مەملەكەتتىك حالىق قۇرىلتايىنىڭ شينجياڭداعى ۋاكىلدەرى ءماجىلىس اشىلار الدىندا شوعىرلى تۇردە قىزمەت تەكسەردى

    مەملەكەتتىك حالىق قۇرىلتايى تۇراقتى كوميتەتى كەڭسەسىنىڭ تالابىنا ساي، مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى اشىلار الدىندا، اۆتونوميالى رايوندىق حالىق قۇرىلتايى تۇراقتى كوميتەتى 13 - اقپاننان 15 - اقپانعا دەيىن مەملەكەتتىك حالىق قۇرىلتايىنىڭ شينجياڭداعى ءبىر ءبولىم مۇشەلەرىن شوعىرلى تۇردە قىزمەت تەكسەرۋگە ۇيىمداستىردى.

    ۋاكىلدەر ءۇرىمجى قالاسى شۇيموگوۋ رايونى چيداۋۋان اۋماعى باسقارۋ كوميتەتى، كىشكەنە قوڭىراۋ بالا باقشاسى، ليۋداۋۋان مەشىتى، سانجى حۇيزۋ اۆتونوميالى وبلىسى جۇندۇڭ ەكونوميكالىق - تەحنيكالىق اشۋ رايونى، سانجى ەرەكشە ترانسفورماتور جارنا شەكتى سەرىكتەستىگى، سانجى مەملەكەتتىك اۋىل شارۋاشىلىعى عىلىم - تەحنيكا باقشاسى رايونى سياقتى ورىندارعا بارىپ، وسى ورىنداردىڭ ەكونوميكالىق، قوعامدىق دامۋ جاعدايىن ۇعىسىپ، مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە ءتۇرلى كەڭەستىك جوبالار مەن باياندامالاردى قاراپ، جوعارى ساپالى كەڭەستىك جوبا جانە ۇسىنىس قويۋعا نەگىز قالادى.

    ءۇرىمجى قالاسى مەن سانجى قالاسىنىڭ 2016 - جىلعى ەكونوميكالىق، قوعامدىق دامۋ جاعدايى جانە 2017 - جىلعى ەكونوميكالىق، قوعامدىق دامۋىنىڭ نەگىزگى نىسانالارى مەن ءتۇيىندى مىندەتتەرى جونىندەگى مالىمەتتى تىڭداعان سوڭ، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى، قىزمەت تەكسەرۋ گرۋپپاسىنىڭ باستىعى نايىم ياسىن: ءۇرىمجى قالاسى مەن سانجى وبلىسىنىڭ قوعامى جاراسىمدى، ورنىقتى، قالا قۇرىلىسى كۇن سايىن جاڭالانۋدا، جاپپاي قۇرىلىس جۇرگىزۋ جاعىندا بۇكىل شينجياڭ بويىنشا الدىڭعى قاتاردا تۇرادى، ەكى جەردىڭ ءتۇرلى قىزمەتتەرىندە جاڭا ىلگەرىلەۋشىلىكتەر مەن جاڭا ناتيجەلەرگە قول جەتتى، - دەپ اتاپ كورسەتتى.

    نايىم ياسىن بىلاي دەپ باسا دارىپتەدى: جەر - جەر قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ماسەلەنى نىشان ەتۋدەن جازباي، ءتۇرلى قىزمەتتەردى ءار ۇلت حالقى رازى بولارلىقتاي ناقتى، ەگجەي - تەگجەيلى ىستەپ، قىزمەتتەردىڭ تىڭ ساتىعا كوتەرىلۋىن جەبەپ، ورتالىقتىڭ شينجياڭدى جونگە سالۋ جالپى جوباسىنىڭ دايەكتى تياناقتاندىرىلۋىن قامتاماسىز ەتۋى، اۆتونوميالى رايوندىق پارتكومنىڭ شەشىم - ورنالاستىرۋلارىنىڭ تۇبەگەيلى تياناقتاندىرىلۋىن، گۇل اشىپ، جەمىس بەرۋىن قامتاماسىز ەتۋى كەرەك.

    نايىم ياسىن مىنالاردى تالاپ ەتتى: مەملەكەتتىك حالىق قۇرىلتايىنىڭ ۋاكىلدەرى شوعىرلى تۇردە قىزمەت تەكسەرۋ ورايىنان پايدالانىپ، ءوز باسىمدىلىقتارىن تولىق ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، مەملەكەتتىك حالىق قۇرىلتايىنىڭ ماجىلىسىندە جوعارى دەڭگەيلى، جوعارى ساپالى پىكىر - ۇسىنىستار قويىپ، شينجياڭنىڭ ورنىقتىلىعى مەن دامۋىنا ءتىپتى زور ۇلەستەر قوسۋى كەرەك.

    تەكسەرۋ كەزىندە، ۋاكىلدەر مەملەكەتتىك دەڭگەيدە، شينجياڭنىڭ ءىس جۇزىندىك جاعدايىن ارقاۋ ەتىپ، كەزەكتەگى ەكونوميكالىق، قوعامدىق دامۋداعى قولامتالى ماسەلەلەر مەن ۇسىنىستار جونىندە ءۇرىمجى قالاسىنىڭ، سانجى وبلىسىنىڭ جاۋاپتىلارىمەن اڭگىمەلەستى.

    جەرگىلىكتى ورىننىڭ جاۋاپتىلارىمەن اڭگىمەلەسكەندە، ۋاكىلدەر ەكى جەردىڭ «13 - بەسجىلدىق» جوباسى باستالعاننان بەرى ەكونوميكالىق، قوعامدىق دامۋدا قول جەتكەن ەلەۋلى جەتىستىكتەرىن تولىق تۇراقتاندىردى ءارى قورشاعان ورتانى قورعاۋ، جاڭا ەنەرگيانى اشۋ - پايدالانۋ، «قوس ءتىل» تاربيەسى سياقتىلار جونىندە پىكىر - ۇسىنىستار قويدى.

    اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى لي شۋەجۇن ءۇرىمجى قالاسىنداعى تەكسەرۋ قيمىلىنا قاتىناستى ءارى ءۇرىمجى قالاسىنىڭ ەكونوميكالىق، قوعامدىق دامۋ جاعدايىن تانىستىردى.

    مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، مەملەكەتتىك حالىق قۇرىلتايى ۇلت كوميتەتىنىڭ ورىنباسار مەڭگەرۋشى مۇشەسى اسحات كەرىمباي ۇلى، مامەت ياسىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى دۇڭ شينگۋاڭ، نيجات سۇلتان، اۆتونوميالى رايوندىق جوعارى حالىق سوتى مەكەمەسىنىڭ باستىعى مۇتالىپ وبۇل تەكسەرۋ قيمىلدارىنا قاتىناستى.

جاۋاپتى رەداكتور:سايراش تۇرارجان قىزى