ج ك پ ورتالىق كوميتەتىنىڭ كەڭسەسى، مەملەكەتتىك كەڭەستىڭ كەڭسەسى «باسشى كادرلاردىڭ جەكە باسىنا قاتىستى ىستەردى مالىمدەۋ بەلگىلەمەسىن» جانە «باسشى كادرلاردىڭ جەكە باسىنا قاتىستى مالىمەتىن تەكسەرۋ ناتيجەسىن ءبىر جايلى ەتۋ ءادىسىن» باسىپ تاراتتى

    جۋىردا ج ك پ ورتالىق كوميتەتىنىڭ كەڭسەسى، مەملەكەتتىك كەڭەستىڭ كەڭسەسى «باسشى كادرلاردىڭ جەكە باسىنا قاتىستى ىستەردى مالىمدەۋ بەلگىلەمەسىن» (تومەندە قىسقاشا «بەلگىلەمە» دەلىندى) جانە «باسشى كادرلاردىڭ جەكە باسىنا قاتىستى مالىمەتىن تەكسەرۋ ناتيجەسىن ءبىر جايلى ەتۋ ءادىسىن» (تومەندە قىسقاشا «ءادىس» دەلىندى) باسىپ تاراتتى ءارى ۇقتىرۋ شىعارىپ، ءار دارەجەلى پارتكومنان (پارتيا باسشىلىق گرۋپپاسى) وسى نەگىزدە مۇقيات اتقارۋدى تالاپ ەتتى.

    ۇقتىرۋدا بىلاي دەپ اتاپ كورسەتىلدى: پارتيانىڭ 18 - قۇرىلتايىنان بەرى، پارتيانى جاپپاي قاتاڭ جونگە سالۋ ىشكەرىلەي العا ىلگەرىلەتىلىپ، باسشى كادرلاردىڭ جەكە باسىنا قاتىستى ىستەردى مالىمدەۋ قىزمەتى دە تىنباي كۇشەيتىلدى جانە جاقسارتىلدى. پارتيا 18 - كەزەكتى ورتالىق كوميتەتىنىڭ التىنشى جالپى ءماجىلىسى باسشى كادرلاردىڭ جەكە باسىنا قاتىستى ىستەردى مالىمدەۋ تۇزىمىنە تاباندى بولۋ جانە ونى كەمەلدەندىرۋ جونىنەن تىڭ دا ايقىن بەلگىلەمەلەر شىعاردى. جاڭا جاعدايعا، تىڭ تالاپقا بارىنشا جاقسى ۇيلەسۋ ءۇشىن، ورتالىق 2010 - جىلى باسىپ تاراتىلعان «باسشى كادرلاردىڭ جەكە باسىنا قاتىستى ىستەردى مالىمدەۋ بەلگىلەمەسىنە» وزگەرىس ەنگىزۋدى ۇيعاردى. وزگەرىس ەنگىزىلىپ العا قويىلعان «بەلگىلەمە» مەن جاڭادان بەلگىلەنگەن «ءادىس» شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋدى بۇلجىتپاي العا ىلگەرىلەتۋ جونىندەگى ورنالاستىرۋلارىن، تالاپتارىن تياناقتاندىرىپ، باسشى كادرلاردىڭ جەكە باسىنا قاتىستى ىستەردى مالىمدەۋىنە بايلانىستى جۇڭگوشا ءتۇزىمدى ورناتۋدى، كەمەلدەندىرۋدى كوزدە ۇستاپ، پارتيانىڭ 18 - قۇرىلتايىنان بەرگى مالىمدەۋ ءتۇزىمىن دايەكتى اتقارۋداعى امالياتتىق تاجىريبەلەردى قورىتىندىلاپ، ءتۇيىندى كورنەكتىلەندىرۋدەن جازباي، دالمە - ءدال، عىلمي بولۋعا تالپىنىپ، باقىلاۋدى، تەجەۋدى كۇشەيتىپ، مالىمدەۋ سۋبيەكتى، مالىمدەۋ مازمۇنى، ءىشىنارالىق تەكسەرىپ اداقتاۋ، سونداي - اق ناتيجەسىن ءبىر جايلى ەتۋ سياقتىلاردى وڭاپ، كەمەلدەندىردى. «بەلگىلەمەنىڭ»، «ءادىستىڭ» باسىپ تاراتىلىپ اتقارىلۋى پارتيانىڭ ساياسي ءتارتىبى مەن ۇيىمدىق ءتارتىبىن ونان سايىن قاتايتىپ، كادرلاردى قاتاڭ باسقارۋدا، باقىلاۋدا اسا ماڭىزدى مانگە يە.

    ۇقتىرۋدا بىلاي دەپ باسا دارىپتەلدى: ءار دارەجەلى پارتكوم (پارتيا باسشىلىق گرۋپپاسى) «بەلگىلەمەنى»، «ءادىستى» دايەكتىلەندىرۋدى، اتقارۋدى پارتيانى جاپپاي قاتاڭ جونگە سالۋدىڭ سۋبيەكتتىك جاۋاپكەرشىلىگىن ادا ەتۋدەگى ماڭىزدى ساياسي مىندەت ەتىپ، كەڭەستىك تارتىپكە ەنگىزىپ، ۇيىمدىق باسشىلىقتى شىن مانىندە كۇشەيتىپ، ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات مىقتى يگەرۋى كەرەك. ءار دارەجەلى باسشى كادرلار، وتە - موتە، جوعارى دارەجەلى كادرلار باستاماشىلدىقپەن اتقارىپ، ءتارتىپ تانىمىن، قاعيدا تانىمى مەن ۇيىمدىق تانىمدى شىن مانىندە كۇشەيتىپ، ادال، شىنايى ادام بولۋدى شىن مانىندە جۇزەگە اسىرىپ، «بەلگىلەمەدەگى» تالاپتارعا ساي جەكە باسىنا قاتىستى ىستەردى قاتاڭ، قاز - قالپىندا مالىمدەۋى، ۇيىمنىڭ باقىلاۋىن سانالىلىقپەن قابىلداۋى كەرەك.

    ۇقتىرۋدا مىنالار تالاپ ەتىلدى: ءار دارەجەلى ۇيىمداستىرۋ (كادرلار) تاراۋلارى قىزمەت جاۋاپكەرشىلىگىن مۇقيات ادا ەتۋى، «بەلگىلەمەنى»، «ءادىستى» اتقارۋدى ۇيىمداستىرۋدى تاباندىلىقپەن تىڭعىلىقتى مىقتى يگەرۋى، ءىشىنارالىق تەكسەرىپ انىقتاۋدى كۇشەيتۋى، باتىلدىقپەن مۇقيات ىستەۋى، قيىن تۇيىنگە اۋىز سالۋى ءتيىس، قاز - قالپىندا مالىمدەمەسە نەمەسە وزگە ماسەلەلەر ورىن تەپسە قاتاڭ ءبىر جايلى ەتۋى، مالىمدەۋ ءتۇزىمىنىڭ قاتاڭدىعى مەن بەدەلىن شىن مانىندە قورعاۋى، ونىڭ پارتيانى جاپپاي قاتاڭ جونگە سالۋدا اناعۇرلىم زور رول اتقارۋىنا مۇمكىندىك جاساۋى كەرەك.

    بۇل جولى وزگەرىس ەنگىزىلىپ العا قويىلعان «بەلگىلەمە» تۇرلەرگە ءبولىپ باسقارۋ پرينسيبىنە تاباندى بولىپ، «شەشۋشى ازشىلىقتى» يگەرىپ، پارتيا، ۇكىمەتتىڭ باسشى كادرلارىن باقىلاۋدى ونان سايىن كورنەكتىلەندىرىپ، مەملەكەت مەنشىگىندەگى كاسىپورىنداردىڭ، ءىسورىندارىنىڭ مالىمدەۋ وبيەكتى كولەمىن لايىقتى رەتتەدى. مالىمدەلەتىن ىستەردىڭ مازمۇنى جاعىندا باسشى كادرلاردىڭ ۇقىق ارەكەتىمەن تىعىز بايلانىستى بولعان وتباسى ىستەرى، وتباسى مال - مۇلكى جاعدايى بارىنشا كورنەكتىلەندى. «ءادىس» مالىمدەلمەي قالۋ، مالىمدەمەي جاسىرىپ قالۋ جايتىن تۇراقتاندىرۋدىڭ نەگىزگى پرينسيپتەرىن، ناقتى جاعدايى مەن ءبىر جايلى ەتۋ نەگىزىن ايقىنداپ، باسشى كادرلاردىڭ جەكە باسىنا قاتىستى ىستەردى قاز - قالپىندا مالىمدەمەۋ سەبەبىنەن ۇيىمدىق جاقتان ءبىر جايلى ەتۋ جانە ءتارتىپ جازاسىن بەرۋدىڭ ىقپال مەزگىلىن بەلگىلەپ، تەكسەرۋ ناتيجەسىنەن اناعۇرلىم ءونىمدى پايدالانۋعا نەگىز ازىرلەپ بەردى.

جاۋاپتى رەداكتور:سايراش تۇرارجان قىزى