2-كەزەكتى شينجياڭ عىلىم-تەحنيكا ويىندارىن قويۋ جارىسى اياقتالدى

    20-ساۋىردە، ەكى كۇندىك ۋاقىتپەن وتكەن 2-كەزەكتى شينجياڭ عىلىم-تەحنيكادان ويىن قويۋ جارىسى اياقتالدى. وسى رەتكى جارىستىڭ شەشۋشى جارىسىنا 26 عىلىم جالپىلاستىرۋ نومىرلەرى كىرىپ، 12 عىلىم-تەحنيكا ۇزدىك تۋىندىلاردىڭ ىشىنەن ءبىرىنشى دارەجەلى 9 تۋىندى، ەكىنشى دارەجەلى 19 تۋىندى، ءۇشىنشى دارەجەلى 10 تۋىندى سارالانىپ شىقتى. ءبىرىنشى دارەجەلى سيلىققا يە بولعان تۋىندى 5-كەزەكتى مەملەكەتتىك عىلىم-تەحنيكادان ويىن قويۋ جارىسىنا جولداما الدى.

    عىلىم-تەحنيكادان ويىن قويۋ جارىسى ءبىر ءتۇرلى عىلىم-تەحنيكا يدەيالار جيناعى، كوركەمونەر فورماسى مەن مادەنيەت ءمانى ءبىر تۇلعالانعان عىلىم-تەحنيكا جەتكىزۋ قيمىلى. جاڭاشا ءارى ەرەكشە عىلىم-تەحنيكا ءتالىم-تاربيە فورماسى بولىپ تابىلادى. وندا، عىلىم-تەحنيكا بىلىمدەرى، عىلىم-تەحنيكا تاجىربيەلەرى كوركەمونەر ويىن كورسەتۋ فورماسى ارقىلى كورسەتىلەدى. ويىن كورسەتۋشىلەر ادەبيەت، مۋزىكا، ءبي، اسەمونەر قاتارلى كوركەمونەر تاسىلدەرى ارقىلى وقيعا جەلىسىن بەينەلەپ، عىلىم-تەحنيكانى ءتۇسىندىرىپ، تۇرمىستاعى عىلىم-تەحنيكالىق قۇبىلىستاردى اشىپ كورسەتىپ، كورەرمەندەردىڭ عىلىم-تەحنيكاعا دەيىن قىزىعۋشىلىعى مەن اۋەسىن قوزعايدى. وسى بارىس بارىسىندا كورەرمەندەرگە عىلىم-تەحنيكا بىلىمدەرىن قابىلداتىپ، عىلىم-تەحنيكا رۋحىن سەزىندىرىپ، عىلىمي ويلاپ دۇرىس-قاتەنى ايىرۋدى ۇيرەتىپ، ءبىرشاما جوعارى ونىمدىلىككە جەتەدى.

  2-كەزەكتى شينجياڭ عىلىم-تەحنيكادان ويىن قويۋ جارىسىن اۆتونوميالى رايوندىق عىلىم-تەحىنيكا قوعامى باس بولىپ وتكىزىپ، اۆتونوميالى رايوندىق عىلىم جالپىلاستىرۋ قيمىل ورتالىعى، شينجياڭ عىلىم-تەحنيكا سارايى، اۆتونوميالى رايوندىق جاسوسپىرىمدەر عىلىم-تەحنيكاعا جەتەكشىلىك ەتۋ مۇشەلەر قوعامى، اۆتونوميالى رايوندىق تابيعات مۇراجايى قوعامى، اۆتونوميالى رايوندىق عىلىم جالپىلاستىرۋ جازۋشىلار قوعامى قاتارلى ورىندار ۇستىنە الىپ وتكىزدى.

جاۋاپتى رەداكتور:سايراش تۇرارجان قىزى