جۋ حايلۇن قاشقار قالاسىندا تۇراتىن قارۋلى ساقشى كوماندير - جاۋىنگەرلەرىنەن حال سۇرادى

    19 - ناۋرىزدا اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن قاشقار قالاسىندا تۇراتىن قارۋلى ساقشى قوسىنىنا كەلىپ، قارۋلى ساقشى كوماندير - جاۋىنگەرلەرىنەن حال سۇرادى.

    جۋ حايلۇن قاشقاردا تۇراتىن نەشە 10 مىڭ قارۋلى ساقشى كوماندير - جاۋىنگەرلەرىنىڭ ۇزاق ۋاقىتتان بەرى وڭتۇستىك شينجياڭنىڭ، وتە - موتە، قاشقاردىڭ لاڭكەستىككە قارسى تۇرۋ كۇرەسىنىڭ ءبىرىنشى شەبىندە تاباندى بولىپ، ءتۇرلى شۇعىل، قيىن، قاتەرلى، اۋىر مىندەتتەردى تابىسپەن ورىنداعاندىعىن تولىق تۇراقتاندىردى، سونداي - اق اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتى اتىنان قالىڭ قارۋلى ساقشى كوماندير - جاۋىنگەرلەرىنە وسكەلەڭ قۇرمەت ءبىلدىردى جانە ولارعا شىن ىقىلاسپەن العىس ايتتى.

    جۋ حايلۇن بىلاي دەپ اتاپ كورسەتتى: قازىر بۇكىل شينجياڭنىڭ، وتە - موتە، وڭتۇستىك شينجياڭنىڭ ورنىقتىلىق جاعدايى ءالى دە اۋىر، ءالى دە كۇردەلى، ورنىقتىلىقتى قورعاۋ قىزمەتى قاتاڭ سوققى بەرۋدەن قامال الۋدىڭ، قامال بۇزۋدىڭ، اسۋدان ءوتۋدىڭ شەشۋشى كەزەڭىندە، شەشۋشى شايقاس جۇرگىزىپ، جەڭىسكە جەتۋدىڭ شەشۋشى مەزگىلىندە تۇر. قاشقار ەجەلدەن بەرى لاڭكەستىككە قارسى تۇرىپ، ورنىقتىلىقتى قورعاۋدىڭ الدىڭعى شەپ بازاسى جانە نەگىزگى شايقاس مايدانى، شينجياڭدى ءبىر شاحمات تاقتاسى دەسەك، وڭتۇستىك شينجياڭ ونىڭ كوزى، مۇنىڭ ىشىندە قاشقار ەڭ ماڭىزدى ورىندا تۇرادى.

    قاشقارداعى لاڭكەستىككە قارسى تۇرىپ، ورنىقتىلىقتى قورعاۋ سىندى وسى قيان - كەسكى شايقاستىڭ جەڭىسىنە قول جەتكىزۋ − شينجياڭنىڭ قوعام ورنىقتىلىعى مەن باياندى تىنىشتىعىنا، مەملەكەتتىڭ رەفورما،، دامۋ، ورنىقتىلىق جالپى جاعدايىنا سايادى، ول بۇكىل شينجياڭداعى ءار ۇلت حالقىنىڭ ورتاق ارمانى ءارى وڭتۇستىك شينجياڭدا تۇراتىن قارۋلى ساقشى كوماندير - جاۋىنگەرلەرىنىڭ بۇلتارتپاس قىزمەت جاۋاپكەرشىلىگى.

    جۋ حايلۇن قالىڭ قارۋلى ساقشى كوماندير - جاۋىنگەرلەرىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتى تياناقتاندىرىپ، باس نىسانانى مىقتاپ ارقاۋ ەتىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارى» جونىندەگى شەشىمدەرىن، ورنالاستىرۋلارىن جاپپاي تياناقتاندىرىپ، پارتيانىڭ قولباسشىلىعىنا بويسۇنۋىن، جەڭىستى شايقاستار جۇرگىزە الاتىن بولۋىن، تاڭداۋلى ستيلگە يە بولۋىن؛ «رۋحتى، ىسكەر، ۇجداندى، ءمورالدى» توڭكەرىستىك جىگەر مەن شايقاس رۋحىن بارىنشا ساۋلەلەندىرۋىن، قارۋ - جاراعىن كەزەنىپ، ساقاداي ساي تۇرۋىن، ەرەكشە ساق بولىپ، قاجىرلىلىقپەن جاتتىعۋ جۇرگىزىپ، اسكەري ونەرگە جەتىلىپ، قابىلەتىن سومداپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسى بارىسىندا سايلاۋىت جاساق جەتىلدىرىپ، اتويلاپ العا شىعىپ، قانجاردىڭ ۇشىنداي بولۋىن، شاقىرعاندا تاباندا جەتەتىن، سوعىسا الاتىن، سوعىستا باتىل جەڭىسكە جەتەتىن، تەمىردەي بەرىك جىگەرمەن، قاتاڭ شارا قولدانىپ، جاۋاپكەرشىلىكتى باتىل ارقالاپ، قاتاڭ سوققى بەرىپ، اياماي ءتيسىپ، ءار ۇلت حالقىنىڭ تىنىشتىعىن بۇلدىرگەن «ءۇش ءتۇرلى كۇشكە» قيراتا، كۇل - تالقان ەتە سوققى بەرۋىن، ناقتى شايقاس جاتتىعۋلارىمەن جانە ورنىقتىلىقتى قورعاۋ جاعىنداعى تابىستارىمەن ءار ۇلت حالقىن الاڭسىز ەتىپ، ساياسيدا مىقتى، كاسىپكە شوگەل، جاۋاپكەرشىلىككە بەكەم، تارتىپشەڭ، ستيلى تاماشا باتىر تۇلعانى ايگىلەپ، شينجياڭنىڭ تىنىش، ىنتىماقتى، جاراسىمدى، ورنىقتى جاعدايىن باتىل قورعاپ، پارتيا 19 - قۇرىلتايىنىڭ جەڭىسپەن اشىلۋى ءۇشىن، تىڭ ۇلەس قوسۋعا كەپىلدىك ەتۋلەرىن ءۇمىت ەتتى.

جاۋاپتى رەداكتور:سايراش تۇرارجان قىزى