يممۋنيتەتتى ارتتىراتىن 5 ءتۇرلى حورەكتىك زات

    يممۋنيتەتتى ارتتىرۋدا ءىشىپ – جەم ماڭىزدى رول اتقارادى. كۇندەلىكتى تۇرمىستا تومەندەگىدەي حورەكتىك زاتتار قابىلداۋعا نازار اۋدارعانىڭىز ءجون:

    بەلوك، انتيدەنەنىڭ نەگىزگى قالىپتاستىرۋشىسى. ادام دەنەسى مەن سىرتقى ورتا اراسىنداعى «كۇرەستە» انتيدەنەنىڭ يممۋنيتەتتىك رولى كەم بولسا بولمايدى. بەلوك قۇرامى مول ازىق – تۇلىكتەردىڭ ءتۇرى مول، سيىر ءسۇتى، جۇمىرتقا، قارا كەسەك ەت، سويا بۇرشاق قاتارلىلار ساپالى بەلوكتىڭ قاينار كوزى ەسەپتەلەدى.

    ۆيتامين C، انتيدەنەنى قالىپتاستىراتىن كاتاليزاتور. توتىقتانۋعا قارسى تۇراتىن ۆيتامين C سىرتقى ورتانىڭ كلەتكا ىشىندەگى تەپە – تەڭدىككە جاسايتىن ىقپالىن ازايتادى، انتيدەنەنىڭ قالىپتاسۋىن جەدەلدەتىپ، قالىپتى يممۋنيتەتتى ساقتايدى. ۆيتامين C قۇرامى ەڭ جوعارى ازىق – تۇلىك رەتىندە جاڭا ۇزىلگەن جەمىس – جيدەكتەر مەن كوكونىستەردى اتاۋعا بولادى.

    ۆيتامين A، ءبىرىنشى شەپتىڭ قورعاۋشىسى. دەنەدەگى ۆيتامين A كەمشىل بولسا، تىنىس جولىنداعى كىلەگەيلى قابىقتىڭ كلەتكالارى قۋسىرىلىپ، تۇتىكشەلەرى ازايادى، ادام دەنەسىنىڭ ءبىرىنشى قورعانىس شەبى السىرەپ، ميكروبتار دەنەگە كىرەدى. ۆيتامين A حايۋاناتتاردىڭ باۋىرىندا، بالىق مايىندا كوپ بولادى.

    مىرىش، يممۋنيتەتتى رەتتەپ وتىراتىن قولقانات. مىرىش ــ ادام دەنەسىندەگى 100دەن استام فەرمەنتتى قۇرايتىن زاتتاردىڭ ءبىرى، وتە – موتە، يممۋنيتەتتىك جۇيەنىڭ جەتىلۋى مەن قالىپتى يممۋنيتەتتىك قىزمەتتى ساقتاۋدا ماڭىزدى رول اتقارادى. مىرىش قۇرامى مول زاتتار ەكى تۇرگە بولىنەدى: تەڭىز ونىمدەرى جانە ساڭىراۋقۇلاقتار. مۇنان سىرت، حايۋاناتتاردىڭ باۋىرى، قاراكەسەك ەت، جاڭعاق قاتارلى زاتتاردا مول بولادى.

    تەمىر، انتيدەنەنى قالىپتاستىراتىن قۋاتتى قالقان. تەمىر قۇرامىنىڭ كەمشىلدىگىنەن يممۋنيتەتتىك كلەتكالاردىڭ سانى ازايادى، بۇل انتيدەنەنىڭ قالىپتاسۋىنا ىقپال جاساپ، يممۋنيتەتتىك قۋاتتى تومەندەتەدى. حايۋاناتتاردىڭ باۋىرى، قانى، قوي – سيىر ەتى تەمىردى تولىقتايدى.

جاۋاپتى رەداكتور:سايراش تۇرارجان قىزى