اۆتونوميالى رايوندىق حالىق ۇكىمەتى كەڭسەسى قورىتىندىلاۋ، ماداقتاۋ - سيلاۋ جينالىسىن اشتى

    17 - ناۋرىزدا اۆتونوميالى رايوندىق حالىق ۇكىمەتى كەڭسەسى 2016 - جىلدىق قىزمەتتەردى قورىتىندىلاۋ، ماداقتاۋ - سيلاۋ جينالىسىن اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جينالىستا بىلاي دەپ باسا دارىپتەدى: باس شۋجي شي جينپيڭنىڭ ماڭىزدى سوزدەرى − ءبىزدىڭ شينجياڭ قىزمەتىن جاقسى ىستەۋىمىزدىڭ ءتۇبىرلى ولشەمى، مۇقيات، قاز - قالپىندا، تاپتىشتەي ۇيرەنۋ، ءتۇسىنۋ، وتە - موتە، باس شۋجي شي جينپيڭنىڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدەگى ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، باتىل دايەكتىلەندىرىپ، تياناقتاندىرىپ، باس شۋجيدىڭ قامقورلىعى مەن مەيىرىن جانە ىزگى تىلەگىن شىن مانىندە كەڭسەنىڭ ءتۇرلى قىزمەتتەرىن جاقسى ىستەۋدىڭ قۇدىرەتتى قوزعاۋشى كۇشىنە اينالدىرىپ، سەنىمدى اناعۇرلىم بەكەمدەپ، رۋحتى سەرپىلتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ءتيىستى ۇلەس قوسۋ كەرەك.

    شوكىرات زاكىر مىنالاردى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، مەملەكەتتىك ەكى ءماجىلىستىڭ رۋحىمەن ۇشتاستىرىپ، اۆتونوميالى رايوندىق پارتكومنىڭ 2017 - جىلعى قىزمەتتەردى جاقسى ىستەۋ جونىندەگى تالاپتارىن ناقتاپ تياناقتاندىرۋ كەرەك. وتە - موتە، اۆتونوميالى رايوندىق پارتكومنىڭ ورنىقتىلىق قىزمەتى جونىندەگى ءبىر قىدىرۋ ورنالاستىرۋلارىن مۇقيات تياناقتاندىرىپ، قوعامدىق جالپى جاعدايدىڭ ورنىقتىلىعىن كۇش سالا قورعاۋ كەرەك. اۆتونوميالى رايوندىق پارتكومنىڭ دامۋ قىزمەتىن ويداعىداي يگەرۋ جونىندەگى ورنالاستىرۋلارىن مۇقيات تياناقتاندىرىپ، قامداۋ جاعىنداعى قۇرىلىمدىق رەفورمانى، رەال ەكونوميكانىڭ دامۋىن كۇش سالا جەبەۋ، نەگىزدىك قۇرىلعى قۇرىلىسىنىڭ سەرپىنىن ارتتىرۋ، حالىققا ءتيىمدى كەلەلى ينجەنەريالاردى كۇش سالا يگەرۋ، كەدەيلەردى دالمە - ءدال كەدەيلىكتەن قۇتىلدىرۋدى جەبەۋ، وڭتۇستىك شينجياڭنىڭ دامۋىن كورنەكتى تۇردە يگەرۋ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەلدەتۋ، ۇلتتار ىنتىماعى مەن ءدىن جاراسىمدىلىعىن جەبەۋ، ەكولوگيالىق ورتانى قورعاۋ قۇرىلىسىن كۇشەيتۋ، قوعامدىق جونگە سالۋدى كۇشەيتۋ جانە وعان جاڭالىق ەنگىزۋ، بيڭتۋاننىڭ دامۋىن قولداۋ سياقتى قىزمەتتەردى بەلسەنە ىلگەرىلەتۋ كەرەك. اۆتونوميالى رايوندىق پارتكومنىڭ ورنالاستىرۋى بويىنشا، شينجياڭدى ەلەكترلەندىرۋ، اۋىل - قىستاقتاعى ارتىق ەڭبەككۇشتى كاسىپتەندىرۋ بويىنشا تەحنيكالىق شەبەرلىككە باۋلۋ سياقتى بىرنەشە نەگىزدىك قىزمەتتى ورنىقتى، ءتارتىپتى، بەلسەندى تۇردە ىلگەرىلەتۋ كەرەك. تەكسەرۋدى، جەتەكشىلىك ەتۋدى، قۋزاۋدى كۇشەيتىپ، تياناقتاندىرۋدى مىقتى يگەرۋگە كۇش سالىپ، بەلگىلەنگەن نىسانالار مەن مىندەتتەردى كۇش سالا ىلگەرىلەتىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.

    شوكىرات زاكىر بىلاي دەپ اتاپ كورسەتتى: كەڭسەنىڭ قىزمەت جاۋاپكەرشىلىگى اۋىر، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسى اياسىندا «ۇيرەنۋ، بۇرىلىس جاساۋ، جەبەۋ» ارناۋلى قيمىلىن مۇقيات ورىستەتىپ، كەڭسەنىڭ قىزمەت ونىمدىلىگى مەن ورەسىن اناعۇرلىم جوعارىلاتۋ كەرەك. «ۇيرەنۋ، بۇرىلىس جاساۋ، جەبەۋ» ارناۋلى قيمىلىمەن ۇشتاستىرىپ ءتۇرلى مىندەتتەردى ايىرىپ، قىزمەت قىسىمىن جەتكىزىپ، تياناقتاندىرۋدى يگەرۋدى قاتاڭ مىندەت رەتىندە تانىپ، قاتاڭ تەجەۋدى كۇشەيتۋمەن قاتار، وبيەكتيۆ زاڭدىلىقتى زەرتتەپ، قىزمەت ءادىسىن جاڭالاپ، ءتۇرلى شەشىمدەر مەن ورنالاستىرۋلاردىڭ جانە ساياساتتار مەن شارالاردىڭ ناقتاپ تياناقتاندىرىلۋىن كۇش سالا ىلگەرىلەتۋ كەرەك.

    اۆتونوميالى رايوننىڭ باسشىلارىنان ەركىن تۇنياز، پىڭ جيارۇي جانە اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءىشىنارا مۇشەلەرى ماجىلىسكە قاتىناستى.

    ماجىلىستە ۇكىمەت كەڭسەسىندەگى 2016 - جىلعى وزات كوللەكتيۆتەر مەن وزاتتار ماداقتالىپ - سيلاندى.

جاۋاپتى رەداكتور:سايراش تۇرارجان قىزى