اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋگە باسشىلىق ەتۋ گرۋپپاسى جالپى جيىن اشتى

    17 - مامىردا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋگە باسشىلىق ەتۋ گرۋپپاسىنىڭ باستىعى شوكىرات زاكىر اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋگە باسشىلىق ەتۋ گرۋپپاسىنىڭ جالپى جيىنىن باسقارىپ اشقان كەزدە مىنالاردى باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكومنىڭ تالاپتارى بويىنشا، ءتۇيىندى مىندەتتەر مەن ءالسىز بۋىنداردان باستاپ ىسكە كىرىسىپ، ءتۇزىمنىڭ جوبالانۋىنا جانە باقىلاۋ مەحانيزمىنىڭ اتقارىلۋىنا كۇش سالىپ، رەفورما شارالارىنىڭ تياناقتانۋىنا، رەفورما پايداسىنىڭ قالىڭ حالىقتى يگىلىككە كەنەلتۋىنە كەپىلدىك ەتۋ كەرەك.

    جيىن اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ جاعدايىنان مالىمەتتى تىڭداپ، قاتىستى ءتۇيىندى قىزمەتتەردى اقىلداسىپ ورنالاستىردى. جيىن بىلاي دەپ قارادى: وسى كەزەكتى ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسى 2009 - جىلى باستالعاننان قازىرگە دەيىن كورنەكتى ونىمدىلىككە قول جەتكىزىپ، بۇكىل رايونداعى ءار ۇلت بۇقاراسىنىڭ ەمدەلۋ شارت - جاعدايى ايتارلىقتاي جاقسارىپ، «ەمدەلۋ قيىن بولۋ، ەمدەلۋ قىمبات بولۋ» ماسەلەسى ءبىرشاما جەڭىلدەدى، اسىرەسە، قالا، اۋىل ەمدەۋ قامسىزداندىرۋىن ءبىر تۇتاس جوسپارلاۋ، نەگىزگى الەۋمەتتىك دەنساۋلىق ساقتاۋعا قىزمەت كورسەتۋ سياقتى جاقتارداعى قابىلەتى، دەڭگەيى كورنەكتى جوعارىلادى.

    شوكىرات زاكىر جيىندى باسقارعان كەزدە مىنالاردى اتاپ كورسەتتى: ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ − پارتيا ورتالىق كوميتەتى، مەملەكەتتىك كەڭەس جاساعان كەلەلى شەشىم جانە ورنالاستىرۋ، رەفورمانى جاپپاي تەرەڭدەتۋدىڭ جانە جاپپاي دوڭگەلەك داۋلەتتى قوعام قۇرۋدىڭ باستى مىندەتى، ول ءار ۇلت بۇقاراسىنىڭ ءتول مۇددەسىنە سايادى. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن جاپپاي تەرەڭدەتۋ − ۇزاققا سوزىلاتىن قامال الۋ شايقاسى، جاۋاپكەرشىلىك ارقالاۋعا باتىل بولىپ، قيىندىقتاردى جەڭە وتىرىپ ورگە ۇمتىلىپ، رەفورمانى تاباندىلىقپەن ىلگەرىلەتۋ كەرەك. كەزەكتە ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن جاپپاي تەرەڭدەتۋدە ءدوپ كەلگەن جاڭا جاعدايدى جەتە تانىپ، اتالعان رەفورمانىڭ دۇرىس باعىتىن ءدال يگەرىپ، رەفورما جاۋاپكەرشىلىگىن ارقالاۋدى شىنايى كۇشەيتىپ، رەفورمانى ساتى - ساتى بويىنشا تىڭعىلىقتى تەرەڭدەتۋ كەرەك. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن جاپپاي تەرەڭدەتۋدىڭ جۇيەلىلىگىن، جالپى تۇلعالىلىعىن، سايكەستىلىگىن تەرەڭ تانىپ جانە يگەرىپ، ءبىر تۇتاس جوسپارلاۋدى مىقتى ۇستاۋ، جوبانى مىقتى ۇستاۋ، تياناقتاندىرۋدى مىقتى ۇستاۋ، تەكسەرىپ - زەرتتەۋدى مىقتى ۇستاۋ سياقتى قىزمەتتەردى قۇلشىنا ويداعىداي ىستەپ، رەفورمانىڭ باعىتتامالىلىعىن، ناقتى ونىمدىلىگىن كۇشەيتۋ كەرەك.

    شوكىرات زاكىر مىنالاردى باسا دارىپتەدى: بۇكىل مەملەكەتتىك ەمدەۋ رەفورماسى قىزمەتى جونىندەگى تەلەۆيزور - تەلەفون ءماجىلىسىنىڭ، اۆتونوميالى رايوننىڭ دەنساۋلىق ساقتاۋ جانە سالاماتتىق جونىندەگى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىنىڭ «تىرەك − ارقاۋ» سيپاتتى مىندەتتەرىنىڭ تياناقتانۋىن ىشكەرىلەي ىلگەرىلەتۋ كەرەك. ماڭىزدى ءتۇيىندى كورنەكتىلەندىرىپ، رەفورمانىڭ ۋاقىت كەستەسى مەن جول كارتاسىن ايقىنداپ، ەمدەۋ قۇرىلىمدارىنىڭ بىرىككەن تۇلعا قۇرىلىسىن ىلگەرىلەتۋ، ۇكىمەتتىك شيپاحانالاردىڭ ءدارى - دارمەككە ۇستەمە پايدا قوسۋىن كۇشىنەن قالدىرۋ، ءدارى - دارمەك وندىرىسىنە، اينالىمىنا رەفورما جاساۋ جانە ونى كەمەلدەندىرۋ سياقتى قىزمەتتەردى ويداعىداي يگەرىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىنىڭ مىندەتتەرىنىڭ ناقتى تياناقتانۋىن جەدەل ىلگەرىلەتۋ كەرەك. ۇيىمدىق باسشىلىقتى كۇشەيتىپ، «ءبىرىنشى باسشى» جاۋاپتى بولۋ تۇزىمىنەن جازباي، قىزمەت مەحانيزمىن رەتكە سالىپ، تاراۋلار ارا سايكەسۋدىڭ پارمەندى مەحانيزمىن ورناتۋ ارقىلى ەمدەۋ رەفورماسىنىڭ شەشۋشى بۋىندارىن ىركىلىسسىزدەندىرىپ، بوگەت تۇيىندەرىن ارشىپ، كەدەرگى كۇشتى جويۋ كەرەك. ساياساتتاردى ءتۇسىندىرۋ جانە ۇگىتتەۋ قىزمەتىن كۇشەيتىپ، قوعامنىڭ نازارىنا دەر كەزىندە جاۋاپ قاتىپ، ەمدەۋ رەفورماسىنىڭ وڭ ەنەرگياسىن تاراتىپ، رەفورمانى ىلگەرىلەتۋ ءۇشىن تاماشا ورتا ازىرلەۋ كەرەك.

    اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋگە باسشىلىق ەتۋ گرۋپپاسىنىڭ ورىنباسار باستىعى لي پىڭشين، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋگە باسشىلىق ەتۋ گرۋپپاسىنىڭ ورىنباسار باستىعى ەركىن تۇنياز جيىنعا قاتىناستى. اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋگە باسشىلىق ەتۋ گرۋپپاسىنا مۇشە ورىنداردىڭ جانە قاتىستى تاراۋلاردىڭ جاۋاپتى جولداستارى جيىنعا قاتىناستى.

جاۋاپتى رەداكتور:سايراش تۇرارجان قىزى