2017 – جىلعى «ءبىر بەلدەۋ، ءبىر جول» اقپارات قۇرالدارىنىڭ سەلبەستىك فورۋمى دۇنحۋاڭدا وتكىزىلدى

    «تاعدىرلاس ورتاق تۇلعا، سەلبەستىكتىڭ جاڭا جاعدايى» نەگىزگى تاقىرىبىنداعى 2017 – جىلعى «ءبىر بەلدەۋ، ءبىر جول» اقپارات قۇرالدارىنىڭ سەلبەستىك فورۋمى بۇگىن گانسۋدىڭ دۇنحۋاڭىندا ءوتتى. وسى رەتكى فورۋمدى حالىق گازەتى مەكەمەسى مەن گانسۋ ولكەلىك پارتكوم، ولكەلىك ۇكىمەت بىرلەسىپ وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى جاڭ پيڭ، حالىق گازەتى مەكەمەسىنىڭ مەكەمە باستىعى ياڭ جىن - ۋ، گانسۋ ولكەلىك پارتكومنىڭ شۋجيى لين دو قاتارلىلار اشىلۋ سالتىنا قاتىناستى ءارى ارناۋ ءسوز سويلەدى. تالقى مىنبەسىنە 126 مەملەكەت پەن حالىقارالىق ۇيىمداردان كەلگەن 265 اقپارات قۇرالىنىڭ ۋاكىلدەرى قاتىناستى.

    جاڭ پيڭ ارناۋ سوزىندە مىنانى اتاپ كورسەتتى: باس شۋجي شي جينپيڭ ورتاعا قويعان «ءبىر بەلدەۋ، ءبىر جول» ماڭىزدى دارىپتەمەسى دامۋدىڭ اۋقىمدىق جاعدايىن مەڭگەردى، ءداۋىردىڭ اعىمىنا سايكەسىپ، قازىرگى ناقتى جاعدايدى تياناق ەتتى، جۇڭگونىڭ ەسىكتى جاپپاي اشىق ۇستاۋ ايبىندى جوباسىن جاساپ قانا قويماي، ءوڭىردىڭ ورتاق گۇلدەنۋى مەن دۇنيە ءجۇزىنىڭ دامۋىنا ىلۋدە ءبىر كەزىگەتىن وراي جاراتىپ، حالىقارالىق قوعامنىڭ ايرىقشا قۇپتاۋىنا يە بولدى، بۇعان كوپتەگەن مەملەكەت بەلسەندىلىكپەن قاتىناستى. «ءبىر بەلدەۋ، ءبىر جول» اقپارات قۇرالدارىنىڭ سەلبەستىك فورۋمى ءار ەلدەگى اقپارات قۇرالدارىنا جانە اكىمشىلىك، ساۋدا، عىلىم سالالارىنداعى دوستارعا ءوزارا اۋىس – كۇيىس جاساۋ، پىكىرلەسىپ، ءبىر – بىرىنەن ونەگە الۋ، سەلبەستىكتى كۇشەيتۋ جاعىندا ۇلكەن تەكشە ازىرلەپ بەردى. ءار ەلدىڭ اقپارات قۇرالدارىنداعى دوستاردىڭ وسى تەكشەگە نازار اۋدارىپ، ودان ويداعىداي پايدالانىپ، جىبەك جولى رۋحىنىڭ دارىپتەۋشىلەرى، تۇقىم سەبۋشىلەرى جانە جەبەۋشىلەرى بولىپ، «ءبىر بەلدەۋ، ءبىر جول» حيكايالارىن بىرگە شەرتىپ، «ءبىر بەلدەۋ، ءبىر جولدىڭ» ءۇنىن تاراتىپ، «ءبىر بەلدەۋ، ءبىر جول» قۇرىلىسىنىڭ جاڭا داستانىن جازا بەرۋلەرىن ءۇمىت ەتەمىن.

جاۋاپتى رەداكتور:سايراش تۇرارجان قىزى