شينجياڭنىڭ كولەمدى وسىزامان ءان-جىر تەاترى «ءشول-جازيرادا شەشەك اتقان گۇلدەر» فۋكاڭ قالاسىندا تۇڭعىش قويىلدى

 

    22-اقپاندا، شينجياڭ سانجى حۇيزۋ اۆتونوميالى وبلىسى كوركەمونەر تەاترى دايىنداعان مەملەكەتتىك كوركەمونەر قورى 2016-جىلدىڭ سوڭىندا قارجىلاي كومەك بەرگەن نىسان شينجياڭنىڭ كولەمدى وسىزامان ءان-جىر تەاترى «ءشول-جازيرادا شەشەك اتقان گۇلدەر» فۋكاڭ قالاسىندا تۇڭعىش قويىلدى.

    «ءشول-جازيرادا شەشەك اتقان گۇلدەر» تەاترى — مەملەكەتتىك ەڭبەك وزاتى، سانجى حۇيزۋ اۆتونوميالى وبلىسى شونجى اۋدانى بيليۋحى اۋىلى شيگوبي قىستاعىنىڭ پارتيا ياچەيكا شۋجيى ما گولياڭنىڭ ون جىلدى ءبىر كۇندەي وتكىزىپ، سول اراداعى ءار ۇلت حالقىنا باس بولىپ، بۇرىنعى كەدەي ءشول دالانى قازىرگى بۇكىل شينجياڭعا اتى ايگىلى «گوبي جاڭا قىستاعى» ەتىپ قۇرعان ىستەرىن نەگىزگى مازمۇن ەتىپ جاسالعان. نەگىزگى ساتى كادرلارىنىڭ ماشاقاتقا شىداپ، جاۋاپكەرشىلىكتى باتىل ارقالاپ، قايسارلىقپەن شايقاس جاساعان رۋحىن جىرلاعان.

    سانجى حۇيز اۆتونوميالى وبلىسى كوركەمونەر تەاترىنىڭ باستىعى جاڭ حىڭ تانىستىرىپ بىلاي دەدى: وسى تەاتردىڭ مازمۇنىن تۇراقتاندىرۋدان ەڭ سوڭعى جاتتىعۋعا دەيىن جالپى 4 جىلدى باستان كەشىردىك.

    ۇعىسۋعا قاراعاندا، اتالعان تەاتر سانجى حۇيزۋ اۆتونوميالى وبلىسىنىڭ ءارقايسى اۋدان-قالالارىندا از دەگەندە 40 رەت ارالاپ ويىن قويىپ، تاعى ماۋسىم ايىندا نيڭشيادا وتكىزىلەتىنءان -ءبي تەاترى كوركەمونەر مەرەكەسىنە قاتىناسادى ەكەن.

جاۋاپتى رەداكتور:سايراش تۇرارجان قىزى