رايونىمىزدا 5 تۇردەگى قوعامدىق ساقتاندىرۋعا قاتىناسقاندار 25 ميلليون 536 مىڭ 700 ادامعا (رەت) جەتتى

    اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، تامىزدىڭ سوڭىنا دەيىن تۇتاس رايونىمىزدا نەگىزگى زەينەتكەرلىك، ەمدەۋ، جۇمىس ۇستىندە جارالانۋ، جۇمىسسىزدىق، تۋىت سىندى 5 تۇردەگى قوعامدىق ساقتاندىرۋعا قاتىناسقاندار 25 ميلليون 536 مىڭ 700 ادامعا (رەت) جەتىپ، بىلتىرعىدان ءبىر ميلليون 243 مىڭ 300 ادام كوبەيىپ، %5.11 ارتقان.

    رايونىمىز بيىل قوعامدىق ساقتاندىرۋ بويىنشا حالىققا تيىمدىلىك جاساۋ ينجەنەرياسىن ىشكەرىلەي ىلگەرىلەتتى. توسىن جارالانۋدى ساقتاندىرۋ ءتۇزىمى جاپپاي تياناقتانىپ، رايونىمىزداعى اۋدان دارەجەلىدەن جوعارى قوعامدىق ساقتاندىرۋ جۇمىسىن بىتىرەتىن قۇرىلىمداردا تۇگەلدەي ساقتاندىرۋ جۇمىسىن ءبىتىرۋ تەرەزەسى ورناتىلىپ، ساقتاندىرۋعا قاتىناساتىن بۇقاراعا قولايلىلىق جاسالدى. 8 - قىركۇيەككە دەيىن رايونىمىزدا توسىن جارالانعانداردى ساقتاندىرۋ بويىنشا 64 مىڭ 900 ادامعا (رەت) تولەم بەرىلىپ، تولەم سوماسى 298 ميلليون يۋانعا جەتتى.

    سالماقتى اۋرۋلاردى ساقتاندىرۋ جاپپاي ورىستەتىلىپ، قالا - قالاشىقتارداعى جۇمىسشى - قىزمەتشىلەردى، قالا مەن اۋىل تۇرعىندارىن تۇگەل قامتىپ، رايونىمىزداعى ساقتاندىرۋعا قاتىناسۋشىلارعا نەگىزگى ەمدەۋ ساقتاندىرۋى مەن سالماقتى اۋرۋلاردى ساقتاندىرۋى جاسالىپ، ساقتاندىرۋعا قاتىناسۋشىلاردىڭ ەمدەلۋ اۋىرتپالىعىن ءونىمدى جەڭىلدەتىپ، ناۋقاس سەبەبىنەن كەدەيلەسۋ، ناۋقاس ەمدەتۋ سەبەبىنەن قايتا كەدەيلەسۋ ماسەلەسىن شەشتى. قازىرگە دەيىن رايونىمىزداعى قالا مەن اۋىل تۇرعىندارىنان سالماقتى اۋرۋلاردى ساقتاندىرۋعا قاتىناسقاندار 3 ميلليون 929 مىڭ ادامعا جەتىپ، 3784 ادامعا (رەت) تولەم بەرىلگەن، تولەم سوماسى 36 ميلليون يۋان بولعان؛ قالا - قالاشىق جۇمىسشى - قىزمەتكەرلەرىنەن سالماقتى اۋرۋلاردى ساقتاندىرۋعا قاتىناسقاندار 3 ميلليون 924 مىڭ ادامعا جەتىپ، 1865 ادامعا (رەت) تولەم بەرىلگەن، تولەم سوماسى 29 ميلليون 180 مىڭ يۋان بولىپ، سالماقتى اۋرۋلارعا شالدىققان ناۋقاستاردىڭ ەمدەلۋ اۋىرتپالىعىن ءونىمدى جەڭىلدەتكەن.

    رايونىمىز سالماقتى اۋرۋلاردى ساقتاندىرۋدىڭ قيىنشىلىعى بار قاۋىمعا ساياساتتىق جاقتان بەيىمدەلۋ سەرپىنىن دە ارتتىرىپ، ارحيۆ تۇرعىزىلىپ، كارتچكالاندىرىلعان كەدەيلەردى، بەستە قامتاماسىزداندىرىلاتىن وبيەكتىلەردى جانە ەڭ تومەنگى تۇرمىسى قامتاماسىزداندىرىلاتىن وبيەكتىلەردى قامتىعان قيىنشىلىعى بار بۇقارانىڭ سالماقتى اۋرۋلاردى ساقتاندىرۋ بويىنشا تولەم بەرۋدىڭ باستاپقى ولشەمىن تومەندەتىپ، دالمە - ءدال تولەم بەرۋ ساياساتىن اتقارىپ، كەدەيلەردىڭ يگىلىككە كەنەلۋ دەڭگەيىن شىن مانىندە ءوسىردى.

    قالا مەن اۋىل تۇرعىندارىنىڭ نەگىزگى ەمدەۋ ساقتاندىرۋ ءتۇزىمىن بىرىكتىرۋ تىڭعىلىقتى ىلگەرىلەپ، ءۇرىمجى قالاسى، قارامايلى قالاسى، قۇمىل قالاسى، قىزىلسۋ قىرعىز اۆتونوميالى وبلىسى، بۇراتالا موڭعۇل اۆتونوميالى وبلىسى قالا مەن اۋىل تۇرعىندارىنىڭ بىرىكتىرىلگەن، ءبىر تۇتاس اتقارىلاتىن نەگىزگى ەمدەۋ ساقتاندىرۋ ءتۇزىمىن اتقارىپ، ساقتاندىرۋعا قاتىناسۋ اۋماعىنىڭ، قارجى توپتاۋ ساياساتىنىڭ، قامتاماسىزداندىرۋ يگىلىگىنىڭ، ەمدەۋ ساقتاندىرۋ مازمۇنىنىڭ، كەلىسىم باسقارۋدىڭ، قوردى باسقارۋدىڭ بىرلىگىن جۇزەگە اسىردى. مۇنان باسقا 9 ايماق، وبلىس، قالا ەگىن، مال شارۋاشىلىق رايوندارىنداعى جاڭاشا سەلبەسىپ ەمدەلۋ ءتۇزىمىن اتقارىپ، قالا - قالاشىق تۇرعىندارىنىڭ نەگىزگى ەمدەۋ ساقتاندىرۋىندا بىرگە جۇمىس جۇرگىزىپ، قوس ارنا ارقىلى ورنىقتى اينالىمعا سالدى.

    رايونىمىز بيىل جۇمىسسىزدىقتى ساقتاندىرۋ اقىسى سالىستىرماسىن تاعى دا تومەندەتىپ، جۇمىسسىزدىقتى ساقتاندىرۋ ۋاقىتشا باعا قوسىمشا قاراجاتى مەن زات باعاسى قىمباتتاۋىنىڭ ىقپالداستىق مەحانيزمىن كەمەلدەندىرىپ، زات باعاسى قىمباتتاۋىنىڭ كىرىسى تومەن قاۋىمنىڭ تۇرمىسىنا تيگىزەتىن ىقپالىن ءونىمدى باسەڭدەتتى. ساناققا قاراعاندا، تامىزدىڭ سوڭىنا دەيىن رايونىمىزدا جۇمىسسىزدىقتى ساقتاندىرۋعا قاتىناسقاندار 2 ميلليون 383 مىڭ 600 ادامعا جەتىپ، جۇمىسسىز قالعان 58 مىڭ 600 ادامعا جۇمىسسىزدىقتى ساقتاندىرۋ قاراجاتى تاراتىلىپ، شارتقا تولاتىن جۇمىسسىزداردىڭ ءتۇرلى مامىلەدەن دەر كەزىندە تولىعىمەن يگىلىكتەنۋىنە كەپىلدىك ەتكەن.

جاۋاپتى رەداكتور:سايراش تۇرارجان قىزى