شي جينپيڭ شۆەتساريادا مەملەكەتتىك ساپاردا بولادى، دۇنيە جۇزىلىك ەكونوميكالىق تالقى مىنبەرىنىڭ 2017 - جىلعى جينالىسىنا قاتىناسادى، سونداي - اق شۆەتسارياداعى حالىقارالىق ۇيىمداردا ساپاردا بولادى

    شينحۋا اگەنتتىگىنىڭ 10 - قاڭتاردا بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى لۋ كاڭ 10 - قاڭتاردا بىلاي دەدى: شۆەتساريا فەدەراتسيالىق كوميتەتىنىڭ ءتوراعاسى لەۋتحاردتىڭ ۇسىنىسىنا ساي، مەملەكەت ءتوراعاسى شي جينپيڭ 15 - قاڭتاردان 18 - قاڭتارعا دەيىن شۆەتساريادا مەملەكەتتىك ساپاردا بولادى.

    ساپار كەزىندە، دۇنيە جۇزىلىك ەكونوميكالىق تالقى مىنبەرىن قۇرۋشى، اتقارۋشى ءتوراعاسى شىۋابتىڭ ۇسىنىسىنا ساي، مەملەكەت ءتوراعاسى شي جينپيڭ 17 - قاڭتاردا شۆەتساريانىڭ داۆوس قالاسىندا وتەتىن دۇنيە ءجۇزىلىك ەكونوميكالىق تالقى مىنبەرىنىڭ 2017 - جىلعى جينالىسىنا قاتىناسادى. ب م ۇ - نىڭ باس حاتشىسى گۋتەرەستىڭ، دۇنيە جۇزىلىك دەنساۋلىق ساقتاۋ ۇيىمىنىڭ باسالقاسى چىن فىڭفۋجىننىڭ، حالىقارالىق وليمپيادا كوميتەتىنىڭ ءتوراعاسى باحتىڭ ۇسىنىسىنا ساي، مەملەكەت ءتوراعاسى شي جينپيڭ 18 - قاڭتاردا ب م ۇ - نىڭ جەنەۆاداعى باس شتابىندا، دۇنيە جۇزىلىك دەنساۋلىق ساقتاۋ ۇيىمىندا، حالىقارالىق وليمپيادا كوميتەتىندە ساپاردا بولادى.

جاۋاپتى رەداكتور:سايراش تۇرارجان قىزى