بيىل سولتۇستىك شينجياڭدا كوكتەم كەشىكتى

    تەمپەراتۋرانىڭ تومەندەۋى، قاردىڭ جاۋۋى كوكتەمگى سۋىق ەمەس

    بىرنەشە كۇننەن بەرى، وڭتۇستىك شينجياڭ جاسىل جەلەك جامىلعاندا، سولتۇستىك شينجياڭنىڭ ءىشىنارا وڭىرلەرى اق قارمەن قىمتانىپ جاتتى، كوپتەگەن ادامدار مۇنى كوكتەمگى سۋىق دەپ قاراۋى مۇمكىن. شينجياڭ كليمات ورتالىعىنىڭ كليماتتى ساراپتاۋ باس تالداۋشىسى ما يۇي: بۇل كوكتەمگى سۋىق ەمەس، ويتكەنى بيىل سولتۇستىك شينجياڭدا كوكتەم ءالى كەلمەدى، − دەپ ءتۇسىندىردى.

    ۇعىسۋىمىزشا، سولتۇستىك شينجياڭدا ءار جىلى كوكتەم 21 - ناۋرىزدان كەيىن باستالادى، ىلە اڭعارىندا كوكتەم ەڭ ەرتە كەلەدى ەكەن.

    ايتسەدە اقپان ايىنىڭ سوڭىندا سولتۇستىك شينجياڭنىڭ كوپ وڭىرلەرىندە قالىڭ قار جاۋىپ، ناۋرىز ايىنىڭ باسىندا سولتۇستىك شينجياڭنىڭ جەر - جەرىنە 2 رەت سۋىق اعىس كىرىپ، تەمپەراتۋرا تومەندەدى، سونىمەن بىرگە سولتۇستىك شينجياڭنىڭ جەر - جەرىندە تۇماندى كۇننىڭ ءجيى جارىققا شىعۋى، كۇن ءتۇسۋدىڭ جەتكىلىكسىز بولۋى، وعان قوسا تۇماندى كۇندەرى اۋانىڭ ىلعالدىعىنىڭ ءبىرشاما جوعارى بولۋى سەبەبىنەن ناۋرىز ايىنان بەرى تۇتاس سولتۇستىك شينجياڭ ءوڭىرىنىڭ تەمپەراتۋراسى ۇزدىكسىز ءبىرشاما تومەن بولدى.

    «بۇل دا كوكتەم كەلۋگە ءتيىستى مەزگىلدىڭ ىزعارلى ءبىلىنىپ، جۇرتتىڭ قىستان دا وتكەن سۋىقتى سەزىنۋىنىڭ سەبەبى». ما يۇي بىلاي دەدى: سولتۇستىك شينجياڭدا بۇل رەتكى تەمپەراتۋرا تومەندەۋ، قار جاۋۋ اۋا رايى 22 - ناۋرىزعا دەيىن جالعاسادى، مۇنىڭ ءوزى كوكتەمنىڭ كەلۋ ۋاقىتىنىڭ كەشەۋىلدەيتىندىگىن كورسەتەدى.

جاۋاپتى رەداكتور:سايراش تۇرارجان قىزى