اۆتونوميالى رايونىمىزدان 100 تاڭداۋلى ۇيعۇر ساياسي - زاڭ كادر - ساقشىسى بىرلەسىپ حات جازىپ «ءۇش ءتۇرلى كۇشكە» جاپپاي سايىس جاريالادى

   20 - ساۋىردە اۆتونوميالى رايونىمىزدان 100 تاڭداۋلى ۇيعۇر ساياسي - زاڭ كادر - ساقشىسى بىرلەسىپ حات جازىپ، پارتياعا، مەملەكەتكە، حالىققا ادال بولىپ، «ءۇش ءتۇرلى كۇشكە» جاپپاي سايىس جاريالايتىن بەكىمى مەن سەنىمىن ايگىلەدى.

    اۆتونوميالى رايوندىق جوعارى دارەجەلى حالىق سوتى مەكەمەسىنىڭ باستىعى ءمۇتالىپ وبىل، اۆتونوميالى رايوندىق حالىق پروكۋراتۋراسىنىڭ باس پروكۋرورى نيشان يبىرايىم جانە اۆتونوميالى رايوندىق پارتكوم ساياسي - زاڭ كوميتەتىنىڭ ورىنباسار شۋجيى شەرزات باۋدۇن قاتارلى بۇكىل اۆتونوميالى رايوننىڭ ساياسي - زاڭ جۇيەسىنەن 100 تاڭداۋلى ۇيعۇر سۋديا، پروكۋرور، حالىق ساقشىسى، ءادىليا كادر - ساقشىسى جانە ساياسي - زاڭ كادرى بايىپتىلىقپەن ايبىندى تۇردە بىلاي دەستى: ءبىز ۇلى جۇڭحۋا ۇلتىنىڭ ءبىر مۇشەسىمىز، ءبىزدىڭ ورتاق سالاۋاتىمىز − جۇڭحۋا حالىق رەسپۋبليكاسىنىڭ ازاماتى، جۇڭگونىڭ ساياسي - زاڭ كادر - ساقشىسى، جۇڭگو كوممۋنيستىك پارتياسىنىڭ مۇشەسى. ءبىز وسى ارادا «ءۇش ءتۇرلى كۇشكە» جاپپاي سايىس جاريالايمىز! دەپ ايبىندى سەرت بەرەمىز.

    «بىرلەسكەن حاتتا» بىلاي دەپ اتاپ كورسەتىلدى: «ءۇش ءتۇرلى كۇش» ءومىردى اياق استى ەتىپ، دۇنيەدە جوق جاۋىزدىققا باستى، ادامنىڭ توبە شاشىن تىك تۇرعىزارلىق زورلىقتى كۇش، لاڭكەستىك ارەكەتتەرىن تۋدىردى. ءبىزدىڭ ارامىزداعى كەيبىرەۋلەردىڭ جان اشىر - جاقىندارى جاۋلاردىڭ قولىنان جازاتايىم بولدى، كەيبىرەۋلەر بەيكۇنا جۇرتشىلىقتىڭ راقىمسىزدىقپەن ولتىرىلگەنىن ءوز كوزدەرىمەن كوردى، كەيبىرەۋلەر جاۋىنگەر سەرىكتەرىنىڭ زورلىقتى كۇش لاڭكەستەرىنە سوققى بەرۋ بارىسىندا قۇربان بولعانىنا كۋا بولدى، كەيبىرەۋلەر لاڭكەستىككە قارسى تۇرۋ كۇرەسىندە اۋىر جارالاندى. «ءۇش ءتۇرلى كۇشتىڭ» تىنباي جاۋىزدىققا باسۋىنا ءبىز استە جول بەرمەيمىز!

    «بىرلەسكەن حاتتا» بىلاي دەپ اتاپ كورسەتىلدى: «ءۇش ءتۇرلى كۇش» ءدىني ۇشقارى يدەيانى ۋاعىزدادى، ولار ءبىر جاس ازاماتقا تۋعان شەشەسىن جات ساناتىپ، ءوز شەشەسى جاساعان تاماقتى جەۋدەن باس تارتۋعا ايداپ سالدى؛ ولار ءداستۇرلى، تاڭداۋلى مادەنيەتكە مۇراگەرلىك ەتۋگە، ونى ساۋلەلەندىرۋگە كەدەرگىلىك جاساپ، قىزىلدى - جاسىلدى كيىنىپ جۇرۋگە ادەتتەنىپ كەتكەن ۇيعۇر ايەلدەرىن كۇنى بويى قارا كيىپ، ورانىپ - شىمقانىپ جۇرۋگە ماجبۇرلەۋگە ۇرىندى؛ ولار ۇيعۇر ۇلتىنىڭ دامىپ العا باسۋىنا توسقىندىق جاسادى، اۋەلى، ۇيعۇر ۇلتىن ناداندىق، مەشەۋلىك، توماعا - تۇيىقتىق، بىلىقپالىق جايلاعان قارا تۇنەك زامانعا قايتا كىرىپتار ەتۋدى ماقسات ەتتى؛ «ءۇش ءتۇرلى كۇش» «جيھاد − جانناتقا اپاراتىن جول» دەگەن قانىپەزەر زۇلىم يدەيانى قۇتىرىنا ۋاعىزداپ، تالايلاعان جاستى بارسا كەلمەس، قىلمىستىڭ قۇي باتپاعىنا بەلشەسىنەن باتىردى. ادامدى الباستىعا اينالدىردى، ءبىز بۇعان استە جول بەرمەيمىز!

    «ءۇش ءتۇرلى كۇش» ۇلتتار ىنتىماعىمەن جاۋلاستى جانە ونى ءبۇلدىردى، ۇلتتىق وشپەندىلىككە جەلىكتىرىپ، قوعامدا ۇرەي تۋدىرىپ، ۇلتتار ارا ىرتكى سالدى، ولار شينجياڭنىڭ بەرەكەسىن بۇزىپ، وتاندى بولشەكتەۋگە ۇرىندى. ولار ۇيعۇر ۇلتىن بارىمتالاپ، اتا - بابالارعا، جۇڭحۋا ۇلتىنا، وتانعا وپاسىزدىق جاسادى، ءبىز بۇعان استە جول بەرمەيمىز!

    «ءۇش ءتۇرلى كۇش» − شينجياڭداعى ءار ۇلت حالقىنىڭ ورتاق جاۋى، جۇڭحۋا ۇلتىنىڭ ورتاق جاۋى، كۇللى ادامزاتتىڭ ورتاق جاۋى، ءتىپتى، ۇيعۇر ۇلتىنىڭ ورتاق جاۋى. ءبىز «ءۇش ءتۇرلى كۇشكە» مىنانى قاتاڭ ەسكەرتەمىز، «ۇيعۇرسىڭ با، ۇيعۇر ەمەسسىڭ بە»، «مۇسىلمانسىڭ با، مۇسىلمان ەمەسسىڭ بە» دەگەن سياقتىلار ارقىلى ءبىزدى بارىمتالايمىن، بىزگە قۇقاي كورسەتەمىن دەپ دامەلەنبەڭدەر! ۇلتتىق بولشەكتەۋشىلىك، ءدىني ۇشقارىلىق، زورلىقتى كۇش، لاڭكەستىك ءبىزدىڭ ۇيعۇر ۇلتىنىڭ دەنەسىندە وسكەن ءۇش ۋلى وسپە، ءبىز ۇيعۇر ساياسي - زاڭ كادر - ساقشىلارى بولعاندىمىز ءۇشىن «ءۇش ءتۇرلى كۇشپەن» كۇرەستىڭ ۇيعۇر ۇلتىن قامتىعان بارلىق جۇڭحۋا ۇلتىنىڭ ءتۇبىرلى مۇددەسىن قورعايتىن كۇرەس ەكەنىن، ونى تۇبەگەيلى الاستامايتىن بولساق، قوعامدا ورنىقتىلىق بولمايتىنىن، ۇلتتان ءۇمىت كۇتۋگە كەلمەيتىنىن، بۇقارا تىنىش تىرشىلىك ەتە المايتىنىن ءتىپتى دە سەرگەكتىكپەن تۇسىنەمىز. ءبىز قىلمىسقا سوققى بەرگەندە ەجەلدەن تارتىپ ۇلتقا، دىنگە ايىرعان ەمەسپىز، ءبىز جۇرگىزىپ جاتقان قاتاڭ سوققى بەرۋ ارناۋلى ارەكەتى وتاننىڭ تۇتاستىعىن، ۇلتتاردىڭ ىنتىماعىن قورعاپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىراتىن شەشۋشى شايقاس. وسى شەشۋشى شايقاستا جالپى بەتتىك جەڭىسكە قول جەتكىزبەيىنشە استە تىنبايمىز!

    100 تاڭداۋلى ۇيعۇر ساياسي - زاڭ كادر - ساقشىسى «بىرلەسكەن حاتتا» بىلاي دەدى: شەشۋشى شايقاس جۇرگىزىپ جاتقان وسى ساتتە، ءبىز ۇيعۇر ساياسي - زاڭ كادر - ساقشىلارى شي جينپيڭ جولداستى ۇيتقى ەتكەن پارتيا ورتالىق كوميتەتىنە، اۆتونوميالى رايوندىق پارتكومعا، شينجياڭداعى ءار ۇلت حالقىنا مىناداي ايبىندى ۋادە بەرەمىز: ءبىز مەملەكەت تۋى الدىندا بەرگەن سەرتىمىزدى ادالدىقپەن وتەپ، وتانعا، زاڭعا، پارتياعا، حالىققا ادال بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن باتىل قورعاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن باتىل تياناقتاندىرامىز. ورتالىقتىڭ شەشىمدەرىن، ورنالاستىرۋلارىن دايەكتىلەندىرۋ ءۇشىن اتقارىلعان لاڭكەستىككە قارسى تۇرىپ، ورنىقتىلىقتى قورعايتىن كەشەندى شارالاردى باتىل تياناقتاندىرىپ، زورلىقتى كۇش لاڭكەستەرىنە باتىلدىقپەن سىلەيتە سوققى بەرىپ، ءتۇپ تامىرىن قويماي قازىپ، ادا - كۇدە الاستاپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا تىڭ ۇلەستەر قوسامىز!

    ءبىز ۇلتتاردىڭ ىنتىماعىن ءوز ومىرىمىزبەن قورعاپ، ۇلتتار ىنتىماعىن قاداعالاي كۇزەتەمىز، ءبىز ۇلتتار ىنتىماعىن زاڭ قارۋىمەن قورعايمىز. ءبىز ۇلتتار ىنتىماعىنىڭ نەگىزگى اۋەنىن اسقاقتاتىپ، پارتيانىڭ مەيىر - شاپاعاتىن، اتا مەكەنىمىزدەگى وراسان زور وزگەرىستەردى ۇگىتتەپ، اناعۇرلىم كوپ ۇيعۇر جۇرتشىلىعىنىڭ پارتيانىڭ مەيىر - شاپاعاتىن بىلۋىنە، پارتيانىڭ مەيىر - شاپاعاتىنا العىس ايتۋىنا مۇمكىندىك جاساپ، ۇلتتار ىنتىماعىن بۇلدىرەتىن ءارقانداي ءسوز - ارەكەتپەن ەڭ باتىل كۇرەس جۇرگىزەمىز!

    ءبىز شەشۋشى شايقاستا شەشۋشى جەڭىسكە قول جەتكىزەتىن سەنىممەن، شەشۋشى ۇرىس سالۋ بەكىمىمەن، جالپى بەتتىك جەڭىسكە قول جەتكىزبەيىنشە تىنبايتىن جاۋ جۇرەكتىكپەن، ەرلىكپەن «ۇزدىك قوسىن»، «جول باستاۋشى قوسىن» بولۋعا ۇمتىلىپ، شەپتىڭ الدىندا تۇرىپ، ءبىرىنشى شەپتە اتويلاپ، پارتيا مەن مەملەكەت ەڭ قاجەت ەتكەن شەشۋشى ساتتە جان قيارلىق ىستەپ، كەۋدە كەرە العا شىعىپ، ىستىق قانىمىزبەن جانە قىمباتتى ومىرىمىزبەن حالىقتىڭ مۇددەسىن، مەملەكەتتىڭ حاۋىپسىزدىگىن قورعاپ، قولىمىزداعى مىلتىق پەن زاڭ قارۋىنان پايدالانىپ، «ءۇش ءتۇرلى كۇشكە» كۇيرەتە سوققى بەرەمىز!

جاۋاپتى رەداكتور:سايراش تۇرارجان قىزى