ۇستىنەن وڭاۋ مەن تۇبىرىنەن وڭاۋعا تاباندى بولىپ، ۇزاق ۋاقىتتىق ءونىمدى مەحانيزمدى ورناتايىق

    − «ۇيرەنۋ، بۇرىلىس جاساۋ، جەبەۋ» قيمىلىن بەرىك، تياناقتى، ويداعىداي يگەرۋ جونىندە (6)

    «ەكىنى ۇيرەنۋ، بىردە تولىمدى بولۋ» ۇيرەنۋ - تاربيە اياسىندا «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ورىستەتۋدە ءبىر مەزەتتىكتەن، ات ۇستىلىكتەن ساقتانۋ كەرەك، مۇندا ماڭىزدىسى، ەرەجە - ءتۇزىم ورناتىپ، ۇستىنەن وڭاۋ مەن تۇبىرىنەن وڭاۋعا تاباندى بولىپ، ۇزاق ۋاقىتتىق ءونىمدى مەحانيزمدى اقاۋسىزداندىرۋ كەرەك.

    ۇستىنەن وڭاۋ مەن تۇبىرىنەن وڭاۋ − ماتەرياليزمدىك يدەيا ساۋلەسى شۇعىلا شاشقان عىلمي مەتادولوگيا، پارتيامىزدىڭ پارتيانى باسقارۋىنىڭ، پارتيانى جونگە سالۋىنىڭ دايەكتى تالابى، مۇنان دا ماڭىزدىسى، جاڭا جاعدايدا پارتيانى جاپپاي قاتاڭ جونگە سالۋىنىڭ ىشكى زاڭدىلىعى.

    باس شۋجي شي جينپيڭ «پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋدە ۇستىنەن وڭاۋ مەن تۇبىرىنەن وڭاۋعا، ءسوز جوق، تاباندى بولۋ كەرەك. ۇستىنەن وڭاۋدان بوساڭسىماي، ۇستىنەن وڭاۋ ارقىلى تۇبىرىنەن وڭاۋدى ۇزبەي جەبەۋ كەرەك، مۇندا ءارى سىرقاتتى كۇشتى دارىمەن ەمدەۋ، اۋىر جازامەن بىلىقپالىقتى وڭاۋ، ءارى دۇرىس نيەتپەن ءوزىن تاربيەلەۋ، مادەنيەتتى نارلەندىرۋ، بيلىك جۇرگىزۋ نەگىزىن ساقتاۋ كەرەك» دەپ اتاپ كورسەتتى. وسى عىلمي تۇجىرىم جاڭا باستامادا پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋىمىزدى ءتۇبىرلى ولشەممەن قامدادى.

    ستيل قۇرىلىسى − بيلىك باسىنداعى پارتيانىڭ باعىت كورسەتكىشى. ستيلدىڭ جاقسى - جامان بولۋى حالىقتىڭ قولداۋ - قولداماۋىمەن، بيلىك جۇرگىزۋ نەگىزىمەن بايلانىسىپ جاتادى. اسىرەسە، ەكى «ءۇش مەزگىل قاباتتاسقان» جاعدايعا ءدوپ كەلگەن شينجياڭدا، ستيل قۇرىلىسى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تۇبەگەيلى تياناقتانۋ - تياناقتانباۋىمەن، قوعام ورنىقتىلىعى مەن باياندى تىنىشتىق باس نىساناسىنىڭ دەر كەزىندە جۇزەگە اسۋ - اسپاۋىمەن بايلانىستى. سول سەبەپتى، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيە اياسىندا «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ورىستەتۋدە ۇستىنەن وڭاپ، ءتارتىپتى قاتاڭ اتقارىپ، قاتاڭ جاۋاپقا تارتىپ، جانعا باتىرا وتىرىپ ۋىتتى ايدايتىن، تايسالمايتىن باتىل بەكىممەن كۇشتى ءدارى بەرىپ، اۋىر جازا قولدانىپ، «ءتورت ءتۇرلى بۇرىس ستيل» مەن «ءتورت تەرىس پيعىل» ماسەلەلەرىن نولدىك توزىمدىلىكپەن تەكسەرىپ ءبىر جاقتى ەتۋ؛ ءارى تۇبىرىنەن وڭاپ، مۇرات - سەنىمدى نىعايتىپ، ءتۇزىم قاپاسىن بەكەمدەپ، ستيل قۇرىلىسىنىڭ ۇزاق ۋاقىتتىق ءونىمدى مەحانيزمىن قالىپتاستىرىپ، نەگىزدى بەكەمدەپ، كۇشتى تولىقتاپ، قاجىماس قايسارلىقپەن ستيلى پاك، سالتى دۇرىس ساياسي ەكولوگيانى قالىپتاستىرۋ كەرەك.

    ۇستىنەن وڭاۋ مەن تۇبىرىنەن وڭاۋعا تاباندى بولۋدا، ەڭ الدىمەن، يدەيالىق نەگىزدى بەكەمدەپ، ۇدايىلانعان تاربيە مەحانيزمىن كەمەلدەندىرىپ، مۇرات - سەنىمدى ماڭگى ساقتاۋ كەرەك. پارتيا ورتالىق كوميتەتىنىڭ ەل باسقارۋداعى جاڭا تانىمى، جاڭا يدەياسى، جاڭا ستراتەگياسى، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن نۇسقاۋىنىڭ رۋحى −− باعىتتى، جالپى جاعدايدى، بولاشاقتى بەلگىلەيدى، بۇل جاڭا مەزگىلدە شينجياڭ قىزمەتىن ويداعىداي ىستەۋىمىزدى نەگىزگى ولشەممەن قامدادى. ونىڭ ءنارىن تەرەڭ، جۇيەلى ۇيرەنىپ، ويداعىداي يگەرۋ −− اۆتونوميالى رايونىمىزداعى ءار دارەجەلى پارتيا ۇيىمدارى مەن پارتيالى كادرلاردىڭ بۇلتارماس جاۋاپكەرشىلىگى. ءتۇپ نۇسقانى وقۋمەن، ءتۇپ ءماتىندى ۇيرەنۋمەن، ءتۇپ ءمانىن تۇسىنۋمەن بىرگە، شىنايى سەزىممەن، بورىشتىلىق سەزىممەن، سۇراق قويا ۇيرەنۋ كەرەك. ۇيرەنۋ بارىسىندا «ءتورت ءتۇرلى بۇرىس ستيل» مەن «ءتورت تەرىس پيعىل» جاعىنداعى كورنەكتى ماسەلەلەردى كۇش سالا ىزدەپ تاۋىپ، ماسەلەنىڭ زاردابى مەن قاينارىنا تەرەڭ تالداۋ جاساۋ كەرەك؛ ۇيرەنۋ بارىسىندا ءوزىن - ءوزى كىرشىكسىزدەندىرۋ، كەمەلدەندىرۋ، جاڭالاۋ، جوعارىلاتۋ قابىلەتىن ۇزبەي ءوسىرىپ، رۋحاني كالتسيدى اناعۇرلىم تولىقتاۋ قاجەت؛ ۇيرەنۋ بارىسىندا، ءتۇبىرلى ماقسات تانىمىن اناعۇرلىم كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جاۋاپكەرلىك سەزىمى مەن بورىشتىلىق سەزىمىن كۇشەيتىپ، مۇرات - سەنىم ارقىلى جول نۇسقاپ، باس نىسانانى جۇزەگە اسىرۋدىڭ جويقىن كۇشىن توپتاۋ ءتيىس.

    ۇستىنەن وڭاۋ مەن تۇبىرىنەن وڭاۋعا تاباندى بولۋدىڭ تەتىگى بيلىكتى ءتۇزىمنىڭ مەڭگەرۋىنە الىپ، ءتۇزىم ارقىلى پارتيانى جونگە سالۋ، بيلىكتى مەڭگەرۋ، ءمانساپتىلاردى باسقارۋدا. مۇندا، ءبىرىنشى، جاۋاپكەرشىلىك مەحانيزمىن كەمەلدەندىرۋ جانە اقاۋسىزداندىرۋ ارقىلى ءار دارەجەلى باسشىلىق القالاردىڭ، ءبىرىنشى باسشىنىڭ جانە القا مۇشەلەرىنىڭ وسى قيمىلداعى ناقتى جاۋاپكەرشىلىگىن اشالاپ، جاۋاپكەرشىلىك ءتىزىمىن جاساپ، اشىق ۋادە بەرىپ، ءار جاقتىڭ باقىلاۋىن ىرىقتىلىقپەن قابىلداۋ كەرەك؛ ەكىنشى، باقىلاۋ - تەكسەرۋ مەحانيزمىن كەمەلدەندىرۋ جانە اقاۋسىزداندىرۋ ارقىلى اشىق تەكسەرۋ مەن جاسىرىن تەكسەرۋ قىزمەتىنىڭ ۇدايىلانۋىنا، ۇزاق ۋاقىتتىق ءونىمدى بولۋىنا مۇمكىندىك جاساپ، ستيلدەگى كەمىستىكتەر مەن ارەكەتتەگى كەمشىلىكتەردى دەر كەزىندە بايقاپ، الاستاۋ قاجەت؛ ءۇشىنشى، ىنتالاندىرۋ، تەجەۋ مەحانيزمىن كەمەلدەندىرۋ جانە اقاۋسىزداندىرۋ ارقىلى ستيلگە بۇرىلىس جاساۋدىڭ، ورنىقتىلىقتى قورعاۋدىڭ امالي ناتيجەلەرىن كادرلاردى باعالاۋدىڭ، مىندەتكە تاعايىنداۋدىڭ ماڭىزدى نەگىزى ەتىپ، سيلاۋ - جازالاۋدى قاتايتىپ، سيلاۋ مەن جازالاۋدى ايقىنداپ، ءىس تىندىرعىسى كەلەتىندەرگە وراي، ءىس تىندىرا الاتىندارعا ءورىس، ءىس تىندىرعاندارعا ورىن ازىرلەپ، ساياسي ەكولوگيانىڭ ستيلى پاك، سالتى دۇرىس بولۋىنا مۇمكىندىك جاساۋ كەرەك.

    «ەكىنى ۇيرەنۋ، بىردە تولىمدى بولۋ» ۇيرەنۋ - تاربيە اياسىندا «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ورىستەتۋ −− قامال الۋ شايقاسى ءارى ۇزاققا سوزىلاتىن شايقاس. ۇستىنەن وڭاۋ مەن تۇبىرىنەن وڭاۋعا تاباندى بولىپ، ۇزاق ۋاقىتتىق ءونىمدى مەحانيزمدى ورناتىپ، تالىقپايتىن بەكىم جانە قايراتپەن پارتيانى جاپپاي قاتاڭ جونگە سالۋدىڭ ىشكەرىلەي دامۋىن شىن مانىندە ىلگەرىلەتىپ، باس نىسانانىڭ تۇبەگەيلى تياناقتانۋىن تاڭداۋلى ستيلمەن قامتاماسىز ەتۋىمىز كەرەك.

جاۋاپتى رەداكتور:سايراش تۇرارجان قىزى