پارتيا، ءسوز جوق، وزىندىك توڭكەرىس جاساۋ رۋحىن ساۋلەلەندىرۋى كەرەك

    − باس شۋجي شي جينپيڭنىڭ ولكە، مينيسترلىك دارەجەلى ارناۋلى تاقىرىپتاعى زەرتتەۋ - تالقى كۋرسىنداعى ماڭىزدى ءسوزىن ۇيرەنۋ جونىندە (3)

    «وزىندىك توڭكەرىس جاساۋعا جۇرەكتى بولۋ − پارتيامىزدىڭ ەڭ جارقىن قاسيەتى ءارى پارتيامىزدىڭ ەڭ باستى ارتىقشىلىعى». ولكە، مينيسترلىك دارەجەلى نەگىزگى باسشى كادرلاردىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىبىنداعى زەرتتەۋ - تالقىلاۋ كۋرسىنىڭ وقۋ باستاۋ سالتىندا، باس شۋجي شي جينپيڭ بۇكىل پارتيادان توڭكەرىستى سوڭىنا دەيىن جالعاستىرۋ رۋحىن ساۋلەلەندىرىپ، بويىمىزدا بار ماسەلەلەردى ءبىر ءسات تە بوساڭسىماستان شەشىپ، قاشاندا ءداۋىردىڭ، امالياتتىڭ، حالىقتىڭ تالابىنا ءجىتى ۇيلەسىپ وتىرۋدى تالاپ ەتتى. ءسوزدىڭ رۋحىن ناقتى قىزمەت بارىسىندا تياناقتاندىرۋ ءۇشىن، وزىندىك توڭكەرىس جاساۋعا جۇرەكتى بولىپ، كونەنى جاڭامەن الماستىرۋ، دۇرىس جولدان تايماۋ، جاڭالىقتارعا ءورىس اشۋ بارىسىندا وزىندىك سەكىرىستى ىسكە اسىرۋعا قۇلشىنىپ، پارتيا مەن حالىق ىستەرىنە ومىرشەڭ كۇش ۇستەي بەرۋ قاجەت.

    95 جىلدان اسا تاريحى بار ماركستىك ساياسي پارتيا رەتىندە، پارتيامىزدىڭ ۇلىلىعى ونىڭ قاتەلىك جىبەرمەۋىندە ەمەس، قايتا اعاتتىقتاردى ەشقاشان جاسىرىپ - جاپپاي، ماسەلەنىڭ جۇزىنە باتىلدىقپەن تۋرا قاراپ، وزىندىك توڭكەرىسكە جۇرەكتى بولىپ، ءوزىن - ءوزى دۇرىستاپ وتىراتىن اسا كۇشتى قابىلەتكە يە بولعاندىعىندا. پارتيامىز نە ءۇشىن قازىرگى جۇڭگونىڭ ءتۇرلى ساياسي كۇشتەرى تىنباي تەكە تىرەسكە تۇسكەندە قارا ءۇزىپ العا شىقتى؟ نە ءۇشىن قاشاندا ءداۋىردىڭ الدىڭعى كوشىن باستاپ، جۇڭگو حالقى مەن جۇڭحۋا ۇلتىنىڭ تايانىشىنا اينالدى؟ بۇنىڭ سەبەبى، پارتيامىزدىڭ اعاتتىقتاردى مويىنداۋ مەن تۇزەتۋگە قاشاندا جۇرەكتى بولىپ، ءوز بويىنداعى ىندەتتى قايتا - قايتا قانداۋىرمەن شاباقتاپ، ءوز ماسەلەسىن شەشە بىلگەندىگىندە ەدى. بۇل قابىلەت − پارتيامىزدى جەر بەتىندەگى باسقا ساياسي پارتيالاردان پارىقتاندىراتىن كورنەكتى بەلگى جانە پارتيامىزدىڭ ۇزاق داۋرەندەۋىنىڭ ماڭىزدى سەبەبى دە.

    پارتيامىزدىڭ وزىندىك توڭكەرىس جاساۋعا جۇرەكتى بولۋىنىڭ سەبەبى پارتيامىزدا مەملەكەت، ۇلت، حالىق مۇددەسىنەن سىرت، ەشقانداي ەرەكشە مۇددە جوقتىعىندا. جەكە مۇددەنى كوزدەمەگەندە عانا، ءتۇپ نەگىزدى، ۇلى مۇددەلەردى كوزدەۋگە بولادى، سوندا عانا پارتيانىڭ سيپاتى مەن ءتۇبىرلى ماقساتى، حالىقتىڭ ءتۇبىرلى مۇددەسى تۇرعىسىنان ءوزىن - ءوزى قاداعالاۋعا بولادى؛ سوندا عانا كەمشىلىكتەردى بۇركەمەلەۋدەن، ماسەلەلەردەن قاشقالاقتاۋدان، اعاتتىعىن جاپقىشتاۋدان اۋلاق بولۋعا، بار كەمشىلىكتى جەڭۋگە، ورىن تەپكەن ماسەلەنى شەشۋگە، جىبەرىلگەن اعاتتىقتى مويىنداۋعا جانە تۇزەتۋگە بولادى. پارتيامىزدىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى ورتاعا قويىپ، ءوز قولىن ءوزى كەسەتىندەي باتىلدىقپەن پارتيا ىشىندەگى ەسكىلىكتى ىندەتتەردى قانداۋىرلادى، بۇل پارتيامىزدىڭ وزىندىك توڭكەرىس جاساۋعا بەل بۋعان ەرىك - جىگەرىنىڭ ايگىسى ەدى. پارتيامىز نازاريانى، امالياتتى، ءتۇزىمدى ۇزدىكسىز جاڭعىرتىپ وتىردى، جۇڭگونىڭ رەفورما جاساۋى مەن دامۋىنىڭ استارىندا، پارتيامىزدىڭ قاناعاتتانۋشىلىقتان ماڭگى اۋلاق بولىپ، ارىپ - شارشاۋدى ماڭگى بىلمەيتىن اسىل قاسيەتى، پارتيامىزدىڭ ءوزىن - ءوزى ۇزدىكسىز كىرشىكسىزدەندىرىپ، كەمەلدەندىرىپ، جاڭارتىپ، جوعارىلاتىپ وتىراتىن رۋحى جاتقان - دى.

    قازىر دۇنيەنىڭ، مەملەكەتتىڭ، پارتيانىڭ جاعدايىندا تەرەڭ وزگەرىستەر جارىققا شىقتى، پارتيامىز تاپ بولعان سايىستار مەن قاتەرلەر بارعان سايىن كۇردەلى، «ءتورت ۇلكەن سىناق» پەن «ءتورت ۇلكەن قاتەر» بارعان سايىن اۋىر بولا ءتۇستى. مىندەت قانشا كۇردەلى، حاۋىپ - قاتەر قانشا زور بولعان سايىن، وزىندىك توڭكەرىس جاساۋ رۋحىن سونشا ساۋلەلەندىرۋ كەرەك. 89 ميلليونعا جۋىق مۇشەسى، 4 ميلليون 400 مىڭنان اسا ۇيىمى بار الەمدەگى ەڭ ءىرى پارتيا رەتىندە، ءبىزدى ەشقانداي سىرتقى كۇش جەڭە المايدى، جەڭىلسەك، تەك وزىمىزدەن جەڭىلەمىز. بولاشاق تاعدىرىمىز ءوز قولىمىزدا تۇر. پارتيانى كوركەيتۋ، قۇدىرەتتەندىرۋ، پارتيانىڭ ومىرشەڭ كۇشىن ماڭگى ساقتاۋ ءۇشىن، ءسوزجوق، اسا كۇشتى وزىندىك توڭكەرىس جاساۋ رۋحى مەن سىننان وتكەن ءوزىن كىرشىكسىزدەندىرۋ قاسيەتىن ازىرلەۋىمىز، ءوز بويىمىزداعى ماسەلەلەرمەن جانە قاتەلىكتەرمەن تاباندى تۇردە كۇرەس جۇرگىزىپ، وزىندىك توڭكەرىس جاساۋعا جۇرەكتى بولۋ رۋحىمەن ءوز - ءوزىمىزدى شىنىقتىرىپ، شىمىرلاندىرىپ وتىرۋعا ءتيىسپىز.

    وزىندىك توڭكەرىس جاساۋ رۋحىنا تاباندى بولۋدىڭ تەتىگى ماسەلەنىڭ جۇزىنە تۋرا قارايتىن سانالىلىق پەن باتىلدىقتىڭ بولۋىندا. وزىندىك توڭكەرىس، تۇپتەپ كەلگەندە، ورىن تەپكەن ماسەلەگە باعىتتالادى، كەمشىلىكتەردى جاسىرىپ - جابۋ − وزىندىك توڭكەرىس جاساۋدىڭ بىتىسپەس جاۋى. «ءوزىن - ءوزى ۇنەمى ناعىز دەگدار، اعاتتىق جىبەرمەستەي قاداعالار» دەگەندەي، ءار دارەجەلى پارتكومدار مەن باسشى كادرلار ءوز بويىنداعى كەمشىلىكتەر مەن ولقىلىقتاردى دەر كەزىندە بايقاپ، ۇساق ماسەلەنىڭ ۇلعايۋىنان، تۇيمەدەي ءىستىڭ تۇيەدەي پالە تۋدىرۋىنان ساقتانۋى، ونان دا ماڭىزدىسى، ءوزى اياعىن نىق باسىپ تۇرامىن دەپ ويلاسا، باسقالاردىڭ دا اياعىن نىق باسقىزىپ تۇرعىزۋى، ءوزى وي جەتكىزەمىن دەگەن ىسكە باسقالاردىڭ دا ويىن جەتكىزۋى، پارتيانى باسقارۋ، جونگە سالۋدىڭ ساياسي جاۋاپكەرشىلىگىن ارقالاپ، وزىندىك توڭكەرىس جاساۋ رۋحىن بۇكىل پارتياداعىلاردىڭ سانالى تالپىنىسىنا اينالدىرۋى قاجەت.

    پارتيانىڭ كۇرەس تاريحىنا كوز جىبەرسەك، توڭكەرىستىك رۋحتى قايتكەندە ماڭگى ساقتاۋعا بولادى دەگەننىڭ اسا ماڭىزدى ءارى، ءسوز جوق، شەشىلۋگە ءتيىستى تاقىرىپ ەكەنىن كورەمىز. اۋەلگى ماقساتتى ۇمىتپاي، ۇدەرە العا تارتۋ تالابى توڭكەرىستىك رۋحتى ماڭگى ەستەن شىعارماۋ دەگەن ماڭىزدى تاقىرىپتى قامتىپ جاتىر. باس شۋجي شي جينپيڭنىڭ تالابى بويىنشا، ءوزىن قانداۋىرلاۋ مەن وزىندىك توڭكەرىس جاساۋعا جۇرەكتى بولعاندا عانا، ماسەلەلەردى تىنباي شەشۋ بارىسىندا وزىندىك سەكىرىستى ىسكە اسىرىپ، پارتيامىزدىڭ العاباسارلىعى مەن كىرشىكسىزدىگىن ماڭگى ساقتاي الامىز.

جاۋاپتى رەداكتور:سايراش تۇرارجان قىزى