شىڭگىل اۋدانى تۇتىنۋشىلاردىڭ ۇقىق-مۇددەسىن قورعاۋ قيمىلىن ورىستەتتى


    قۇرمانگۇل اسپەن قىزى حابارلايدى. قالىڭ تۇتىنۋشىلاردىڭ ۇقىق-مۇددەسىن قورعاۋ، تۇتىنۋ ورتاسىنىڭ جاراسىمدىلىعىن جەبەۋ ٴۇشىن، شىڭگىل اۋدانىنداعى تۇتىنۋشىلاردىڭ ۇقىق-مۇددەسىن قورعاۋعا مۇشە بولعان 44 مەكەمە ورىن بىرلەسىپ، حالىقارالىق تۇتىنۋشىلاردىڭ ۇقىق-مۇددەسىن قورعاۋ كۇنى قيمىلىن وتكىزدى.

    سونىمەن بىرگە، شىڭگىل اۋدانىنداعى 6 اۋىل-قالاشىقتا سايكەستى قيمىل وتكىزىلىپ، باستاۋىش-ورتا مەكتەپتەر، كاسىبورىندار ٴتۇرلى ۇگىت قيمىلدارىن جۇرگىزدى. نەگىزگى قيمىل الاڭىندا، تۇتىنۋشىلاردىڭ ۇقىق-مۇددەسىن قورعاۋعا مۇشە بولعان مەكەمە ورىندارى بىرلىكتە تۇتىنۋشىلاردىڭ ۇقىق-مۇددەسىن قورعاۋ ۇگىتىن جۇرگىزىپ، كەڭەس سۇراۋ ورىندارىن قۇرىپ، تۇتىنۋشىلاردىڭ ارىز-شاعىمىن قابىلدادى.

    جەرگىلىكتەگى كاسىبورىندار قىزمەت وتەۋ ۋادەسىن بەرىپ، ساپالى ونىمدەرىن كورسەتىپ، تۇتىنۋشىلاردىڭ باقىلاۋىن قابىلدادى.

    اۋىل-قالاشىقتارداعى قيمىلدا، قىزمەتكەرلەر ەگىنشى-مالشىلارعا ٴوندىرىس قۇرال-جابدىقتارىن ساتىپ الۋ، ساتىپ العان سوڭ جوندەپ بەرۋ، اۋىستىرۋ، قايتارۋ سىندى ماسەلەلەرتۋرالى ايتىپ بەرىپ، ولاردىڭ القاۋىنا بولەندى.

    تايكەشكەن قالاشىعىنداعى جۇڭگو – موڭعوليا تۇتىنۋشىلارىنىڭ ۇقىق-مۇددەسىن قورعاۋ قىزمەت پۋنكتى موڭعۇل تۇتىنۋشىلارعا ۇقىق-مۇددەنى قورعاۋ بىلىمدەرىن ۇگىتتەپ، ولاردىڭ جاقسى باعاسىن الدى.

    قيمىل بارىسىندا، نەگىزگى الاڭدا زاڭ اتقارۋ ۇگىت اۆتوكولىگىنەن 21 ىن شىعارىپ، ۇگىت قاعازدارىنان 146 مىڭ داناسىن تاراتىپ، كورمە تاقتاسىنان 17 سىن قويىپ، كەرمە تۋدان 321 ٴىلىنىپ، كەڭەس سۇراعان بۇقارا سانى 1500 ادام –رەتكە جەتكەن. بولىمشە الاڭدا ۇگىت ماتەريالىنان 3600 پارشا تاراتىلىپ، 12 كورمە تاقتاسى قويىلىپ، كەڭەس سۇراعان ادام سانى 900 ادام-رەتكە جەتكەن.

جاۋاپتى رەداكتور:نۇرجان مينۋار قىزى