اۆتونوميالى رايون جالپى حالىقتىق دەنە شىنىقتىرۋ جوسپارىن جاريالادى

    جالپى حالىقتىق دەنە شىنىقتىرۋ سىندى مەملەكەتتىك ستراتەگيانى اناعۇرلىم ويداعىداي تياناقتاندىرۋ ءۇشىن، 22 - اقپاندا اۆتونوميالى رايوندىق حالىق ۇكىمەتى «شينجياڭ ۇيعۇر اۆتونوميالى رايونىنىڭ جالپى حالىقتىق دەنە شىنىقتىرۋ جوسپارى جونىندە (2016 - جىلدان 2020 - جىلعا دەيىن)» (تومەندە قىسقارتىلىپ «جوسپار») دەلىنەدى) اقپار جاريالاۋ ءماجىلىسىن اشتى. بۇل «جوسپاردىڭ» جاريالانىپ اتقارىلۋى رايونىمىزداعى جالپى حالىقتىڭ دەنە ساپاسى مەن سالاماتتىق دەڭگەيىن اناعۇرلىم جوعارىلاتىپ، سالامات شينجياڭ قۇرىلىسىن جەدەلدەتەدى.

    «جوسپاردا» مىنالار اتاپ كورسەتىلدى: 2020 - جىلعا بارعاندا، بۇقارانىڭ سپورتتىق شىنىعۋ تانىمى جاپپاي كۇشەيىپ، سپورتتىق شىنىعۋعا قاتىناساتىن ادامدار كورنەكتى مولايادى، ءار اپتادا ءبىر رەت جانە ودان دا كوپ رەت شىنىعاتىن ادام سانى 15 ميلليونعا، ۇنەمى شىنىعاتىن ادام سانى 8 ميلليونعا جەتەدى، بۇقارانىڭ دەنە ساپاسى ورنىقتى كۇشەيەدى.

    رايونىمىز جاريالاعان «جوسپار» جالپى تۇلعالىق تالاپ، نەگىزگى مىندەت، باستى شارا جانە اتقارۋدى قامتاماسىز ەتۋ سياقتى 4 بولىمنەن قۇرالادى. «نەگىزگى مىندەت» اۆتونوميالى رايوننىڭ «13 - بەسجىلدىق» كەزىندەگى جالپى حالىقتىق دەنە شىنىقتىرۋ ىستەرىنىڭ دامۋ بەتالىسى مەن نەگىزگى كورسەتكىشتەرىن ناقتىلاندىرۋ تالابىن ايقىنداپ، شينجياڭ قىزمەتىنىڭ باس نىساناسىن ارقاۋ ەتىپ، جالپى حالىقتىق دەنە شىنىقتىرۋدى كوپ نەگىزدەندىرۋ، جالپى حالىقتىق دەنە شىنىقتىرۋ الاڭىنىڭ قۇرىلعىلارىن ءبىر تۇتاس قۇرۋ، جالپى حالىقتىق دەنە شىنىقتىرۋ قيمىلدارىن جاپپاي ورىستەتۋ، دەنە تاربيە قوعامدىق ۇيىمدارىنا رەفورما جاساۋدى ىلگەرىلەتۋ، جالپى حالىقتىق دەنە شىنىقتىرۋدى حالىقارالىق بارىس - كەلىسكە كەڭەيتۋ، جالپى حالىقتىق دەنە شىنىقتىرۋدى كۇشەيتۋدى دامىتۋ تۇيىندەرى سىندى 6 جاقتان ناقتى قىزمەت مىندەتىن ورتاعا قويىپ، «نە ىستەۋ» ماسەلەسىن شەشەدى.

    سونىمەن بىرگە، 6 ءتۇيىندى مىندەتتىڭ ورىندالۋىن جەبەۋ ءۇشىن، مەملەكەتتىڭ تالابىنا نەگىزدەلىپ، جالپى حالىقتىق دەنە شىنىقتىرۋ قىزمەت مەحانيزمىن كەمەلدەندىرۋ، ۇسىنىلىمدى مولايتۋ مەن قامتاماسىزداندىرۋ، جالپى حالىقتىق دەنە شىنىقتىرۋدى باعالاۋ جۇيەسىن قۇرۋ، جالپى حالىقتىق دەنە شىنىقتىرۋعا ىنتالاندىرۋ مەحانيزمىندە جاڭالىق اشۋ، جالپى حالىقتىق دەنە شىنىقتىرۋدا عىلىم - تەحنيكالىق جاڭالىق اشۋدى كۇشەيتۋ، جالپى حالىقتىق دەنە شىنىقتىرۋداعى دارىندىلار قوسىنى قۇرىلىسىن كۇشەيتۋ، زاڭ - ساياسات جاقتان قامتاماسىز ەتۋدى كەمەلدەندىرۋ سياقتى 7 جاقتان ناقتى قامتاماسىزداندىرۋ شارالارىن ورتاعا قويىپ، «قالاي ىستەۋ» ماسەلەسىن شەشەدى.

    «جوسپار» كەيبىر باستى مىندەتتەرگە ايقىن نىسانا بەلگىلەدى. جالپى حالىقتىق دەنە شىنىقتىرۋ الاڭى قۇرىلعىلارىن ءبىر تۇتاس قۇرۋدا، بۇقارانىڭ جاقىن جەردەن دەنە شىنىقتىرۋىنا قولايلى بولۋ جاعىندا، اۋدان (قالا، رايون)، اۋىل - قالاشىق (ءمالى)، اكىمشىلىك قىستاق (الەۋمەتتىك اۋماق) بۇقارانىڭ جانىنداعى جالپى حالىقتىق دەنە شىنىقتىرۋ قۇرىلعىلارىنىڭ 3 دارەجەلى تورابى مەن قالانىڭ الەۋمەتتىك اۋماقتارىندا 15 مينۋتتىق دەنە شىنىقتىرۋ اۋماعىن قۇرىپ، ادامدارعا ورتاشا تۋرا كەلەتىن سپورت اۋدانى اۋماعىن 2 شارشى مەترگە جەتكىزەدى.

    سونىمەن بىرگە، اۋداندار(قالا، رايون) «111» ولشەمىن اتقارادى، ياعني ءبىر سپورت سارايى (جالپى حالىقتىق دەنە شىنىقتىرۋ قيمىل ورتالىعى)، ءبىر دەنە تاربيە مايدانى (فۋتبول) مەن دالادا سەيىلدەپ دەنە شىنىقتىراتىن سپورت قۇرىلعىلارى (جالپى حالىق دەنە شىنىقتىراتىن جول، جاياۋ جۇرەتىن جول، سپورت باقشاسى سياقتىلار)؛ اۋىل - قالاشىق شارۋالارىنىڭ سپورتتىق شىنىعۋ ينجەنەرياسى «1141» ولشەمىن اتقارادى، ياعني ءبىر باسكەتبول(ۆولەيبول) الاڭى، ءبىر جابىق فۋتبول الاڭى، 4 ۇستەل دوپ تەكشەسى مەن جالپى حالىق دەنە شىنىقتىرىپ جۇرەتىن ءبىر جول؛ اكىمشىلىك قىستاق پەن الەۋمەتتىك اۋماقتاردا ءتىپتى دە قولايلى، قولدانىلمالى سپورت قۇرىلعىلارى بولۋ.

جاۋاپتى رەداكتور:سايراش تۇرارجان قىزى