ءبىر نيەتپەن سەلبەسىپ، جاراسىمدىلىق، ورنىقتىلىق جالپى جاعدايىن بىرگە سومدايىق

    ءبىر نيەتپەن سەلبەسىپ، جاراسىمدىلىق، ورنىقتىلىق جالپى جاعدايىن بىرگە سومدايىق − «جالپى حالىقتىق مەملەكەت حاۋىپسىزدىگى تاربيەسى كۇنى» بايلانىسىمەن (3)

    بيىلعى 15 - ءساۋىر − مەملەكەتتىك 2 - رەتكى «جالپى حالىقتىق مەملەكەت حاۋىپسىزدىگى تاربيەسى كۇنى». نەشە كۇننەن بەرى، اۆتونوميالى رايونىمىزداعى ورتا، باستاۋىش مەكتەپتەر، جوعارى مەكتەپتەر «جالپى حالىقتىق مەملەكەت حاۋىپسىزدىگى تاربيەسى كۇنى» تاقىرىبىندا جەلىلەس قيمىلدار وتكىزدى.

    مەملەكەتتىڭ حاۋىپسىزدىگىن قورعاۋدا وقۋ - اعارتۋ جۇيەسى ماڭىزدى بورىش ارقالايدى. رايونىمىزدىڭ وقۋ - اعارتۋ سالاسىندا مەملەكەت حاۋىپسىزدىگى تاربيەسىن كۇشەيتۋ، پارتيا ورتالىق كوميتەتىنىڭ مەملەكەت حاۋىپسىزدىگىن قورعاۋ جونىندەگى ءبىرسىپىرا ماڭىزدى ستراتەگيالىق شەشىمدەرىن ىشكەرىلەي ۇيرەنۋ، دايەكتىلەندىرۋ، تۇتاس قوعامدا مەملەكەت حاۋىپسىزدىگىن قورعاۋ تانىمى مەن قابىلەتىن جاپپاي جوعارىلاتۋ، مەملەكەت حاۋىپسىزدىگىن قورعاۋدىڭ قۇدىرەتتى كۇشىن ۇيىستىرۋ جونىنەن توتەنشە ماڭىزدى ءمان الادى.

    لاڭكەستىككە قارسى تۇرىپ، ورنىقتىلىقتى قورعاۋدىڭ قۇدىرەتتى وڭ ەنەرگياسىن ۇيىستىرايىق

    «جۇڭحۋا حالىق رەسپۋبليكاسىىنىڭ مەملەكەت حاۋىپسىزدىگى زاڭى»، «جۇڭحۋا حالىق رەسپۋبليكاسىىنىڭ تىڭشىلىققا قارسى تۇرۋ زاڭى»، «جۇڭحۋا حالىق رەسپۋبليكاسىىنىڭ لاڭكەستىككە قارسى تۇرۋ زاڭى»... رايونىمىزداعى جوعارى مەكتەپتەردىڭ «جالپى حالىقتىق مەملەكەت حاۋىپسىزدىگى تاربيەسى كۇنى قيمىلىنىڭ» باستالۋ سالتى 15 - ساۋىردە شينجياڭ مەديتسينا ۋنيۆەرسيتەتىندە وتكىزىلدى، مەملەكەت حاۋىپسىزدىگى تاربيەسىنە قاتىستى زاڭدار مەن زاڭ - ەرەجەلەر مەكتەپ اۋلاسىنداعى ۇگىت تاقتالارى، ءۇنحات الەۋمەتتىك تۇعىرى سياقتى فورمالارمەن جوعارى مەكتەپتەگى وقىتۋشى - وقۋشىلارعا جەتكىزىلدى. مۇنان سىرت، كۇندەلىكتى تۇرمىستا ازاماتتار قول تەلەفوندا، ينتەرنەتتە قۇپيالىقتى شاشىپ الۋدان قالاي ساقتانۋعا بولادى دەگەن سياقتى مازمۇندار ايرىقشا تانىستىرىلدى.

    شينجياڭ مەديتسينا ۋنيۆەرسيتەتى الەۋمەتتىك دەنساۋلىق ساقتاۋ ينستيتۋتىنىڭ وقۋشىسى رايدىن مامەت: وسى رەتكى قيمىل ارقىلى، «مەملەكەت حاۋىپسىزدىگى زاڭى»، «تىڭشىلىققا قارسى تۇرۋ زاڭى» سياقتى قاتىستى زاڭدار مەن زاڭ - ەرەجەلەردى ىشكەرىلەي ءتۇسىندىم. سونىمەن بىرگە، مەملەكەت حاۋىپسىزدىگىن قورعاۋ ءاربىر ازاماتتىڭ وتەۋگە ءتيىستى بورىشى ەكەندىگىن تانىدىم. الداعى كۇندە قىزمەت، ۇيرەنۋ بارىسىندا، حاۋىپسىزدىك تانىمىن ءوز باسىمنان باستاپ ورناتىپ، حاۋىپسىزدىك تانىمىن كۇشەيتەمىن، - دەدى.

    شينجياڭ ۇيعۇر شيپاگەرلىك ارناۋلى مەكتەبى حوتانعا ورنالاسقان. بيىل بۇل مەكتەپ «ۇيعۇر باۋىرلاستارعا جولداعان ويانۋ حاتىمەن»، «اۆتونوميالى رايوننىڭ ۇشقارىلىقتى الاستاۋ ەرەجەسىمەن» ۇشتاستىرىپ، وقىتۋشىلار مەن وقۋشىلاردىڭ مەملەكەت حاۋىپسىزدىگى كوزقاراسى جونىندەگى تۇسىنىك پەن تانىمدى ونان ارى كۇشەيتىپ، ولاردىڭ مەملەكەت حاۋىپسىزدىگىن بۇلدىرەتىن ارەكەتتەرمەن بەلسەنە كۇرەسۋىنە جەتەكشىلىك ەتتى. وسى مەكتەپتىڭ 2 - جىلدىعىندا وقىپ جاتقان ءدىلشات قاس: وتاننىڭ مۇددەسىنە سۇعاناقتىق جاساۋعا، شەكارا ءوڭىردىڭ ورنىقتىلىعىن بۇلدىرۋگە جول بەرىلمەيدى، ءبىز جاۋاپكەرشىلىگىمىزدى ارقالاپ، شينجياڭنىڭ قوعام ورنىقتىلىعىن بۇلدىرەتىن بارلىق زورلىقتى كۇشتەرمەن كۇرەس جۇرگىزۋىمىز كەرەك. سونىمەن قاتار، باستاماشىلدىقپەن ساياسي سانامىزدى جوعارىلاتىپ، ۇلتتار ىنتىماعىن ءومىرىمىزدى ايالاعانداي ايالاپ، كاسىپتىك بىلىمدەردى قۇلشىنا ۇيرەنىپ، بولاشاقتا شينجياڭدى كوركەيتۋگە بەلسەنە ات سالىسۋىمىز كەرەك، - دەدى.

    «قول قويۋ قيمىلىنان سىرت، مەكتەپ جايشىلىقتا مەكتەپ راديوسىندا، مەملەكەت تۋى الدىندا لەكسيا جاساۋ، كلاس جينالىسى سياقتى الۋان ءتۇرلى فورمالارمەن وقىتۋشى - وقۋشىلارعا، اتا - انالارعا مەملەكەت حاۋىپسىزدىگى كوزقاراسىن بارىنشا ۇگىتتەپ، <نەگىزگى زاڭ>، <مەملەكەت حاۋىپسىزدىگى زاڭى> سياقتى زاڭدار مەن زاڭ - ەرەجەلەر جونىندەگى ءبىلىمدى جالپىلاستىرىپ، تاماشا ۇيرەنۋ، ۇگىتتەۋ ورتاسىن قالىپتاستىرىپ، وقىتۋشى - وقۋشىلاردىڭ، انا - انالاردىڭ <مەملەكەت حاۋىپسىزدىگى بورىشىن بارلىق ادام ارقالايدى> تانىمىن مىقتاپ ورناتۋىنا مۇمكىندىك جاساپ، جالپى حالىقتىڭ مەملەكەت حاۋىپسىزدىگى جونىندەگى جاۋاپكەرشىلىگىن كۇشەيتىپ، مەملەكەت حاۋىپسىزدىگىن قورعاۋدىڭ قۇدىرەتتى قوعامدىق ورتاق تانىمىن قالىپتاستىردى». ءۇرىمجى قالالىق كاسىپتىك تەحنيكۋم مەكتەبى پسيحولوگيالىق جاقتان جەتەكشىلىك ەتۋ ورتالىعىنىڭ مەڭگەرۋشىسى ۋاڭ ۋىن: مۇنداعى ماقساتىمىز قالىڭ وقىتۋشى - وقۋشىلارعا، سونداي - اق اتا - انالارعا زاڭ ۇيرەنۋ، زاڭدى ءبىلۋ، زاڭعا بويسۇنۋ، زاڭنان پايدالانۋ جونىندە تاربيە جۇرگىزىپ، مەكتەپتى زاڭمەن جونگە سالۋدى ىلگەرىلەتۋ، - دەدى.

جاۋاپتى رەداكتور:سايراش تۇرارجان قىزى