اۆتونوميالى رايوندىق ونەركاسىپ-ساۋدا مەكەمەسى بازارعا تەكسەرۋ الىپ باردى

    ءۇرىمجى قالاسىنىڭ بازار باقىلاۋىن كۇشەيتۋ ءۇشىن، 14-ناۋرىزدا اۆتونوميالى رايوندىق ونەركاسىپ-ساۋدا مەكەمەسى ءۇرىمجى قالالىق ونەركاسىپ-ساۋدا مەكەمەسىمەن سەلبەسىپ، ءۇرىمجى قالاسىنداعى ءبىر ءبولىم ساۋدا ورىندارىنا، بازارلاردا تەكسەرۋ جۇرگىزدى. سول كۇنى تۇستەن بۇرىن، تەكسەرۋشى قىزمەتكەرلەر حۋاليڭ بازارىنا كەلىپ، تاۋار ساپاسىنا، ساتۋدان كەيىنگى قىزمەت وتەۋگە، اشكەرەلەۋ جولدارىنا ىشكەرىلەي تەكسەرۋ جۇرگىزدى، حاي-ىر ەلەكتر سايماندارىن ساتۋشىسى جاڭ يۇڭجۇن: حاي-ىر ەلەكتر سايماندارىنىڭ بارلىعىندا بىردەن جولاقتى شيفر بار بولىپ، تاۋاردىڭ ساپاسىن تەكسەرۋگە بولادى، وسى ارقىلى تۇتىنۋشىلاردىڭ ساتىپ العان تاۋارىنىڭ ساپاسىنا كەپىلدىك ەتەمىز،-دەدى.

    حۋاليڭ ۋينۆەرسال بازارىنىڭ پارتيا ياچەيكاسىنىڭ شۋجيى پىڭ يان بىلاي دەدى: «قازىر تۇتىنۋشىلاردىڭ تاۋار ساتىپ الۋى بارعان سايىن جۇيەگە ءتۇسىپ، بازار ىشىندە ساتۋشى مەن قامداۋشى جاق كىرگەن تاۋاردىڭ كەلۋ قاينارىن تەكسەرۋگە بولادى. تۇتىنۋشىلاردىڭ زاڭدىق مۇددەسى زيانكەستىككە ۇشىراعان كەزدە، ەڭ الدىمەن بازار ىشىندەگى قىزمەت وتەۋ ورنىنا بارىپ، اشكەرەلەۋىنە بولادى. قازىر اشكەرەلەۋشىلەردىڭ سانى بارعان سايىن ازايۋدا.

    ءۇرىمجى قالاسى جاستار جولى حاۋجياشياڭ ەرەن بازارىندا تەكسەرۋشىلەر بازارعا جانە ەرەن بازار ىشىندەگى ساتىلىمدا تۇرعان ءۇي جيھازدارى، ەلەكتر سايماندارى قاتارلى تاۋارلارعا تەكسەرۋ جۇرگىزدى.

جاۋاپتى رەداكتور:سايراش تۇرارجان قىزى