جاڭ گاۋلي جۇڭگونىڭ دامۋ جونىندەگى جوعارى جىك تالقى مىنبەسىنە قاتىناستى

    جۇڭگونىڭ دامۋ جونىندەگى جوعارى جىك تالقى مىنبەسىنىڭ 2017 – جىلعى جىلدىق جيىنى 19 – ناۋرىز تۇستەن بۇرىن بەيجيڭدە باستالدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋلي باستالۋ سالتىنا قاتىناسىپ، ءسوز سويلەدى.

    جاڭ گاۋلي بىلاي دەدى: پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى ەل باسقارۋداعى ءبىرقىدىرۋ جاڭا تانىم، جاڭا يدەيا، جاڭا ستراتەگيانى ورتاعا قويىپ، ەكونوميكا دامۋىنىڭ جاڭا كۇيىنە ۇيلەسەتىن ەكونوميكالىق ساياسات جۇلگەسىن باستاپقى قادامدا تۇراقتاندىردى، بۇل جۇڭگو ەكونوميكاسىنىڭ ءتىپتى دە جوعارى كۇيدەگى، جۇمىس ءبولىسى اناعۇرلى ساپالىلانعان، قۇرىلىمى ءتىپتى دە ۇيلەسىمدى ساتىعا كوتەرىلۋىندە ماڭىزدى جەتەكشىلىك مانگە يە، بۇل جۇڭگو ەكونوميكاسىنىڭ دامۋ باعىتىن ءتىپتى دە ايقىنداي تۇسەدى. جاڭا دامۋ تانىمىن بەرىك ورناتىپ جانە دايەكتى تياناقتاندىرىپ، قامداۋ تۇرىندەگى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، جاڭا – كونە قوزعاۋشى كۇشتەردىڭ الماسۋىن تەزدەتىپ، ەكونوميكانىڭ ورتاشا جوعارى دامۋ ورەسىنە قادام تاستاۋىن جەبەۋىمىز كەرەك.

    جاڭ گاۋلي مىنالاردى دارىپتەدى: ورنىقتىلىق بارىسىندا ىلگەرىلەۋ سىندى قىزمەت نەگىزگى ريتىمىنەن جازباي، ورنىقتى ارتتىرۋعا، كاسىپتەندىرۋگە كەپىلدىك ەتۋگە، قاتەردەن ساقتانۋعا كۇش سالىپ، ورنىقتىلىق العى شارتىندا باتىلدىقپەن العا باسىپ، ەكونوميكانىڭ ورنىقتى، اقاۋسىز دامۋىن ساقتاۋىمىز كەرەك. قامداۋ جاعىنداعى قۇرىلىمدىق رەفورمانى كۇش سالا ىلگەرىلەتىپ، «ءۇشى ازايتۋ، ءبىردى تومەندەتۋ، بىرگە تولىقتاما بەرۋدە» ماندىك ىلگەرىلەۋشىلىككە قول جەتكىزۋ كەرەك. قوزعاۋشى كۇشتە جاڭالىق جاراتا دامۋ ستراتەگياسىن ىشكەرىلەي اتقارىپ، الەۋمەتتىڭ يگىلىك، جاڭالىق جاراتۋىن بەلسەندىلىكپەن ىلگەرىلەتىپ، ناقتى ەكونوميكانى زور كۇشپەن گۇلدەندىرۋ كەرەك. تۇنىق اۋا، تازا سۋ ــ ەڭ ۇلكەن بايلىق دەيتىن ستراتەگيالىق يدەيادان جازباي، ەكولوگيالىق وركەنيەت قۇرىلىسىن تىڭعىلىقتى ىلگەرىلەتىپ، حالىق تۇرمىسىن شىنايى جاقسارتىپ، قوعامدىق ادىلدىكتى جەبەپ، حالىق بۇقاراسىنىڭ تابىس سەزىمىن كۇشەيتۋ كەرەك.

جاۋاپتى رەداكتور:سايراش تۇرارجان قىزى