قازاقستان اسفالتى يمپورتقا سۇيەنۋ تاريحىن اياقتاتتى

    كاسپي تەڭىزىنىڭ جاعاسىنداعى اقتاۋ قالاسى قازاقستاننىڭ ايگىلى پورت قالاسى، ماڭايىندا مۇناي الابى كوپ بولعاندىقتان، بۇل جەر قازاقستاننىڭ مۇناي مانەرلەۋ سالاسىنداعى ماڭىزدى بازاسى. ەنەرگيا ورتالىعى اتالعان بۇل ادەمى قالادا، جۇڭگو مەن قازاقستاننىڭ بايلىققا جاتپايتىن سالاسىنداعى ەڭ ۇلكەن سەلبەستىك نىسانى − جۇڭگو – قازاقستان كاسپي اسفالت سەلبەستىك سەرىكتىگى بوي كوتەردى. اسفالت زاۆودتى وندىرىسكە قوسىلعان 3 جىلدان بەرى، قازاقستاننىڭ اسفالتى يمپورتقا سۇيەنەتىن تاريحىن اياقتاتىپ، قازاقستاننىڭ نەگىزدىك قۇرىلعى قۇرىلىسىنا ماڭىزدى ۇلەس قوستى.

    بولاشاقتا، «باتىس ەۆروپا − باتىس جۇڭگو» حالىقارالىق تاس جول نەگىزگى لەنياسى جانە «شىمكەنت − قىزىلوردا» قاتارلى قازاقستان ەل ىشىندەگى وبلىس ارالىق تاس جول قۇرىلىس نىسانىنىڭ ىشكەرىلەي سالىنۋىمەن، اسفالت زاۆودتىنداعى ءونىم ءوز رولىن ساۋلەلەندىرىپ، جۇڭگونىڭ «ءبىر بەلدەۋ ءبىر جول» دارىپتەمەسى مەن قازاقستاننىڭ «نۇرلى جول» ەكونوميكا جوسپارىن ۇشتاستىراتىن ماڭىزدى ناتيجە مەن قوزعاۋشى كۇش بولماق.

    «ءبىر بەلدەۋ ءبىر جول» دارىپتەمەسىنىڭ جەتەكشىلىگىندە، اسفالت زاۆودتى ەكى ەل ەكونوميكا سەلبەستىگى تاريحىنىڭ جاڭا بەتىن اشىپ قالماستان، قازاقستاننىڭ اسفالت سالاسىنداعى تاريحىن تۇبەگەيلى وزگەرتتى. اسفالت زاۆودتىنان شىققان ساپالى ونىمدەر بولاشاقتا ءاربىر جوعارى قارقىندى تاس جولدارعا توسەلۋمەن قاتار، جۇڭگو مەن قازاقستاننىڭ ءوزارا تيىمدىلىك جەتكىزىپ، ورتاق يگىلىكتەنەتىن سارا جولى مەن جۇرت جۇرەگىن جالعاستىراتىن كوپىرى بولماق.


جاۋاپتى رەداكتور:سايراش تۇرارجان قىزى