2017 – جىلعى ازيا – ەۆروپا تاۋار ساۋدا كورمەسى 24 – تامىزدا اشىلادى

    2017 – جىلعى (جۇڭگو) ازيا – ەۆروپا تاۋار ساۋدا كورمەسى 24 – تامىز وتكىزىلەتىن بولدى.

    3 – ناۋرىزدا، 2017 – جىلعى ازيا – ەۆروپا تاۋار ساۋدا كورمەسىنىڭ ۇيىمداستىرۋ كوميتەتى ءبىرىنشى رەتكى ءماجىلىسىن اشتى، بۇل جولعى تاۋار ساۋدا كورمەسى 24 – تامىزدان 28 – تامىزعا دەيىن شينجياڭ حالىقارالىق كورمە ورتالىعىندا وتكىزىلەدى.

    كەزەكتى كورمەنىڭ جالپى كولەمى 62 مىڭ شارشى مەتر بولىپ، توقىما كيىمدەر كورمەسى، زەردەلى تۇرمىستىق بۇيىمدار كورمەسى، شاي مادەنيەتى كورمەسى، اۋىل شارۋاشىلىق ونىمدەر كورمەسى (ءجۇزىم اراعى كورمەسى دە بار)، حالىقارالىق، سونداي – اق شياڭگاڭ، اۋمىن، تايۋان كورمەسى، ساياحات ونىمدەر كورمەسى، سونىمەن بىرگە دەنە تاربيە مادەنيەتى كورمەسى قاتارلىلاردى قامتيدى.

جاۋاپتى رەداكتور:سايراش تۇرارجان قىزى