جاقسى ىستەردى، ناقتى ىستەردى شىنايى ىستەيىك

    − قاشقار، حوتان ايماقتارىنداعى ارتىق ەڭبەككۇشتەردى باسقا سالاعا ويىستىرىپ كاسىپتەندىرۋ قىزمەتىن تىڭعىلىقتى ىلگەرىلەتۋ جونىندە (3)

    10 - مامىر اۆتونوميالى رايون قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ كاسىپتەندىرۋ قىزمەتى جونىندەگى تەلەۆيزور - تەلەفون ءماجىلىسىن اشتى. ءماجىلىس بىلاي دەپ باسا دارىپتەدى: 3 جىلدا قاشقار، حوتان ايماقتارىنىڭ قالا، اۋىلدارىنان 100 مىڭ ارتىق ەڭبەككۇشتى ۇيىمدى تۇردە باسقا سالاعا ويىستىرىپ كاسىپتەندىرۋ قىزمەتىن جاقسى ىستەۋ شينجياڭنىڭ ورنىقتىلىق، دامۋ جالپى جاعدايىنا سايادى، ماڭىزى زور، جاۋاپكەرشىلىگى اۋىر. قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ كاسىپتەندىرۋ قىزمەتى − اۆتونوميالى رايوندىق پارتكومنىڭ باس نىسانانى ىسكە اسىرۋداعى كەلەلى شاراسى، الدىمىزدا تۇرعان ماڭىزدى مىندەتتەردىڭ ءبىرى. اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن باتىل تۇردە ويداعىداي تياناقتاندىرىپ، قىزمەتتى مىقتاپ، شىنايى يگەرىپ، جاقسى ناتيجەگە قول جەتكىزۋ كەرەك.

    كاسىپتەندىرۋ، وڭتۇستىك شينجياڭ قىزمەتى جونىنەن العاندا، ەرەكشە ماڭىزدى مانگە يە. ەگەر قوعامدا كاسىپسىزدەر كوبەيىپ، بۇيرەكتەن سيراق شىعاراتىن بولسا، وندا قوعام ورنىقتىلىعىنا قاتەر تونەدى. باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە بىلاي دەپ باسا دارىپتەدى: شينجياڭدى ورنىقتىرۋ، شينجياڭدى تىنىشتاندىرۋ ستراتەگيالىق بيىگىندە تۇرىپ، ءار ۇلت حالقىنىڭ الاڭسىز تىرشىلىك ەتۋىن تىعىز ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىققا تيىمدىلىك جاسايتىن ناقتى ىستەردى كوبىرەك تىندىرىپ، ءار ۇلت جۇرتشىلىعىنىڭ كوكەيىندەگى ماسەلەلەردى كوبىرەك ءبىر جايلى ەتىپ، ءار ۇلت جۇرتشىلىعىنا پارتيانىڭ قامقورلىعى مەن وتان ۇلى شاڭىراعىنىڭ مەيىر - شاپاعاتىن شىنايى سەزىندىرۋ كەرەك. قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ كاسىپتەندىرۋ قىزمەتى باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ ماقساتىمەن اۆتونوميالى رايوندىق پارتكوم ورنالاستىرعان وڭتۇستىك شينجياڭ ماسەلەسىن شەشۋدەگى تاماشا شاراسى. كاسىپتەندىرۋدىڭ ابزال ساياساتتارىن جەدەل قيمىلداپ ىسكە اسىرۋ ارقىلى حالىق بۇقاراسىنىڭ ىستەيتىن ءىسى بولۋىنا، تاباتىن اقشاسى بولۋىنا، قۇلشىنىس ءورىسى بولۋىنا مۇمكىندىك جاساۋ باس نىسانانى ويداعىداي دايەكتىلەندىرىپ، تياناقتاندىرۋعا، ورنىقتىلىق قىزمەتىن ويداعىداي ىستەۋگە پايدالى عانا بولىپ قالماستان، بۇقارانى ىنتىماقتاستىرىپ، جۇرت تىلەگىنەن شىعۋعا، كەدەيلىكتەن قۇتىلدىرۋدان قامال الۋ نىساناسىن جۇزەگە اسىرۋعا دا پايدالى، ءار ۇلت بۇقاراسىنىڭ ارالاسۋىنا، ىشتەسۋىنە، توعىسۋىنا پايدالى. مىندەت تۇراقتانىپ، باعدار ايقىندالدى، جاقسى ساياساتتاردى تياناقتاندىرىپ، ومىرشەڭدىك باعىشتاۋداعى تەتىك ءىس جۇزىندىك قيمىلدى تياناقتاندىرۋدا. رايونىمىزداعى جەر - جەر، تاراۋلار اۆتونوميالى رايوننىڭ «ۇيرەنۋ، بۇرىلىس جاساۋ، جەبەۋ» ارناۋلى قيمىلىنىڭ تالاپتارىنا ۇشتاستىرىپ، دايەكتىلەندىرۋدى، تياناقتاندىرۋدى مىقتاپ يگەرىپ، جاقسى ىستەردى ويداعىداي تىندىرىپ، ناقتى ىستەردى شىنايى ىستەپ، باسقا سالاعا ويىستىرىپ كاسىپتەندىرۋ قىزمەتىنىڭ ءتارتىپتى، جوعارى ءونىمدى ىلگەرىلەۋىنە، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىنىڭ تۇبەگەيلى تياناقتانۋىنا كەپىلدىك ەتۋ كەرەك.

    جاقسى ىستەردى، ناقتى ىستەردى شىنايى ىستەۋدە سۋبيەكتتىك جاۋاپكەرشىلىكتى تياناقتاندىرۋ، ءار جاق جاۋاپكەرشىلىگىن قاتاڭ اتقارۋ كەرەك. پارتكومنىڭ سۋبيەكتتىك جاۋاپكەرشىلىگىن تياناقتاندىرۋ − پارتيانى جاپپاي قاتاڭ جونگە سالۋدى ىلگەرىلەتۋدىڭ تابيعي تالابى، پارتكومنىڭ باس تارتۋعا بولمايتىن بورىشى. جەر - جەر، تاراۋلار سۋبيەكتتىك جاۋاپكەرشىلىگىن ارقالاپ، قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ كاسىپتەندىرۋ قىزمەتىن ءبىرىنشى باسشى ينجەنەرياسىنا شىن مانىندە ەنگىزۋ، نەگىزگى جاۋاپتى جولداستار وزدەرى تىكەلەي ورنالاستىرۋ جاساپ، قۋزاۋ، تەكسەرۋى كەرەك، سول سالاعا جاۋاپتى باسشى جولداستار ناقتى يگەرۋ، ناقتى جاۋاپتى بولۋ، ءبىر دارەجە ءبىر دارەجەنى يگەرۋ، دارەجە بويىنشا تياناقتاندىرۋدى يگەرۋدەي قىزمەت مەحانيزمىن قالىپتاستىرۋ كەرەك. سونىمەن بىرگە، جەتەكشىلىك ەتۋدى، تەكسەرۋدى كۇشەيتىپ، جاۋاپكەرشىلىكتى قۋزاستىرۋدى، جاۋاپقا تارتۋدى قاتايتىپ، شارالاردى كۇشەيتىپ، بار كۇشپەن ىلگەرىلەتىپ، باسقا سالاعا ويىستىرىپ كاسىپتەندىرۋ قىزمەتىن ءونىمدى تۇردە ىلگەرىلەتۋ كەرەك.

    جاقسى ىستەردى، ناقتى ىستەردى شىنايى ىستەۋدە تياناقتاندىرۋدى مىقتاپ يگەرۋ، ۇزاق ۋاقىت تاباندى بولۋ كەرەك. مىقتى يگەرۋدە قيىنشىلىقتى جەڭىپ، قامال الىپ، قيىنشىلىعى كوپ الدىڭعى شەپكە كوبىرەك ات باسىن بۇرىپ، قايشىلىقتار مەن ماسەلەلەرگە مۇقيات تالداۋ جاساپ، شىنايى شەشۋ كەرەك. مىقتى يگەرۋدە ىشكەرىلەي قۇنتتى بولىپ، ۇساق ىستەردەن باستاپ تياناقتاندىرعاندا عانا، ونىمدىلىگىن كورۋگە بولادى، جۇمىس ورىندارىنىڭ سانى، جۇمىس ءتۇرى، جۇمىس ورنى، تەحنيكالىق تالاپتارى، ەڭبەكاقى يگىلىگى سياقتىلار انىق پا؟ ءدال ۋاعىندا، قىزمەت ورنى بويىنشا جۇمىس ىستەۋى قامتاماسىز ەتىلدى مە؟ تياناقتاندىرۋدى مىقتاپ يگەرۋدە ۇزاق ۋاقىت تاباندى بولۋ كەرەك. ۇنەمى، جىڭىشكەلىكپەن، ۇزاق ۋاقىت مىقتى يگەرۋ قىزمەتىن ويداعىداي ىستەپ، باسقا سالاعا ويىستىرىپ كاسىپتەندىرگەندەر سول جەردە ۇزاق ۋاقىت، تۇراقتى قىزمەت ىستەپ، تۇرمىس كەشىرۋدەي باياندى قىزمەت مەحانيزمىن قالىپتاستىرىپ، بەلگىلەنگەن نىسانانىڭ ىسكە اسۋىنا كەپىلدىك ەتۋ كەرەك.

    ناقتى ىستەۋدى ماڭداي الدى ورىنعا قويىپ، ىسكە شىنايى كىرىسۋ − جۇمىس جۇرگىزىپ، كاسىپتە تابىسقا جەتۋدىڭ كىلتى. وڭتۇستىك شينجياڭنىڭ قالا، اۋىلدارىنداعى اناعۇرلىم كوپ ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ كاسىپتەندىرۋدى ىسكە اسىرىپ، اناعۇرلىم كوپ جەكەلەر مەن وتباسىلارىن ناقتى تيىمدىلىككە كەنەلتىپ، ورنىقتىلىق پەن دامۋدىڭ جەتىستىكتەرىنەن بىرگە يگىلىكتەندىرسەك، اناعۇرلىم كوپ ءار ۇلت حالقى پارتيانىڭ مەيىر - شاپاعاتى مەن وتان ۇلى شاڭىراعىنىڭ مەيىرىمىن سەزىنىپ، شىن كوڭىلدەن پارتيا ورتالىق كوميتەتىنە العىس ايتادى، ونان ارى باتىل تۇردە پارتيانىڭ سوزىنە قۇلاق اسىپ، پارتياعا ىلەسىپ، وڭتۇستىك شينجياڭنىڭ ورنىقتىلىعى مەن دامۋى ونان ارى جاقسارا تۇسەدى.

جاۋاپتى رەداكتور:سايراش تۇرارجان قىزى