ساۋان اۋدانى انجيحاي قالاشىعى قىزىل بۇرىش مايساسىن ەرتە باستان دايارلادى

 
جۇمىسشىلار قىزىل بۇرىش تۇقىمىن تاباققا ەگۋدە.
 

    جەڭىسحان اسقار ۇلى حابارلايدى. 10-ناۋرىز كۇنى، انجيحاي قالاشىعى شۋاڭچي قىستاعى جيڭ فۇيۋان كوپەراتيۆىنىڭ پارنيگىنىڭ ىشىندە 30 عا جۋىق جۇمىسشىلار قاربالاس جۇمىس ىستەپ، قورەكتىك توپىراق،قىزىل بۇرىش مايساسىن سالاتىن ۇيا تاباقشاسى، تۇقىم ءسىڭىرۋ، توپىراعىن جابۋ سىندى ٴءتۇرلى ەڭبەكتەر،كوپشىلىكتىڭ ەرىنبەي قۇلشىنۋىنىڭ ارقاسىندا، ٴءتارتىپتى، اسا جۇيەلى ىستەلىپ جاتىپتى.

    قازىرگى كەز، قىزىل بۇرىش مايساسىن ءوسىرۋدىڭ شەشۋشى مەزگىلى. انجيحاي قالاشىعى اۋىل شارۋاشىلىعى پۋنكتىنىڭ تەحنيكتەرىنىڭ جەتەكشىلىگىندە، ورايدى مىقتى يگەرىپ، شوعىرلى تۇردە قىزىل بۇرىش مايساسىن وسىرۋگە كىرىستى.

    مايسا جەتىستىرەتىن پارنيكتىڭ قالىپتى جۇرگىزلۋىنە كەپىلدىك ەتۋ ءٴۇشىن، جۇمىسشىلار كۇنى بۇرىن پارنيكتىڭ ءىشى-سىرتىن رەتتەپ، تازالادى. پارنيكتە قىزىل بۇرىش ءٴوسىرۋ بازاسىندا، جۇمىسشىلار جەردى تەگىستەپ، تاباققا قىزىل بۇرىش تۇقىمىن بەلگىلەنگەن نۇكتە بوينشا سالىپ، توپىراق سەبۋ قاتارلى مايسا ٴءوسىرۋ بۋىندارىنىڭ بارىندە مۇقيات جۇمىس ىستەپ، مايسا ٴءوسىرۋ جۇمىسىنا نەمقۇرايدى قارامادى. كوپەراتيۆ كوپ جىلداردان بەرگى ەگىپ باسقارۋ تەحنيكاسى مەن تاجيربەسىنىڭ جوعارلاۋىنا بايلانىستى، قىستاقتاردا قىزىل بۇرىش مايساسىن كوشىرىپ ەگۋ تەحنيكاسى قىزۋ قارسى الۋعا يە بولىپ، بازاردى قامداپ جەتىستىرە المايدى.

    كوپەراتيۆتىڭ باس جوراسى ليۇ گاڭ: «بيىلعى جىلى مەن ون پارنيككە ءٴبىراق قىزىل بۇرىش مايساسىن جەتىلدىردىم. پارنيكتىڭ جەر كولەمى 12 مۋ، ءٴاربىر پارنيكتىڭ ىشىندە 4500 تاباق قىزىل بۇرىش مايساسى بار. 80 مۋ جەرگە قىزىل بۇرىش مايساسىن كوشىرىپ ەگۋگە جەتەدى. بيىلعى جىلى ءٴبىز قىزىل بۇرىش تۇقىمىن ەرتە ەگىپ، ەرتە باعىپ-باپتاپ جەتكىزىپ، ەرتە بازارعا سالۋداي پرينسيپىنە تاباندى بولىپ، 1-ناۋرىزدان باستاپ قىزىل بۇرىش تۇقىمىن جەتىستىرۋ مايساسىن ەگۋ جۇمىسىن باستاپ كەتتىك. جۇمىسشىلار ءٴار كۇنى 6 مىڭ تاباق قىزىل بۇرىش مايساسىن ەگەدى. مەجەمەن 15-ناۋرىزعا دەيىن ەگىپ بولامىز. ءٴاربىر پارنيكتىڭ تازا پايداسى 30 مىڭ يۋاننان اسادى»،-دەدى.

    «انجيحاي قالاشىعىندا 100 دەن استام اۋىل شارۋاشىلىق پارنيك بار. جالپى جەر كولەمى 7 مىڭ مۋ، قالاشىقتاعى تۇرعىنداردىڭ باسىم كوپ ساندىسى قىزىل بۇرىش شارۋاشىلىعى مەن شۇعىلدانادى. قىزىل بۇرىش مايساسىن كوشىرىپ ەگۋ تەحنيكاسىنىڭ كەڭ كولەمدى جالپىلاسۋى، قىزىل بۇرىش جەمىسىنىڭ ٴءوسىپ-ٴءونۋ مەرزىمىن ۇزارتىپ، قىزىل بۇرىش ساپاسىن جالپى بەتتىك جوعارلاتىپ، قىزىل بۇرىشتى ەرتەرەك بازارعا سالۋ ارقىلى ديقانداردىڭ كىرسىن ارتتىرۋعا بولادى»،-دەدى انجيحاي قالاشىعى اۋىل شارۋاشىلىق پۋنكيتىنىڭ باستىعى لي چياڭ.

    ءتىلشىنىڭ قىزمەت ورنى: ساۋان اۋدانى مادەنيەت دەنەتاربيە مەكەمەسى

جاۋاپتى رەداكتور:نۇرجان مينۋار قىزى