مەملەكەتتىك كەڭەس «كەزەكتەگى جانە الداعى ءبىر مەزگىلدەگى جۇمىسقا ورنالاستىرۋ، شارۋاشىلىق قۇرۋ قىزمەتىن تىڭعىلىقتى ىستەۋ جونىندەگى پىكىردى» باسىپ تاراتتى

    لي كىچياڭ زۇڭليدىڭ قول قويىپ بەكىتۋىمەن، مەملەكەتتىك كەڭەس جۋىردا «كەزەكتەگى جانە الداعى ءبىر مەزگىلدەگى جۇمىسقا ورنالاستىرۋ، شارۋاشىلىق قۇرۋ قىزمەتىن تىڭعىلىقتى ىستەۋ جونىندەگى پىكىردى» باسىپ تاراتتى.

    «پىكىردە» مىنالار اتاپ كورسەتىلدى: جۇمىسقا ورنالاستىرۋ ءبىر ميلليارد 300 ميلليوننان استام جان سانى جونىنەن ەڭ زور حالىق تۇرمىسى ءارى ەكونوميكا دامۋىنىڭ ەڭ ءتۇبىرلى تىرەگى. جۇمىسقا ورنالاستىرۋ جاعدايىنداعى جاڭا وزگەرىستەر مەن جاڭا سىناقتار الدىندا، ءسوزسىز، جۇمىسقا ورنالاستىرۋدى ەڭ ماڭىزدى ورىنعا قويىپ، جۇمىسقا ورنالاستىرۋدى الدىمەن ويلاستىرۋ ستراتەگياسىن جانە جۇمىسقا ورنالاستىرۋدىڭ اناعۇرلىم بەلسەندى ساياساتىن تاباندى اتقارىپ، جۇمىسقا ورنالاستىرۋدى ورنىقتىرۋ مەن كەڭەيتۋ سىندى قيان - كەسكى شايقاستى باتىلدىقپەن جەڭىستى جۇرگىزۋ كەرەك. «پىكىردە» 5 جاقتاعى ساياسات، شارالار العا قويىلدى.

    ءبىرىنشى، جۇمىسقا ورنالاستىرۋدى الدىمەن ويلاستىرۋ ستراتەگياسىن تاباندى اتقارۋ كەرەك. ەكونوميكانىڭ ارتۋى مەن جۇمىسقا ورنالاستىرۋدى كەڭەيتۋدىڭ ىقپالداستىعىن جەبەپ، جۇمىسقا ورنالاستىرۋدى ورنىقتىرۋ مەن كەڭەيتۋدى رايون ارالىق تەڭگەرۋدىڭ تومەنگى شەگى ەتۋ كەرەك. ەكونوميكالىق ساياسات پەن جۇمىسقا ورنالاستىرۋ ساياساتىنىڭ ۇشتاسۋىن كۇشەيتىپ، قازىنا - باجى، فينانس، كاسىپ، ساۋدا، قارجى قوسۋ سياقتىلارعا ساياتىن ماڭىزدى ساياساتتاردى شىعارعان كەزدە، ولاردىڭ جۇمىسقا ورنالاستىرۋعا، جۇمىسسىزدىققا جاسايتىن ىقپالىن جان - جاقتى باعامداۋ كەرەك. كاسىپ قۇرىلىمىنىڭ، ءوڭىردىڭ دامۋىن جەبەۋ جۇمىسقا ورنالاستىرۋمەن ءوزارا سايكەستى بولۋى كەرەك. شاعىن، ۇساق كاسىپورىنداردىڭ جۇمىسقا ورنالاستىرۋ جولىن كەڭەيتۋدەگى رولىن ساۋلەلەندىرىپ، الەۋمەتتىك قىزمەت ەتۋدەن ۇلگى كورسەتۋ تەكشەسىن قالىپتاستىرىپ، شاعىن، ۇساق كاسىپورىنداردىڭ جاڭالىق اشۋىنا دەم بەرۋ كەرەك. قيىنشىلىعى بار ءتۇيىندى وڭىرلەردىڭ جۇمىسقا ورنالاستىرۋداعى قىسىمىن جەڭىلدەتىپ، بايلىق قاينارىندىق قالالاردىڭ تيپ وزگەرتىپ دامۋىن جەبەپ، قيىنشىلىعى بار وڭىرلەردىڭ جۇمىسقا ورنالاستىرۋ قىزمەتىنە جاردەمدەسۋ قيمىلىن ورىستەتۋ كەرەك.

    ەكىنشى، جۇمىسقا ورنالاستىرۋدىڭ جاڭا فورماتسياسىن دامىتۋعا دەم بەرۋ كەرەك. شارۋاشىلىق قۇرۋعا، جاڭالىق اشىپ دامۋعا دەم بەرەتىن ءتيىمدى ساياساتتاردى جاڭا فورماتسياداعى كاسىپورىندارعا بەيىمدەپ، ۇكىمەت تاراۋلارىنىڭ جاڭا فورماتسياداعى كاسىپورىنداردىڭ ونىمدەرى مەن قىزمەت كورسەتۋىن ساتىپ الۋىن جەبەۋ كەرەك. جۇمىسقا ورنالاستىرۋدىڭ جاڭا فورماتسياسىنىڭ ەرەكشەلىگىنە ۇيلەسەتىن قىزمەتكەر قابىلداۋ جانە قوعامدىق قامسىزداندىرۋ سياقتىلارعا ساياتىن تۇزىمدەردى كەمەلدەندىرىپ، جاڭا كاسىپ فورماتسياسىنداعى كاسىپورىنداردا قىزمەت ىستەيتىندەردىڭ اراسىنداعى ەڭبەك توقتامىنا قول قويىسقانداردى قىزمەتكەرلەردىڭ قوعامدىق قامسىزداندىرۋىنا قاتىناسۋىنا بولاتىن ەتىپ، باسقا قىزمەتكەرلەردى يكەمدى جۇمىسقا ورنالاسۋشىلار سالاۋاتى بويىنشا قارتتاردى كۇتىمدەۋ، ەمدەلۋ قامسىزداندىرۋىنا قاتىناستىرىپ جانە تۇرعىن ءۇي الەۋمەتتىك قورىن تاپسىرىپ، يكەمدى جۇمىسقا ورنالاسۋشىلارعا ۇيلەسەتىن كاسىپسىز قالۋ، قىزمەت ۇستىندە جارالانۋ قامسىزداندىرۋىمەن قامتاماسىز ەتۋ جاعىندا ىزدەنىس جاساۋ كەرەك.

    ءۇشىنشى، جۇمىسقا ورنالاستىرۋعا شارۋاشىلىق قۇرۋ ارقىلى دەم بەرۋدى جەبەۋ كەرەك. شارۋاشىلىق قۇرۋ ورتاسىن جاقسارتىپ، ساۋدا ىستەرى ءتۇزىمى رەفورماسىن تەرەڭدەتىپ، تەكسەرىپ بەكىتەتىن ءىس تۇرلەرىن ونان ارى ازايتۋ كەرەك. شارۋاشىلىق قۇرۋ دانەكەرلەرىن دامىتىپ، شارۋاشىلىق قۇرۋشىلاردى جەتىلدىرۋ بازاسى، كوپ بولىپ شارۋاشىلىق قۇرۋ كەڭىستىگى سياقتىلاردىڭ قۇرىلىسىن جەدەلدەتىپ، جەر - جەردىڭ شارۋاشىلىق قۇرۋشىلاردىڭ جەتىلدىرۋ بازالارىن بەلگىلى مولشەردە سيلاۋىنا جول قويۋ كەرەك. جەرگىلىكتى ورىنداردى تۇڭعىش رەت شاعىن، ۇساق كاسىپورىن اشقان نەمەسە جەكە تيجاراتپەن اينالىسقان جوعارى مەكتەپ بىتىرگەن وقۋشىلارعا، جۇمىسقا ورنالاسۋدا قيىنشىلىعى بار ادامدارعا قاراتا، ءبىر رەتتىك شارۋاشىلىق قۇرۋ جاردەماقىسىن بەرۋ سىناق ءتۇيىنى قىزمەتىن جولعا قويۋعا شابىتتاندىرۋ كەرەك. قارجى توپتاۋ جولىن كەڭەيتىپ، شارت - جاعدايى بار وڭىرلەر قازىنالىق جاقتان قارجى شىعارۋ ارقىلى قوعامدىق كاپيتال ۇسىنىلىمىن جەتەكتەۋ، جوعارى مەكتەپ بىتىرگەن وقۋشىلاردىڭ جۇمىسقا ورنالاسۋ، شارۋاشىلىق قۇرۋ قورىن قۇرىپ، جوعارى مەكتەپ بىتىرگەن وقۋشىلاردىڭ شارۋاشىلىق قۇرۋىنا جارنا ارقىلى قارجى قوسۋ، قارجى توپتاۋىنا كەپىل بولۋ سياقتى قىزمەتتەر كورسەتۋ كەرەك.

    ءتورتىنشى، ءتۇيىندى قاۋىمنىڭ جۇمىسقا ورنالاسۋىن، شارۋاشىلىق قۇرۋىن مىقتى يگەرۋ كەرەك. جوعارى مەكتەپ بىتىرگەن وقۋشىلاردى ءتۇرلى جولدارمەن جۇمىسقا ورنالاسۋعا شابىتتاندىرىپ، جوعارى مەكتەپ بىتىرگەن وقۋشىلاردىڭ قىزمەت ىزدەۋ، شارۋاشىلىق قۇرۋىنا باعىتتالعان جاردەماقىنىڭ نىسانا كولەمىن كەڭەيتىپ، شەتەلدەن وقۋ ءبىتىرىپ قايتىپ كەلگەندەردىڭ جاڭالىق اشۋىنا، شارۋاشىلىق قۇرۋىنا قولداۋ كورسەتۋ جوسپارىن اتقارۋ كەرەك. قاجەتتەن اسىپ قالعان ءوندىرىس قۋاتى ءبىر جاقتى ەتىلگەن كاسىپورىنداردىڭ قىزمەتكەرلەرىن تىڭعىلىقتى ىڭعايلاستىرىپ، قىسقارتىلعان قىزمەتكەرلەردىڭ كاسىپ اۋىستىرىپ جۇمىسقا ورنالاسۋىن، شارۋاشىلىق قۇرۋىن جەبەۋ كەرەك. قالا مەن اۋىلداعى ەڭبەككۇشتەردى تەپە - تەڭ جۇمىسقا ورنالاستىرۋ ءتۇزىمىن كەمەلدەندىرىپ، ەڭبەككۇشتەردىڭ اۋىل - قىستاقتارداعى ۇنەمىلىك تۇراعىندا كاسىپسىزدىككە تىركەلۋى جونىندە ىزدەنىس جاساۋ ءارى سايكەستى جۇمىسقا ورنالاستىرۋ اياسىندا قىزمەت كورسەتۋ جانە ساياساتتىق جاردەم بەرۋ كەرەك. جۇمىسقا ورنالاسۋعا كومەكتەسۋدىڭ باياندى مەحانيزمىن كەمەلدەندىرىپ، بىردە - ءبىر ادامى كاسىپتەنبەگەن وتباسىلاردىڭ، ەڭ تومەنگى تۇرمىسى قامتاماسىز ەتىلەتىن وتباسىلاردان كەم دەگەندە ءبىر ادامنىڭ ورنىقتى جۇمىسقا ورنالاسۋىنا كەپىلدىك ەتۋ كەرەك. اسكەردەن بوساعانداردىڭ جۇمىسقا ورنالاسۋىنا، شارۋاشىلىق قۇرۋىنا قاتىستى ساياساتتاردى ىشكەرىلەي تياناقتاندىرۋ كەرەك.

    بەسىنشى، وقۋ - اعارتۋدى، تاربيەلەۋدى جانە جۇمىسقا ورنالاسۋعا، شارۋاشىلىق قۇرۋعا قىزمەت كورسەتۋدى كۇشەيتۋ كەرەك. وقۋ - اعارتۋدىڭ، تاربيەلەۋدىڭ ساپاسىن جوعارىلاتىپ، وسى زامانعى كاسىپتىك وقۋ - اعارتۋدىڭ دامۋىن جەدەلدەتىپ، تەحنيكالىق جۇمىسشىلار وقۋ - اعارتۋىن زور كۇشپەن دامىتۋ كەرەك. كاسىپتىك تاربيەلەۋگە بەرىلەتىن جاردەماقى فورماسىن كەمەلدەندىرىپ، تاربيەلەۋ نىسانىن تۇتاستاي ساتىپ الۋ، تاربيەلەۋ ورگاندارىنا تىكەلەي جاردەماقى بەرۋ سياقتى تاسىلدەر ارقىلى شوعىرلى تاربيەلەۋگە رۇقسات ەتىپ، كاسىپسىزدىك قامسىزداندىرۋىنا 3 جىلدان استام ۋاقىت قاتىناسقان، كاسىپتىك سالاۋات كۋالىگى نەمەسە تەحنيكالىق دارەجە كۋالىگى سياقتى كۋالىكتەردى سول جىلى العان كاسىپورىن قىزمەتكەرلەرىنىڭ شەبەرلىگىن جوعارىلاتۋ جاردەماقىسىنا ءوتىنىش ەتۋىنە جول قويۋ كەرەك. الەۋمەتتىك جۇمىسقا ورنالاسۋعا، شارۋاشىلىق قۇرۋعا قىزمەت كورسەتۋدى مامانداندىرۋ، ينفورماتسيالاندىرۋ قۇرىلىسىن ىلگەرىلەتىپ، ايەلدەر، مۇگەدەكتەر سياقتىلاردىڭ ءادىل كاسىپتەنۋىن جەبەۋ كەرەك. ەڭبەككۇشتەردىڭ قىزمەت قاراستىرۋ راسمياتىن جەڭىلدەتىپ، قىزمەتكە قابىلدانعانداردىڭ دەنساۋلىعىن تۇيىندەر بويىنشا تەكسەرۋ جانە ناتيجەسىن ءوزارا مويىنداۋ مەحانيزمىن قۇرۋدى ىلگەرىلەتۋ كەرەك.

جاۋاپتى رەداكتور:سايراش تۇرارجان قىزى