تياناقتاندىرۋدى مىقتى يگەرىپ، ءوندىرىس حاۋىپسىزدىگى جاعدايىنىڭ ءۇرتىس ورنىقتى بولۋىن، جاقسارۋىن جەبەۋ كەرەك

اۆتونوميالى رايون ءوندىرىس حاۋىپسىزدىگى جونىندەگى مەملەكەتتىك تەلەۆيزور - تەلەفون ءماجىلىسىنىڭ رۋحىن دايەكتى تياناقتاندىرۋ جينالىسىن اشتى

    ءوندىرىس حاۋىپسىزدىگى جونىندەگى مەملەكەتتىك تەلەۆيزور - تەلەفون ءماجىلىسى اشىلعاننان كەيىن، 11 - قاڭتاردا اۆتونوميالى رايون جينالىس اشىپ، ءماجىلىستىڭ رۋحىن دايەكتى تياناقتاندىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوندىق ءوندىرىس حاۋىپسىزدىگى كوميتەتىنىڭ مەڭگەرۋشىسى شوكىرات زاكىر جينالىستا مىنانى باسا دارىپتەدى: ايماقتار، تاراۋلار، مەكەمە - ورىندار ءماجىلىستىڭ رۋحىن مۇقيات جەتكىزىپ، مەملەكەتتىڭ ءوندىرىس حاۋىپسىزدىگى جونىندەگى ورنالاستىرۋى بويىنشا پارمەندى شارا قولدانىپ، تياناقتاندىرۋدى مىقتى يگەرىپ، تۇتاس اۆتونوميالى رايوننىڭ ءوندىرىس حاۋىپسىزدىگى جاعدايىنىڭ ءۇرتىس ورنىقتى بولۋىن، جاقسارۋىن جەبەۋ كەرەك.

    بىلتىردان بەرى اۆتونوميالى رايوندىق پارتكوم مەن حالىق ۇكىمەتىنىڭ ءوندىرىس حاۋىپسىزدىگى جونىندەگى شەشىمدەرى مەن ورنالاستىرۋلارىنا ساي، ايماقتار، تاراۋلار، مەكەمە - ورىندار قىزمەتتەردى قاجىرلىلىقپەن دەن قويا ىستەدى، ءار جاقتىڭ ورتاق قۇلشىنۋىندا، ءوندىرىس حاۋىپسىزدىگى جاعدايى ءۇرتىس ورنىقتى بولدى، جاقساردى، تۇتاس رايونىمىزدىڭ ءوندىرىس حاۋىپسىزدىگى قىزمەتىندە ءبىرشاما جاقسى ناتيجەگە قول جەتتى.

    شوكىرات زاكىر مىنانى اتاپ كورسەتتى: كەزەكتە ءوندىرىس حاۋىپسىزدىگى جاعدايىنىڭ قاتاڭدىعىن سەرگەكتىكپەن تانىپ، ءوندىرىس حاۋىپسىزدىگى قىزمەتىن ويداعىداي ىستەۋ جونىندەگى كوكەي تەستىلىك سەزىم مەن جاۋاپكەرشىلىك سەزىمدى ونان ارى كۇشەيتۋ كەرەك. ءتۇيىندى كورنەكتىلەندىرىپ، ماسەلەنى نىشان ەتۋدەن، جاعدايعا قاراي ىستەۋدەن جازباي، ولقىلىقتاردى كۇش سالا تولىقتىرىپ، تياناقتاندىرۋدى مۇقيات يگەرىپ، اۆتونوميالى رايوننىڭ ءوندىرىس حاۋىپسىزدىگى قىزمەتى دەڭگەيىنىڭ كوتەرىلۋىن، ناقتى ونىمدىلىككە قول جەتكىزۋىن جەبەۋ كەرەك. ءار دارەجەلى پارتكومدار مەن حالىق ۇكىمەتتەرى ءوندىرىس حاۋىپسىزدىگىنە پارتيا مەن ۇكىمەت بىردەي جاۋاپتى بولۋدى قاتاڭ تياناقتاندىرۋى، پارتيا، ۇكىمەت ورىندارىنداعى نەگىزگى باسشىلار باستاماشىلدىقپەن يگەرىپ، باس جاۋاپكەرشىلىكتى ارقالاۋى، تاراۋلار ءوندىرىس حاۋىپسىزدىگى جونىندەگى «ءۇش ءسوزسىز» قاتاڭ تالابى بويىنشا، ءوندىرىس حاۋىپسىزدىگىن باقىلاۋ - باسقارۋ قىزمەت جاۋاپكەرشىلىكتەرىن مۇقيات وتەۋى، كاسىپورىندار ءوندىرىس حاۋىپسىزدىگىندەگى تۇلعالىق جاۋاپكەرشىلىكتەرىن مۇقيات تياناقتاندىرىپ، جاۋاپكەرشىلىك تياناقتانباۋ جايتىن باتىل جويۋى: ءوندىرىس حاۋىپسىزدىگى بويىنشا ساقتانۋ جۇيەسىن ورناتىپ، كەمەلدەندىرىپ، ءوندىرىس حاۋىپسىزدىگى شىرعالاڭدارىنىڭ تۋىلۋىنان بارىنشا ساقتانۋى؛ بەرىك بەكىم، قاتاڭ ءتارتىپ، باتىل شارا، پارمەندى ءتاسىل ارقىلى زاڭسىز، زاڭعا قايشى جانە ەرەجە - تۇزىمگە قيعاش ارەكەتتەرگە سوققى بەرۋ كەرەك.

    شوكىرات زاكىر: قازىر اۆتونوميالى رايوندىق 2 ءماجىلىس اشىلىپ جاتقان كەز، كوكتەم مەرەكەسى دە تاياپ قالدى، ءوندىرىس حاۋىپسىزدىگى قىزمەتىن، ءسوز جوق، مىقتى، ناقتى يگەرۋ كەرەك، - دەدى. ول مىنانى تالاپ ەتتى: ءوندىرىس حاۋىپسىزدىگىنە زور تەكسەرۋ جۇرگىزۋ قىزمەتىن ىشكەرىلەي ورىستەتىپ، ءتۇيىندى كاسىپ سالالارىندا حاۋىپسىزدىكتى باقىلاۋ - باسقارۋدى شىن مانىندە كۇشەيتۋ قاجەت. جول، قاتىناس سالاسىندا حاۋىپسىزدىكتى باقىلاۋ - باسقارۋدى كۇشەيتىپ، قىس ماۋسىمىنداعى قارلى بوراندى اۋا رايىنا مەڭزەس، ءتۇيىندى جول بولەكتەرىن، ءتۇيىندى اۋماقتاردى شارلاۋ، باسقارۋ، مەڭگەرۋ تەبىنىن ارتتىرىپ، سايكەستى بىرلەسىپ قيمىلداۋ مەحانيزمىن ورناتىپ، زاڭدى بىرلەسىپ اتقارۋدى كۇشەيتىپ، ادام، اۆتوكولىك، جول سىندى 3 شەشۋشى بۋىندا جول قاتىناس حاۋىپسىزدىگى حاۋىپ - قاتەرىنەن قاتاڭ ساقتانۋ، قاتاڭ مەڭگەرۋ؛ كومىر كەن سالالارىندا حاۋىپسىزدىكتى باقىلاۋ - باسقارۋدى كۇشەيتۋ كەرەك. قىستا كومىر قاجەتسىنۋ مولشەرىنىڭ ارتۋ، كومىر ءوندىرىسىنىڭ ەڭ قاربالاس كەزى ەرەكشەلىگىنە مەڭزەس، كومىر كەندەردىڭ ءوندىرىس حاۋىپسىزدىگىن تەكسەرۋ تەبىنىن ارتتىرۋ؛ ءورت ءوشىرۋ، ورتتەن ساقتانۋ سالالارىندا، قۇرىلىس جۇمىسى سالالارىندا، قاتەرلى حيميالىق ونىمدەر مەن تورسىلداق جاساۋ سالالارىندا حاۋىپسىزدىكتى باقىلاۋ - باسقارۋدى كۇشەيتىپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىن ويداعىداي قورعاۋ كەرەك.

    اۆتونوميالى رايوننىڭ باسشىلارىنان پىڭ جيارۇي، ءمۇتالىپ قاسىم جينالىسقا قاتىناستى.

جاۋاپتى رەداكتور:سايراش تۇرارجان قىزى