ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «ۇكىمەتتىڭ بايلىقتى ورنالاستىرۋ ءتاسىلىن جاڭالاۋ جونىندەگى جەتەكشى پىكىردى» باسىپ تاراتتى

    شينحۋا اگەنتتىگىنىڭ 11 - قاڭتاردا بەيجيڭنەن بەرگەن حابارى. شينحۋا اگەنتتىگى 11 - قاڭتاردا مىندەتكە ساي، ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «ۇكىمەتتىڭ بايلىقتى ورنالاستىرۋ ءتاسىلىن جاڭالاۋ جونىندەگى جەتەكشى پىكىردى» جاريالادى.

    سوتسياليستىك بازار شارۋاشىلىعى شارت - جاعدايىندا ۇكىمەت ورنالاستىراتىن بايلىق، باستىسى، ۇكىمەت مەملەكەت پەن جالپى حالىق اتىنان يەلىك ەتەتىن جاراتىلىستىق بايلىق، ەكونوميكالىق بايلىق جانە قوعامدىق ىستەر بايلىعى سياقتى الەۋمەتتىك بايلىقتار. پىكىرگە ساي، ۇكىمەتتىڭ بايلىقتى ورنالاستىرۋ ءتاسىلىنىڭ جالاڭ بولۋى، اكىمشىلىك سيپاتتى ورنالاستىرۋ تاسىلدەرىنىڭ ءبىرشاما كوپ بولۋى سياقتى كورنەكتى ماسەلەلەرگە مەڭزەس، ءتۇزىلىس رەفورماسىندا تابىسقا جەتۋگە تاباندى بولىپ، الەۋمەتتىك بايلىقتى ورنالاستىرۋدىڭ عىلمي، ۇيلەسىمدى، ارناعا تۇسكەن، باياندى مەحانيزمىن ورناتۋ كەرەك. ءتۇرلى الەۋمەتتىك بايلىقتىڭ ۇقساماعان جاعدايى مەن ەرەكشەلىگىنە ساي، تۇرگە، سالاعا ءبولىپ، بايلىقتى ورنالاستىرۋ ءتاسىلىن جاڭالاۋ كەرەك.

    ناقتى سالا جونىنەن العاندا، جاراتىلىستىق بايلىق جاعىندا مۇلىك ۇقىعى ءتۇزىمىن ورناتۋدى نەگىز ەتىپ، بايلىققا اقىلى يە بولۋ جانە ودان پايدالانۋ؛ ەكونوميكالىق بايلىق جاعىندا (باستىسى، فينانس تۇرىندەگى جانە فينانسقا جاتپايتىن تۇردەگى تيجارات سيپاتتى مەملەكەت مەنشىگىندەگى بايلىق مەڭزەلەدى) مەملەكەت مەنشىگىندەگى كاپيتالدىڭ ىشكى تالابىن كورنەكتىلەندىرىپ، تاپسىرۋ - ۋاكىلدىك ەتۋ قاتىناسىنىڭ تۇزىمدىك ورنالاستىرۋىن ايقىنداۋ، مەملەكەت مەنشىگىندەگى كاپيتالدىڭ ۇلگىسىن جاڭالاۋ مەحانيزمىن ورناتۋ، اقاۋسىزداندىرۋ؛ قوعامدىق ىستەر بايلىعى جاعىندا (باستىسى، تيجارات سيپاتىنا جاتپايتىن مەملەكەت مەنشىگىندەگى بايلىق مەڭزەلەدى) بازارلاندىرۋ ءتاسىلى مەن ءادىسىن ەنگىزىپ، اناعۇرلىم ءونىمدى بولعان ادىلدىك پەن تەڭگەرۋدى جۇزەگە اسىرىپ، الەۋمەتتىك بايلىقتى ورنالاستىرۋدىڭ اناعۇرلىم ءونىمدى، اناعۇرلىم ءادىل، اناعۇرلىم باياندى بولۋىن جەبەۋ كەرەك.

    پىكىردە بىلاي دەپ باسا دارىپتەلدى: بۇكىل ەل بويىنشا ءبىر تۇتاس ءىرى بازاردى قورعاۋ العى شارتىندا، جەر - جەردىڭ جاڭاشا قالا - قالاشىقتاندىرۋ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسى، وڭىرلىك فينانس بازارى مەن فينانس قۇرىلىمى، قورا - جاي سالىعى، زەينەتكەرلىك جانە ەمدەۋ قامتاماسىزداندىرۋى سياقتى جاقتاردا ىزدەنىس جاساپ، جاڭالىق اشۋىن قولداۋ كەرەك.

    پىكىردە تاعى مىنالار تالاپ ەتىلدى: بىتىراڭقى قۇرىلعان ءتۇرلى الەۋمەتتىك بايلىق ايىرباس تەكشەسىن رەتكە سالىپ، الەۋمەتتىك قىزمەت وتەۋ فۋنكتسياسىن تۇراقتاندىرۋدى تياناق ەتىپ، باسقارۋ تارتىپتەرىن كەمەلدەندىرىپ، بازار ورتاسىن ساپالىلاندىرىپ، الەۋمەتتىك بايلىقتىڭ قاعيداسى ءبىرتۇتاس، اشىق، قىزمەت وتەۋى جوعارى ءونىمدى، باقىلانۋى ارناعا تۇسىرىلگەن ايىرباس تەكشەسى جۇيەسىن كۇش سالا قۇرۋ كەرەك. ءىرى سيفر، بۇلت ەسەپ سياقتى ينفورماتسيالىق تەحنيكالارعا سۇيەنىپ، ايىرباستىڭ بۇكىل بارىسىن ەلەكترونداستىرۋدى جەدەل ىلگەرىلەتىپ، ايىرباستىڭ بۇكىل بارىسىنىڭ اشىق، جاريا بولۋى مەن ينفورماتسيادان بىردەي يگىلىكتەنۋدى جۇزەگە اسىرۋ كەرەك.

جاۋاپتى رەداكتور:سايراش تۇرارجان قىزى