جۇڭگونىڭ ەڭ باتىس تەرىستىگىندەگى بايىرعى قىستاق — شىبارشىلىك

ءادىل تۋعانباي ۇلى فوتوسى:

    جولىڭىزدىڭ ءساتى تۇسە قالسا، قابا اۋدانىنان جولعا شىعىپ تەرەكتى وزەنىنەن ءوتىپ، باتىسىنا بۇرىلاتىن جولمەن باتىستى بەتكە الىپ جۇرسەڭىز، اينالاڭىز جاسىل ءشوپ، بيىك-بيىك اسقار تاۋلار، قاتار-قاتار تىزىلگەن دوڭبەك ۇيلەردى كورەسىز. مىنە بۇل جۇڭگونىڭ ەڭ باتىس تەرىستىگىندەگى بايىرعى شاعىن قىستاق — شىبارشىلىك قىستاعى.

    شىبارشىلىك قىستاعىنىڭ اينالاسىن تاۋ قورشاعان بولىپ، سول تاۋلاردان الاقانداي بولىپ جاتقان شاعىن قىستاققا كوز جىبەرسەڭىز، بۇل قىستاقتىڭ تولىق كورىنىسىن تاماشالاۋعا بولادى. ونداعى شاعىن دوڭبەك ۇيلەر، ءۇيىر-ءۇيىر جىلقىلار، قورا-قورا قويلار، تابىن-تابىن سيىرلار، قىستاقتى ايلانا اعىپ جاتقان قابا وزەنى، وزەندى قورشاعان ورمان، كوك شالعىن ءشوپ، اشىق اسپان، اقشا بۇلت وسىلاردىڭ بارلىعى ەرەكشە ءبىر تۇسكە ەنىپ ،بۇل قىستاقتىڭ تابيعيلىعى مەن مادەنيەتىن ايگىلەپ تۇرعانداي.

    بۇل جەردىڭ سۋى مول، ءشوبى شۇيگىن، ەرتەمەن تۇرعان بىرنەشە وتباسىدان شىققان بۋداقتاعان ءتۇتىن، قورادان شىققان مالدار، كوشە بويىنداعى راشاتكالاردى بويلاپ ماڭ-ماڭ باسىپ ورىستى بەتكە العان بەينە بۇل شاعىن اۋىلداعى ءبىر كۇندىك تىرلىكتىڭ باستالعانى بولاتىن. وسىنىڭ ءبارى بارلىق جان كۇيىڭىزدىڭ ازابىن ۇمىتتىرىپ، جانىڭىزعا تىنىشتىق، كوڭىلىڭىزگە شاتتىق سيلايدى.

جاۋاپتى رەداكتور:سايراش تۇرارجان قىزى