«عۇلاما تيانشان» جالپى حالىقتىق كىتاپ وقۋ جەلىلەس قيمىلى باستالدى

«عۇلاما تيانشان» جالپى حالىقتىق كىتاپ وقۋ تەلەۆيزور ارناۋلى تاقىرىپتىق كەشىنىڭ ناق مايدانى

    22-رەتكى «دۇنيە جۇزىلىك كىتاپ وقۋ كۇنى» كەلۋ قارساڭىندا، «عۇلاما تيانشان» جالپى حالىقتىق كىتاپ وقۋ تەلەۆيزيا ارناۋلى تاقىرىپتىق كەشى 20-ءساۋىر تۇستەن كەيىن شينجياڭ تەلەۆيزياسى ۇلكەن زالىندا كەسكىنگە ءتۇسىرىلدى. سونىمەن قاتار، رايونىمىزدىڭ 2017-جىلعى «عۇلاما تيانشان» جالپى حالىقتىق كىتاپ وقۋ جەلىلەس قيمىلى باستالدى.

    اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن اتالعان كەشكە قاتىناستى ءارى ءسوز سويلەدى.

    سول كۇنگى كەشتە، كىتاپتىڭ پاراقتاپ اشىلعان سىڭعىرلى ءۇنى ءاربىر قۇلاققا جەتىپ جاتتى.  ءۇرىمجى قالالىق 89-باستاۋىش مەكتەپتىڭ وقۋشىلارى «شاكىرتنامانى»، ءۇرىمجى قالالىق شەتەل ءتىل مەكتەبى 22-باستاۋىش مەكتەبىندەگى وقۋشىلار «كونەنىڭ ءسوزىن، جاڭعىرتىپ ايتۋدى» ەرەكشە مانىمەن مانەرلەپ وقىپ، تىڭداعان ادامدارعا كەڭ تىنس، شۇرايلى ءبىلىم باعىشتادى.

    تيان ۋىن ءسوز سويلەگەندە مىنانى باسا دارىپتەدى: «ۇيرەنۋگە ءتيىستى نارسەلەر جادىمىزدا» بۇل مادەنيەتتىڭ كۇشى. كىتاپ وقۋ تاماشا ادەت. كوپشىلىكتىڭ كىتاپ وقۋدان ءلاززاتتانىپ، ۇزدىك تۋىندىلاردىڭ ءار ۇلت حالقىنىڭ جۇرەگى مەن جۇرەگىن، سۇيسپەنشىلىكتەرىن تۇتاستىراتىن ماڭىزدى ءتۇيىن بولىپ، جالپى حالىقتىق كىتاپ وقۋدىڭ جالعاسۋى شينجياڭنىڭ قوعام ورنىقتىلىعى مەن باياندى تىنشتىعىن ىسكە اسىراتىن وڭ ەنەرگيا بولسا ەكەن.

    ۇعىسۋعا قاراعاندا، وسى رەتكى «عۇلاما تيانشان» جالپى حالىقتىق كىتاپ وقۋ قيمىلى جىل سوڭىنا دەيىن جالعاسادى ەكەن. قيمىل مەزگىلىندە، بۇكىل رايونداعى شينحۋا كىتاپحاناسىندا باسپاحانالاردىڭ ۇزدىك باسىلىمداردى مەن تيىمدىلىك جاساپ كىتاپ ساتۋ قيمىلى ەتەك الدىرىلىپ، تيجارات ۋاقىتى دا ۇزاراتىن كورىنەدى. ءارقايسى تۇرعىندار اۋماعىنداعى كىتاپ ءۇيى، ديقاندار شاتتىعى كىتاپ ۇيلەرىندە دە نەگىزگى تاقىرىپتىق لەكسيا وقۋ،كلاسسيكالىق تۋىندىلاردى وقۋ، ماقالا قابىلداپ، كىتاپ وقۋ، ءبىلىم باسەكەسى قاتارلى باي مازمۇندى تاقىرىپ ەتكەن كىتاپ وقۋ قيىمىلدارىن ءورىس الدىرادى ەكەن.

    «عۇلاما تيانشان» جالپى حالىقتىق كىتاپ وقۋ تەلەۆيزيا ارناۋلى تاقىرىپتىق كەشى 23-ءساۋىر شينجياڭ جاساندى سەرىك تەلە ارناسىندا تۇڭعىش قويىلادى.

جاۋاپتى رەداكتور:سايراش تۇرارجان قىزى