حالىقتىق اۆياتسيانىڭ قوعام حاۋىپسىزدىگى مەكەمەسى پاسپورتتىڭ ۇشاققا مىنۋدەگى كۇشكە يە ازاماتتىق كۋالىك ەكەنىن ايقىن ورتاعا قويدى

    23 – مامىردا حالىقتىق اۆياتسيا مەكەمەسىنىڭ قوعام حاۋىپسىزدىگى مەكەمەسى ۇقتىرۋ ءتۇسىرىپ بىلاي دەدى: جۇڭحۋا حالىق رەسپۋبليكاسىنىڭ پاسپورتى __ ۇشاققا مىنۋدەگى كۇشكە يە ازاماتتىق كۋالىك، ونى ەل ىشىندەگى كەزەكشى ۇشاقتاردىڭ بەلەتىن ساتىپ الۋدا، جولاۋشىلاردىڭ ۇشاققا ءمىنۋ راسمياتتارىن، حاۋىپسىزدىك تەكسەرۋ راسمياتتارىن وتەۋىندە كۇشكە يە ازاماتتىق كۋالىك رەتىندە پايدالانۋىنا بولادى.

    حالىقتىق اۆياتسيا مەكەمەسىنىڭ قوعام حاۋىپسىزدىگى مەكەمەسى سونىمەن بىرگە مىنانى ەسكەرتتى: تۇرعىنداردىڭ ازاماتتىق كۋالىگىنىڭ كۇشكە يە ۋاقىتى ءوتىپ كەتسە، جالعاستى پايدالانۋىنا بولمايدى. كۇشكە يە ۋاقىتى تولعانداردىڭ ۋاقىتتىق ازاماتتىق كۋالىك نەمەسە قوعام حاۋىپسىزدىگى ورگاندارى جاعىنان بەرىلگەن سول ادامنىڭ جاقىندا تۇسكەن جالاڭباس كۋالىك سۋرەتى جاپسىرىلعان، ناپوس تاڭباسى باسىلعان، كۇشكە يە ۋاقىتى ەسكەرتىلگەن «تۇرعىنداردىڭ ازاماتتىق كۋالىگىن الۋ ءوتىنىشىن» ۇشاققا مىنۋدەگى كۇشكە يە ازاماتتىق كۋالىك رەتىندە پايدالانۋىنا بولادى. ۇقتىرۋدا مىنالار تالاپ ەتىلدى: حالىقتىق اۋەجايلاردىڭ قوعام حاۋىپسىزدىگى ورگاندارى «حالىققا قولايلى بولۋ، قىزمەت وتەۋ» پرينسيبىن نەگىز ەتىپ، قاجەت ەتكەن جولاۋشىلارعا «حالىقتىق ۇشاقتارعا مىنەتىن ۋاقىتتىق ازاماتتىق كۋالىكتى» قول قويىپ تاراتىپ، جولاۋشىلاردىڭ ىركىلىسسىز ساپارلاۋىنا كەپىلدىك ەتۋلەرى كەرەك.

جاۋاپتى رەداكتور:سايراش تۇرارجان قىزى