قىستاققا تۇسكەن قىزمەت اترەتى انالاردىڭ دەنساۋلىعىن قورعاۋ قىزمەتىن كۇشەيتتى

 
قىستاققا تۇسكەن كادرلاردىڭ ۇسىنىسى مەن كەلگەن مامان قىستاقتاعى انالارعا دەنساۋلىق ساقتاۋ جونىندە لەكسيا جاساۋدا.
 

    جەڭىسحان اسقار ۇلى، اۋاحان تۇراپ قىزى حابارلايدى. ساۋان اۋدانى ساۋدانى اكىمىشىلىك جاقتان باسقارۋ مەكەمەسىنەن شيگوبي قالاشىعى شيگوبي قىستاعىنا تۇسكەن قىزمەت اترەتىندەگى كادرلار ناۋرىز ايىنان باستاپ قىستاققا كەلىپ تۇرعاننان كەيىن، قىستاقتاعى وتباسىلارىن ارالاپ احۋال ۇعىسپ، قىستاق تۇرعىندارى مەن دوس بولىپ ىشكەرلەي قويان-قولتىق ارالاسىپ، حالىقتىڭ ارمان تىلەگى مەن ساقتالىپ وتىرعان ماسەلەردى ۇعىستى.ءارى 2016-جىلى اۆتونوميالى رايون حالىقتىڭ دەنساۋلىعىن تەگىن تەكسەرۋ تيىمدى ساياساتىن جولعا قويعاننان بەرى قىستاقتاعى تۇرعىنداردىڭ دەنساۋلىقتى قورعاۋ كوزقاراستارىندا دا، ۇلكەن وزگەرىستەر پايدا بولعاندىعىن، الايدا قىستاقتاعى تۇرعىندار ادەتتەگى تۇرمىستا دەنساۋلىقتى قورعاۋ جونىندەگى تانىمدارىنىڭ تومەن ەكەندىگىن بايقايدى. اسىرەسە، قىستاقتاعى وتباسى وشاق قاسىنان شىقپاي قاربالاستىقپەن ءوتىپ جاتقان انالاردىڭ دەنساۋلىقتى قورعاۋ كوزقاراسى ەرەكشە تومەن ەكەندىگىن ۇققاننان كەيىن، قىستاققا تۇسكەن قىزمەت اترەتىندەگى كادرلار قىستاق ەكى كوميتەتىندەگى باسشىلار مەن كەڭەسپ، اۋداندىق انالى بالالار دەنساۋلىعىن قورعاۋ ەمحاناسى مەن بايلانىس جاساپ، ارناۋلى انالى بالالار دەنساۋلىعىن قورعاۋ ەمحاناسىنىڭ مامانى نۇرگۇل قۇمار قىزىن ۇسىنىس ەتىپ، قىستاقتاعى انالارعا دەنساۋلىقتى قالاي قورعاۋ جونىندە لەكسيا سويلەتتى.

    لەكسيا سويلەۋ بارىسىندا، نۇرگۇل قۇمار قىزى قىستاقتاعى انالارعا ناقتىلى تۇرمىستىق جاعدايلارىنا بىرلەستىرە وتىرىپ، انالار مەن بالالاردىڭ دەنساۋلىعىن قورعاۋ، بالالى بولۋ، بالانى تاربيەلەۋ، تۇرمىستىق تازالىق، جۇقپالى اۋرۋدان ساقتانۋ،ءدارىنى پايدالانۋ جاقتارىنان لەكسيا سويلەپ قىستاقتاعى انالاردىڭ قىزۋ قولداۋىنا يە بولدى.

    قىستاققا تۇسكەن قىزمەت اترەتىنىڭ مۇشەسى دامەتكەن قايمولا قىزى: «ءبىز قىستاققا كەلىپ تۇرۋداعى ماقساتىمىز حالىق ءۇشىن قىزمەت ىستەۋ، حالىقتىڭ جاقسى قولعاناتى بولۋ، حالىقتىڭ جۇگىن جەڭىلدەتىپ، پارتيانىڭ قامقورلىعىن حالىققا جەتكىزىپ، ۇلتتار ىنتىماعىن قورعاپ، حالىقتى ەرتەرەك اۋقاتتاندىرۋ ءۇشىن»،-دەدى.

 

تىلشىلەردىڭ قىزمەت ورنى: ساۋان اۋدان مادەنيەت دەنەتاربيە مەكەمەسى

جاۋاپتى رەداكتور:نۇرجان مينۋار قىزى