جىل اتتادىق، جىلدىق دەمالىسىن تولىق الماعاندار قالاي ىستەۋ كەرەك؟

    جىل باسى كەلدى، ءبىر جىلدىق قىزمەتپەن قاربالاس بولعان كوپتەگەن قىزمەتكەر وزدەرىنىڭ جىلدىق دەمالىسىن تولىق الماعاندارىن جاڭا بايقادى.

    دەمالۋعا ءتيىستى دەمالىسىندا تولىق دەمالماعداندار قايتۋى كەرەك، ەكىنشى جىلى قوسىپ دەمالۋىنا بولا ما؟ قىزمەت ورنى تولىقتاما قاراجات بەرە مە؟

    ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، «كاسىپورىن جۇمىسشى - قىزمەتشىلەرىنىڭ ەڭبەكاقىلى جىلدىق دەمالىسىن اتقارۋ ادىسىندە» بىلاي دەپ بەلگىلەنگەن: ادام ىستەتۋشى ورىن ءوندىرىس، قىزمەتتىڭ ناقتى جاعدايىنا قاراي ءارى جۇمىسشى - قىزمەتشىلەردىڭ ءوز تىلەگىن ەسكەرىپ، جىلدىق دەمالىستى ءبىر تۇتاس ورنالاستىرۋى كەرەك. ادام ىستەتۋشى ورىن قىزمەت قاجەتىمەن جۇمىسشى - قىزمەتشىلەردىڭ جىلدىق دەمالىسىن شىنىندا ورنالاستىرا المايتىن بولسا نەمەسە ءبىر جىل اتتاپ جىلدىق دەمالىس ورنالاستىرماق بولسا، جۇمىسشى - قىزمەتشىلەردىڭ ماقۇلدىعىن الۋى كەرەك.

    ادام ىستەتۋشى ورىن جۇمىسشى - قىزمەتشىلەردىڭ ماقۇلدىعىمەن جىلدىق دەمالىستى ورنالاستىرماسا نەمەسە بەرگەن جىلدىق دەمالىس كۇن سانى بەلگىلەمەدەگى كۇن سانىنان از بولسا، ونىڭ كۇندەلىكتى ەڭبەكاقى كىرىسىنىڭ %300 ى بويىنشا دەمالماعان جىلدىق دەمالىسىنا ەڭبەكاقى ۇستەپ بەرۋى كەرەك، وندا ادام ىستەتۋشى ورىننىڭ جۇمىسشى - قىزمەتشىلەردىڭ قالىپتى قىزمەت مەزگىلىندە بەرۋگە ءتيىستى ەڭبەكاقى كىرىسى قامتىلادى. ادام ىستەتۋشى ورىن جۇمىسشى - قىزمەتشىلەرىنە جىلدىق دەمالىس بەرىپ، جۇمىسشى - قىزمەتشىلەر ءوز سەبەبىمەن دەمالماسا جانە جازباشا انىقتاما بەرسە، ادام ىستەتۋشى ورىن قالىپتى قىزمەت مەزگىلىندە بەرۋگە ءتيىستى ەڭبەكاقىنى عانا بەرەدى.

    ەڭبەكشىلەر تاعى مىنانى ەستە ساقتاۋى كەرەك، «ەڭبەكاقىلى جىلدىق دەمالىس» جۇمىسشى - قىزمەتشىلەردىڭ جىلدىق دەمالىس كەزىندە قالىپتى قىزمەت كەزىندەگى ۇقساس ەڭبەكاقىدان يگىلىكتەنۋىن اڭعارتادى.

جاۋاپتى رەداكتور:سايراش تۇرارجان قىزى