيڭ مەن گۋاڭدۇڭدا VR كوز اينەگىن ساتقاندا انايى ينفورماتسيالاردى تاراتۋ ارقىلى پايدا تابۋ دەلولارى تۋىلعان بولاتىن، 20 – ناۋرىز كۇنى مەملەكەتىمزدىڭ بادىك – زاڭسىز باسىلىمدارعا سوققى بەرۋ كەڭسەسى ارناۋلى جيىن اشىپ، ءىشىنارا ءتۇيىندى ولكە، توتە قاراستى قالالارداعى بادىك – زاڭسىز باسىلىمدارعا سوققى بەرۋ كەڭسەسىنەن ارناۋلى وڭالتۋ پارمەنىن اناعۇرلىم كۇشەيتىپ، عالامتوردا VR كوز اينەگىن ساتقاندا انايى كەسكىندەردى قوسىپ ساتۋ ارەكەتىنە قاتاڭ سوققى بەرۋدى تالاپ ەتكەن بولاتىن.

    قازىر بۇكىل ەلىمىزدە 20 نەشە رەتكى وقيعاعا دەلو تۇرعىزىلىپ، تەكسەرۋ جۇرگىزىلىپ، قىلمىس كۇماندىلارىنان 30 نەشە ادام تۇتقىندالدى. عالامتورداعى نەگىزگى ساۋدا تەكشەلەرى بادىك – زاڭسىز باسىلىمدارعا سوققى بەرۋ تاراۋلارىنىڭ قىزمەتىنە بەلسەندى سايكەسىپ، تەكشەلەردەگى VR تاۋارلارىنا جالپى بەتتىك تەكسەرۋ جۇرگىزىپ، ءونىمدى وڭالتۋ شارالارىن اتقارىپ، بەلگىلەمەگە قايشى تاۋارلاردى سورەدەن الىپ، توراپتان ءوشىردى، زاڭ – تۇزىمگە قايشى عالامتور دۇكەندەرىن جاپتى. شوعىرلى وڭالتۋ ارقىلى، عالامتورداعى VR كوز اينەكتەرىن ساتىپ العاندارعا انايى كەسكىندەردى قوسىپ بەرۋ احۋالى كورنەكتى تۇردە تەجەلدى.

 

جاۋاپتى رەداكتور:نۇرجان مينۋار قىزى