ءار ۇلت كورشىلەرى اراسىنداعى تەرەڭ سۇيىسپەنشىلىك

6-قىركۇيەكتە، ءۇرىمجى قالاسى فىڭبەي الەۋمەتتىك اۋماعىندا ءار ۇلت تۇرعىندارى وزدەرى ۇيىمداستىرعان «سەميالىق قوناعاسىدا» وزدەرى الا كەلگەن ءدامدى تاماعامداردان ءوزارا ءدام تاتىپ، كورشىلەر ارا شىنايى سۇيىسپەنشىلىكتى سەزىندى (سۋرەتپەن قامداعان فىڭبەي الەۋمەتتىك اۋماعى)

    12-قىركۇيەك تۇستەن كەيىن، ابىلاحات ياقۇپ «سەميالىق قوناعاسى» سۋرەتىن الدى. بۇل سۋرەت كورشىلەردىڭ، الەۋمەتتىك اۋماق قىزمەتكەرلەرىنىڭ، سونداي-اق جۇپ قۇراعان تۋىستاردىڭ قۋانىشىنا كۋا بولدى.

    1992-جىلى ابىلاحات شينجياڭنان حىنان جىڭجوۋعا بارىپ كاۋاپ ساتتى، حىنان اكسەنتىن بىلەتىن ول فىڭبەي الەۋمەتتىك اۋماعىنداعى حىناندىق تۇرعىندارىمەن ەركىن اڭگىمەلەسە الادى.

    2014-جىلى فىڭبەي الەۋمەتتىك اۋماعىنا كەلگەننەن كەيىن، ابىلاحات «الىستاعى تۋىستان جاقىنداعى كورشى ارتىق» دەگەن ءسوزدىڭ ءمانىسىن تەرەڭ سەزىندى. «دۇكەنگە قارايتىن، بالالارعا قارايتىن ادام جوق بولعاندا، ۇيدە جۇمىس قاربالاس بولىپ جەتىسپەگەندە كورشىلەر كومەكتەسىپ تۇرادى»،-دەدى.

    ابىلاحات تاماق تولى ۇستەل باسىناعى كورشىلەرگە قاراپ، رۋمكاسىن قولىنا الىپ، الەۋمەتتىك اۋماق كادرلارىنىڭ، كورشىلەرىنىڭ، دوستارىنىڭ كومەك قولدارىن سوزىپ كەلە جاتقانىنا العىس ايتىپ بىلاي دەدى: «ءار ۇلت ءبىر ءۇيلى جانداي، بۇكىل قىستاقتاعى ءار وتباسى تۋىسقاندايمىز، جۇمىس بولسا كوپ بولىپ كومەكتەسىپ، ءبىر-بىرىمىزگە قارايلاسىپ تۇرامىز».

    بۇرىنعى فىڭتيان قىستاعىنان قازىرگى فىڭبەي الەۋمەتتىك اۋماعىنا دەيىن، ۇلتتار ىنتىماعى ءبىر ءتۇرلى ادەت بولىپ قالىپتاسقان. ابىلاحات ايتقانداي فىڭبەي الەۋمەتتىك اۋماعىنىڭ ۇلتتار ىنتىماعى داستانى ۇزدىكسىز جازىلىپ كەلەدى.

جاۋاپتى رەداكتور:سايراش تۇرارجان قىزى