شىنجىن مادەنيەت كورمەسىنە قويىلعان شينجياڭنىڭ ادەمى كەستە بۇيىمدارى

    جۋىقتا، كەستەلى كيىم كيىپ، قۇلاعىنا كەستەلى تىڭداعىش تاعىپ، كۇلىمسىرەگەن ۇيعۇر ايەلدىڭ سۋرەتى 13-رەتكى جۇڭگو (شىنجىن) حالىقارالىق مادەنيەت ساۋدا كورمەسى شينجياڭ كورمە ورنىندا قويىلىپ، كورەرمەندەردىڭ نازارىن ەرەكشە اۋداردى.

    مىنا سۋرەت وتە كوركەم ەكەن. سۋرەتتەگى جالپى تۇلعالىق ءتۇستىڭ سالىستىرماسى، ادامنىڭ ميميكاسى ەرەكشە ورنىنا ءتۇسىپتى. ەڭ ماڭىزدىسى مىنا ايەل ادامنىڭ قۇلاعىنا تاققان موددى تىڭداعىش ادامنىڭ كورۋ اياسىنا سالىستىرمالى تۇردە ءلاززات باعىشتايدى ەكەن،-دەدى شىنجىن فوتو سۋرەت اۋەسكەرى لي شىگۋاڭ.

    ناعىندا، بۇل «ياچاڭ مادەنيەت توبى شينحۋا ۋنيۆەرسيتەتى اسەمونەر ينستيتۋتىنىڭ شينجياڭ قۇمىل قالاسى ءداستۇرلى قولونەر قىزمەت پۋنكتىنىڭ» وسى رەتكى مادەنيەت كورمەسىنە قويعان قۇمىل ۇيعۇر ۇلتىنىڭ قولونەر كەستە سۋرەتى ەدى. اسەم تىڭداعىشتاعى تىگىلگەن كەستەدەگى توتىنىڭ سۋرەتى مەن زەردەلەي سالىنعان كەستەنى وسى سۋرەتتەگى ايەلدىڭ ءوزى تىگىپتى.

    سۋرەتكە قاراساڭىز، ايەلدىڭ جىميعان سۋرەتىنەن -اق تاماشا ءبىر ماساتتانعان كوڭىل-كۇيدى كورە الاسىز. وسى سۋرەتتى تۇسىرگەن كەزدە، ونىڭ جۇزىندە جاس مونشاعى بار ەدى،-دەدى قىزمەت پۋنكتىنىڭ قىزمەتكەرى ۋاڭ جىشياڭ تانىستىرا.

    بۇل ايەلدىڭ اتى زورىحان ەدى. قىزمەت پۋنكتى ونى تابۋدان بۇرىن، ول قۇمىل قالاسىنداعى ءبىر قاراپايىم كەستە تىگۋشى، قاعاز ويمالاردى قيۋشى ەكەن. ونىڭ ويىندا كەستە تىگۋ مەن قاعاز ويمالاردى قيۋ تۇرمىسىنىڭ ءبىر بولەگى دەپ ويلايتىندىقتان، تاباندىلىقپەن قىرىق جىل وسى جۇمىسپەن شۇعىلدانىپ كەلىپتى. ال، ول وسى قىزمەت پۋنكتىنىڭ كەستەشى قىزمەتكەرى بولعاننان كەيىن، كەستەلەنىپ سالىناتىن سىزبالاردى قابىلدايدى. ول بۇرىنعىداي كەستە تىگىپ جانە ونى ساتامىز دەپ ويلاپ ءجۇرىپتى. تەك وسى قىزمەت پۋنكتىندەگى قىزمەتكەر ونىڭ تىككەن كەستەسىن تىڭداعىشتىڭ ۇستىنە سالىپ، ونىڭ الدىنا اكەلگەندە، قاتتى اسەرلەنەدى. ول تىڭداعىشتى قۇلاعىنا تاققاندا، ىشىنەن اسەم مۋزىكا داۋىسى قۇلاعىنا جەتەدى ءارى كوزىنە جاس كەلەدى. ول: مەن سالعان كەستە وسىنداي زاتتاردىڭ ۇستىنە اسەمدەلىپ سالىنادى دەپ ويلاپ كورمەپتىمىن. قىزمەت پۋنكتىنىڭ مەنىڭ اتىمدى وسى كەستەنىڭ ارتىنا جازىپ قويعانىنا راحىمەت،-دەدى.

جاۋاپتى رەداكتور:سايراش تۇرارجان قىزى