ءۇرىمجى مەترو 4 - جەلىسىنىڭ قۇرىلىسى باستالدى

    ءۇرىمجى رەليستى قاتىناس (مەترو) 4 - جەلىسىنىڭ 1 - مەرزىمدىك قۇرىلىسىنىڭ باستالۋ سالتى 18 - ناۋرىزدا وتكىزىلدى.

    مەترو 4 - جەلىسىنىڭ 1 - مەرزىمدىك قۇرىلىسى ءۇرىمجى قالاسىنىڭ شىعىسى مەن باتىسىن تۇتاستىراتىن مەترو نەگىزگى جەلىسى. جەلىنىڭ جالپى ۇزىندىعى شامامەن 88.20 كيلومەتر، 16 بەكەت، ءبىر پويەز بازاسى، ءبىر مەڭگەرۋ ورتالىعى، 2 كەرنەۋ وزگەرتۋ پۋنكتى بار. اتالعان نىسانعا 16 ميلليارد 787 ميلليون يۋان قارجى قوسىلعان، 2021 - جىلى پويەز قاتىنايدى دەپ جوبالانعان.

    وسى جول جەلىسى ءماجىلىس - كورمە ورتالىعى اۋماعىن، تەمىر جول مەكەمەسى اۋماعىن، باينياۋحۋ اۋماعىن ەندەي ءوتىپ، ءۇرىمجى قالاسىنىڭ شىعىسى مەن باتىسىن تۇتاستىراتىن قاتىناس ۇلكەن جۇيەسىن قالىپتاستىرادى. بۇل ءۇرىمجى قالاسىنىڭ وسىزاماندانعان قاتىناس تورىن كەمەلدەندىرۋگە، تۇرعىنداردىڭ ءجۇرىس - تۇرىس ءتاسىلى مەن تۇرمىس ءتاسىلىن وزگەرتۋىنە، قالانىڭ كەڭىستىك قۇرىلىمى مەن كاسىپ ورنالاستىرۋىن ساپالىلاندىرۋعا، وڭىرلىك ەكونوميكانىڭ سايكەستى دامۋىن جەبەۋگە سەپتىگىن تيگىزەدى.

    ۇعىسۋىمىزشا، 4 - جەلىنىڭ 1 - مەرزىمدىك قۇرىلىسىندا 4 ورىننان باستاپ قۇرىلىس جۇرگىزۋ تۇراقتاندىرىلعان. مۇنىڭ ىشىندە حۋاڭشان كوشەسى بەكەتىنەن ۋاييۇنسى بەكەتىنە دەيىنگى رايون اراسىنداعى 1 - ءنومىرلى تىك قۇدىق قۇرىلىس جۇرگىزۋ ورنىنان سىرت، ءساۋىردىڭ ورتا، سوڭعى شەنىندە ىلگەرىندى - كەيىندى سولتۇستىك الاڭ بەكەتىندە، حىنان شىعىس كوشەسى بەكەتىندە، حۇڭگۋاڭشان بەكەتىندە قۇرىلىس باستالادى. ءۇرىمجى قالالىق قۇرىلىس كوميتەتىنىڭ قاتىستى جاۋاپتىسى مەترو قۇرىلىسىن جۇرگىزۋ بارىسىندا ءىشىنارا جول بولىكتەرىنىڭ قاتىناسىنا قولايسىزدىق اكەلەتىنىن ايتىپ، قالا تۇرعىندارىنىڭ مۇنى ءتۇسىنۋىن ءۇمىت ەتتى.

جاۋاپتى رەداكتور:سايراش تۇرارجان قىزى