گۇما اۋدانىنداعى 25 قىستاق تۇرعىنى ۇرىمجىدەگى تۋىسىنا امانداسا كەلدى

    «بۇل مەنىڭ ءبىرىنشى رەت اۋىلدان ۇزاپ شىعۋىم جانە ءبىرىنشى رەت ۇرىمجىگە كەلۋىم، پارتيا مەن ۇكىمەتتىڭ بىزگە كوز ايامىزدى كەڭەيتەتىن وراي جاراتىپ بەرگەنىنە العىس ايتامىن»،-دەدى 12-قىركۇيەكتە حوتان ايماعى گۇما اۋدانى چودا اۋىلى اياققى چودا قىستاعىنىڭ تۇرعىنى احىمەت ءماتۋالي تەبىرەنگەن كوڭىلمەن.

    سول كۇنى، چودا اۋىلىنان كەلگەن احىمەت قاتارلى 25 قىستاق تۇرعىنى ۇرىمجىدەگى تۋىسىنا امانداسا كەلدى، ولادىڭ ىشىندەگى جاسى ەڭ ۇلكەنى 77 جاستا، ەڭ كىشكەنەسى 24 جاستا، كوپ ساندىسىنىڭ ءبىرىنشى رەت اۋىلىنان ۇزاپ شىعىپ، ۇرىمجىگە كەلۋى.

    12-قىركۇيەك كۇنى، ءتىلشى 25 قىستاق تۇرعىندارىنا ىلەسىپ ىلگەرىندى-كەيىندى ءۇرىمجى اۋدانى بانفاڭگوۋ اۋىلى اۋىل شارۋاشىلىق عىلىم-تەحنيكا ۇلگى باقشاسى، ءۇرىمجى اۋدانى شۇيشيگوۋ قالاشىعى دامياۋ قىستاعى، ءۇرىمجى قالاسى ەكونوميكالىق-تەحنيكالىق اشۋ رايونى شياۋلۇيگوۋ باقشاسى، اۆتونوميالى رايوندىق مۇراجاي قاتارلى ورىنداردى ەكسكۋرسسيالادى.

    ەكسكۋرسسيا اياقتالعاننان كەيىن، قىستاق تۇرعىندارى اڭگىمە جينالىسىندا اسەرلەرىن باياندادى.

    قىستاق تۇرعىنى بۇھەجەر سۇلايمان: «پارتيامىز ءبىز سياقتى قىستاق تۇرعىندارىنىڭ ساياحاتتاۋ ارمانىن ىسكە اسىرىپ بەردى، وتانىمىزدىڭ، شينجياڭنىڭ گۇلدەنىپ دامىعانىن، قازىرگى باقىتتى تۇرمىسىمىزدىڭ قولعا كەلۋىنىڭ وڭاي بولماعانىن تەرەڭىنەن سەزىندىم. ءبىز ۇلتتار ىنتىماعىن كوز قاراشىعىمىزداي قورعاپ، ءوزىمىزدىڭ ناقتى ارەكەتىمىز بەن قۇلشىنىسىمىز ارقىلى شينجياڭ قوعامىنىڭ ورنىقتىلىعى مەن باياندى تىنىشتىعىن قورعايمىز»،-دەدى.  

    اڭگىمە جينالىسى اياقتالعان سوڭ، اۆتونوميالي رايوندىق پارتكوم ۇگىت ءبولىمى كادرلارى تۋىستارىمەن ءبىر اراعا باس قوسىپ، كادر-جۇمىسشىلار وزدەرى دايىنداعان ويىن نومىرلەرىن بىرلىكتە تاماشالادى. جۇپ قۇراعان تۋىستار ساحناعا شىعىپ، قاراپايىم ءان-بيلەرى ارقىلى وزدەرىنىڭ پارتيا مەن وتانعا دەگەن ىستىق ىقىلاستارىن ءبىلدىرىپ، جاقسى تۇرمىسقا دەگەن ماداقتاۋلارى مەن تىلەكتەرىن جەتكىزدى.

جاۋاپتى رەداكتور:سايراش تۇرارجان قىزى