شي جينپيڭ ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشتى

    مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ قىزمەتىنەن مالىمەت تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى

    شينحۋا اگەنتتىگىنىڭ 10 - قاڭتاردا بەيجيڭنەن بەرگەن حابارى. ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى 10 - قاڭتاردا ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ قىزمەتىنەن مالىمەت تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

    ماجىلىستە مىنالار باسا دارىپتەلدى: جۇڭگونىڭ ءىسىن جاقسى ىستەۋدىڭ تەتىگى پارتيادا. جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليزم ءتۇزىمىنىڭ ەڭ باستى ابزالدىلىعى − جۇڭگو كوممۋنيستىك پارتياسىنىڭ باسشىلىعى. پارتيا باسشىلىعىنا تاباندى بولۋ ءۇشىن، ەڭ اۋەلى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ قاجەت. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ − پارتيانى جاپپاي قاتاڭ جونگە سالىپ، پارتيانىڭ ىشكى ساياسي تۇرمىسىن قاتايتىپ، پارتيا ىشىندەگى باقىلاۋدى كۇشەيتۋدىڭ ماڭىزدى ماقساتى ءارى تۇبەگەيلى ساياسي قاعيدا. پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەر» مەن «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىن» قاتاڭ اتقارىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، پارتيانىڭ تۋىن تۋ، پارتيانىڭ باعىتىن باعىت، پارتيانىڭ ەركىن ەرىك ەتۋگە تاباندى بولىپ، پارتيا ورتالىق كوميتەتىنىڭ ماڭىزدى شەشىم - ورنالاستىرۋلارىن ءتۇرلى قىزمەتتە تياناقتاندىرۋ كەرەك.

    ماجىلىستە بىلاي دەپ قارالدى: وتكەن ءبىر جىلدا، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى ورتالىق كوميتەتتىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيا ورتالىق كوميتەتىنىڭ بەدەلىن قورعاپ، پارتيانى جاپپاي قاتاڭ جونگە سالۋ جاۋاپكەرشىلىگىن تياناقتاندىرىپ، پارتيانىڭ ىشكى ساياسي تۇرمىسى جونىندەگى تۇزىمدەردى ارناعا سالىپ، ساياسي باسشىلىق جاۋاپكەرشىلىگىن كۇشەيتىپ، «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسىن تىڭعىلىقتى ورىستەتتى. وزەكتى ارقاۋ ەتۋگە، جالپى جاعدايعا قىزمەت ەتۋگە تاباندى بولىپ، زەيىن - زەردە مەن كۇش - جىگەردى پارتيا ورتالىق كوميتەتىنىڭ شەشىم - ورنالاستىرۋىن دايەكتىلەندىرۋگە، تياناقتاندىرۋعا اۋدارىپ، پارتيا مەن مەملەكەت ىستەرىنىڭ دامۋىن ىلگەرىلەتۋگە، «13 - بەسجىلدىقتىڭ» باستاماسىن ويداعىداي باستاۋعا بەلسەندى ۇلەس قوستى.

    ماجىلىستە بىلاي دەپ قارالدى: وتكەن ءبىر جىلدا، ورتالىق كوميتەتتىڭ شۋجيچۋى پارتيا ورتالىق كوميتەتىنىڭ شەشىم - ورنالاستىرۋىن مۇقيات دايەكتىلەندىرىپ، پارتيا ورتالىق كوميتەتىنە سەلبەسىپ پارتيانى جاپپاي قاتاڭ جونگە سالۋدى يگەرىپ، بۇقارالىق ۇيىمدار قىزمەتىنە، وتە - موتە، بۇقارالىق ۇيىمدار رەفورماسىنا نۇسقاۋشىلىق ەتىپ، پارتيا ىشىندەگى زاڭنامالىق حۇجاتتاردىڭ جاسالۋى مەن اتقارىلۋىن ىلگەرىلەتىپ، ءبىر قاتار ماڭىزدى ماجىلىستەر مەن ەلەۋلى ەسكە الۋ قيمىلدارىنىڭ ويداعىداي وتكىزىلۋىنە سايكەسىپ، ءتۇرلى قىزمەتتە جاڭا جەتىستىكتەرگە جەتتى.

    ماجىلىستە بىلاي دەپ باسا دارىپتەلدى: بيىل ءبىز پارتيانىڭ 19 - قۇرىلتايىن اشامىز، بيىل تاعى «13 - بەسجىلدىق» جوبانى اتقارۋداعى ماڭىزدى جىل، قامداۋ جاعىنداعى قۇرىلىمدىق رەفورمانى ىلگەرىلەتۋدى تەرەڭدەتىن جىل. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى پارتيا ورتالىق كوميتەتىنىڭ بەدەلىن باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن ايرىقشا ءبىر اۋىزدى بولىپ، پارتيا ورتالىق كوميتەتىنىڭ ماڭىزدى شەشىم - ورنالاستىرۋلارىنىڭ تامىر تارتىپ، جەمىس بەرۋىن ويداعىداي يگەرىپ، پارتيا ورتالىق كوميتەتىنىڭ جارلىقتارىن بۇلجىتپاي اتقارۋعا كەپىلدىك ەتۋ كەرەك. پارتيا ورتالىق كوميتەتى ورنالاستىرعان ءتۇرلى قىزمەتتى تىڭعىلىقتى يگەرىپ، جالپى جاعدايدى ارقاۋ ەتىپ، مىندەت - جاۋاپكەرشىلىكتى تولىق وتەپ، قىزمەتتەردىڭ ورنىقتىلىق بارىسىندا ىلگەرىلەتۋ دەگەن نەگىزگى اۋەنىنەن جازباي، ءتۇرلى حاۋىپ - قاتەردەن مەيلىنشە ساقتانىپ جانە ونى جەڭىپ، ەكونوميكانىڭ ورنىقتى، اقاۋسىز دامۋىن جانە قوعامنىڭ جاراسىمدىلىعى مەن ورنىقتىلىعىن جەبەۋى كەرەك. پارتيانى جاپپاي قاتاڭ جونگە سالۋ جاۋاپكەرشىلىگىن جاپپاي تياناقتاندىرىپ، پارتيانىڭ ىشكى ساياسي تۇرمىسىن قاتايتىپ، پارتيا ىشىندەگى باقىلاۋ مەن ءتۇرلى جاقتاعى باقىلاۋدى سانالى تۇردە قابىلداپ، پارتيا باسشىلىق گرۋپپالارىنىڭ ءوز قۇرىلىسىن كۇشەيتىپ، پارتيا قۇرىلىسىنىڭ دەڭگەيىن ۇزبەي جوعارىلاتۋ قاجەت.

    ماجىلىستە مىنالار باسا دارىپتەلدى: ورتالىق كوميتەتتىڭ شۋجيچۋى ساياسيدى دارىپتەۋگە باس بولىپ، دۇرىس ساياسي باعىتتان جازباي، جالپى جاعدايعا قىزمەت ەتىپ، وي - جوبا كورسەتىپ، تياناقتاندىرۋدى كورنەكتى تۇردە مىقتى يگەرىپ، ناقتى ماسەلەلەردى عىلمي نازاريا ارقىلى شەشۋ قابىلەتىن ۇزدىكسىز جوعارىلاتىپ، پارتيا ورتالىق كوميتەتى تاپسىرعان ءتۇرلى مىندەتتى ويداعىداي ورىنداۋى كەرەك.

جاۋاپتى رەداكتور:سايراش تۇرارجان قىزى