چىن چۋانگو بۇكىل رايوننىڭ وقۋ - اعارتۋ جۇيەسىندەگى وزات كوللەكتيۆتەرمەن جانە وزاتتارمەن كەزدەستى

پارتيانىڭ وقۋ - اعارتۋ باعىتىن جاپپاي دايەكتىلەندىرىپ، تياناقتاندىرىپ، باس نىسانانى جۇزەگە اسىرۋ ءۇشىن تىنباي تىڭ ۇلەس قوسايىق

33 - رەتكى وقىتۋشىلار مەرەكەسى قارساڭىندا، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ۇرىمجىدە بۇكىل رايوننىڭ وقۋ - اعارتۋ جۇيەسىندەگى وزات كوللەكتيۆتەر مەن وزاتتاردى قابىلداپ، اۆتونوميالى رايوندىق پارتكوم، ۇكىمەت جانە بۇكىل رايونداعى ءار ۇلت حالقى اتىنان بۇكىل رايونداعى بارشا وقىتۋشىلار مەن وقۋ - اعارتۋ قىزمەتكەرلەرىنىڭ مەرەكەلەرىنە قۇتتى بولسىن ايتىپ، شىنايى سالەم جولدادى

    33 - رەتكى وقىتۋشىلار مەرەكەسى قارساڭىندا، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ۇرىمجىدە بۇكىل رايوننىڭ وقۋ - اعارتۋ جۇيەسىندەگى وزات كوللەكتيۆتەرمەن جانە وزاتتارمەن كەزدەسىپ، اۆتونوميالى رايوندىق پارتكوم، ۇكىمەت جانە بۇكىل رايونداعى ءار ۇلت حالقى اتىنان بۇكىل رايونداعى بارشا وقىتۋشىلار مەن وقۋ - اعارتۋ قىزمەتكەرلەرىنىڭ مەرەكەلەرىنە قۇتتى بولسىن ايتىپ، شىنايى سالەم جولدادى.

    چىن چۋانگو باستاعان اۆتونوميالى رايوننىڭ باسشىلارى كەزدەسۋ زالىنا كىرىپ، ۋاكىلدەرمەن ءبىر - بىرلەپ قول الىسىپ، ىقىلاسپەن ولاردىڭ قىزمەت، تۇرمىس جاعدايلارىن سۇراپ، مەرەكەلىك ىزگى تىلەك ءبىلدىردى.

    وقىتۋشىلاردىڭ ۋاكىلدەرى وزدەرىنىڭ وقىتۋ پراكتيكالارىمەن جانە كورگەن - بىلگەندەرىمەن بىرلەستىرىپ، «قوس ءتىل» وقۋ - اعارتۋىن ىلگەرىلەتۋ، جوعارى مەكتەپتەردىڭ يدەيا - ساياسي قىزمەتىن كۇشەيتۋ، ءار ۇلت وقۋشىلارىنىڭ ارالاسۋىن، ىشتەسۋىن، توعىسۋىن جەبەۋ، اۋىلعا قايتقان ستۋدەنتتەردى قوعامدىق پراكتيكاعا ۇيىمداستىرۋ سياقتى ماسەلەلەردى تىعىز ارقاۋ ەتە وتىرىپ، پىكىر - ۇسىنىستارىن بۇكپەسىز ورتاعا سالدى. چىن چۋانگو كوپشىلىكپەن پىكىر اۋىستى، زال ءىشى جارقىن، دۋماندى بەينەگە بولەندى.

    چىن چۋانگو بىلاي دەدى: وقىتۋشىلىق − ەڭ ارداقتى كاسىپ، اركىم ءوزىنىڭ ۇستازىن ۇمىتپايدى. ۇزاق ۋاقىتتان بەرى، اۆتونوميالى رايونىمىزداعى بارشا وقىتۋشىلار باتىس سولتۇستىكتەگى شەكارا وڭىرگە تامىر تارتىپ، ساباق مىنبەرىنە ءوزىن ارناپ، سۇيىسپەنشىلىكپەن، بىلىممەن، پاراساتپەن وقۋشىلاردىڭ جان دۇنيەسىنە شۇعىلا شاشىپ، جۇڭگوشا سوتسياليستىك شينجياڭ قۇرۋ ءۇشىن توپ - توپ ۇزدىك دارىندىلار باۋلىپ، بۇكىل رايوننىڭ ورنىقتىلىعى مەن دامۋىنا ماڭىزدى ۇلەس قوستى. پارتيا مەن ۇكىمەت سىزدەرگە العىس ايتادى، بۇكىل رايونداعى 23 ميلليوننان استام ءار ۇلت حالقى سىزدەرگە العىس ايتادى.

    چىن چۋانگو مىنالاردى اتاپ كورسەتتى: وقىتۋشى − ادام جانىنىڭ ينجەنەرى، جۇڭحۋا ۇلتىنىڭ «ارمان قۇراماسىن» قۇرۋشى، بۇكىل رايونداعى بارشا وقىتۋشىلاردىڭ باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، تياناقتاندىرىپ، سوتسياليستىك مەكتەپ باسقارۋ باعىتىنان جازباي، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، سوتسياليستىك شينجياڭ قۇرۋدىڭ تولىمدى قۇرىلىسشىلارى مەن سەنىمدى ءىزباسارلارىن باۋلۋىن ءۇمىت ەتەمىن. ءبىرىنشى، مۇرات - سەنىمىندە تاباندى بولىپ، سانالىلىقپەن جۇڭگوشا سوتسياليزمگە تاباندى سەنۋشىلەردەن جانە ونى ادال جۇزەگە اسىرۋشىلاردان بولىپ، جۇڭگوشا سوتسياليستىك ورتاق مۇرات پەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ بەلسەندى تاراتۋشىلارىنان بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاشاندا يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاپ، پارتيا مەن حالىقتىڭ وقۋ - اعارتۋ ىستەرىنە ادال بولۋ كەرەك. ەكىنشى، بولشەكتەۋشىلىككە قارسى كۇرەستە اتويشى بولىپ، «ءۇش ءتۇرلى كۇشپەن» باتىلدىقپەن ات كەكىلىن كەسىسىپ، وتاننىڭ تۇتاستىعىن بولشەكتەيتىن بارلىق ءسوز - ارەكەتپەن تۋى ايقىن تۇردە كۇرەس جۇرگىزىپ، وقۋشىلاردى «5 ورتاق تانىمدى» ۇزدىكسىز كۇشەيتۋگە تاربيەلەپ جانە جەتەكتەپ، وقۋشىلاردى وتاندى قىزۋ سۇيۋگە، حالىقتى قىزۋ سۇيۋگە، جۇڭگو كوممۋنيستىك پارتياسىن قىزۋ سۇيۋگە بەلسەنە جەتەكتەۋ كەرەك. ءۇشىنشى، ۇلتتار ىنتىماعىندا ونەگە كورسەتىپ، ءار ۇلت وقۋشىلارىن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋعا تاربيەلەپ جانە جەتەكتەپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعىنىڭ دوستىق قيمىلىن ۇزدىكسىز، ويداعىداي ورىستەتىپ، ءار ۇلت وقۋشىلارىنىڭ بىرگە ۇيرەنۋىنە، بىرگە تۇرمىس كەشىرۋىنە، بىرگە قيمىل جاساۋىنا، بىرگە ەرجەتۋىنە، اناردىڭ دانىندەي تىعىز ۇيىسۋىنا مۇمكىندىك جاساۋ كەرەك. ءتورتىنشى، ساپا - قابىلەتتى ونان ارى كۇشەيتىپ، تىنباي ۇيرەنىپ، قۇلشىنا ىزدەنىس جاساپ، ءبىلىم نەگىزىن بەكەمدەپ، وقىتۋ قابىلەتىن جوعارىلاتىپ، قاشاندا قۇلشىنا قىزمەت ەتىپ، وقىتۋ ادىستەرىنە جاڭالىق ەنگىزىپ، وقىتۋشىلىق ءمورالى اسقاق، كاسىپكە ىسىلعان، قۇرىلىمى لايىقتى، ومىرشەڭدىككە تولى، جوعارى ساپالى، ماماندانعان   وقىتۋشىلار قوسىنىن باۋلۋعا، دايىنداۋعا قۇلشىنۋ كەرەك. بەسىنشى، ءمورالدى مىنەز - قۇلىقپەن ۇلگى كورسەتىپ، ءبىلىم بەرىپ، ادام تاربيەلەۋگە، ءمورالدى ادام تاربيەلەۋگە قاشاندا تاباندى بولىپ، تەرەڭ ءبىلىم، تاماشا مورالمەن ادام تاربيەلەپ، ءوز وبرازىمەن ەلگە ۇلگى بولىپ، سوتسياليستىك ءمورال مەن جۇڭحۋا ۇلتىنىڭ ءداستۇرلى تاماشا ءمورالىن باستاماشىلدىقپەن اسقاقتاتىپ، «ۇشكە كىرۋ، ەكىمەن بايلانىس ورناتۋ، بىرمەن دوستاسۋ» قيمىلىن ىشكەرىلەي ورىستەتىپ، وقۋشىلارعا شىن جۇرەكپەن قامقورلىق جاساپ، وقۋشىلاردى شىنايى قۇرمەتتەپ، شىنايى ءتۇسىنىپ، ءار ۇلت وقۋشىلارىنىڭ ءومىر باعىتتارىن دۇرىس مەڭگەرۋىنە، ءومىردىڭ ءبىرىنشى تۇيمەسىن دۇرىس تۇيمەلەۋىنە كومەكتەسۋ كەرەك.

    چىن چۋانگو مىنالاردى باسا دارىپتەدى: بۇكىل رايونداعى ءار دارەجەلى پارتكوم مەن ۇكىمەت وقۋ - اعارتۋدى قاشاندا الدىمەن دامىتىلاتىن ماڭىزدى ورىنعا قويىپ، پارتيانىڭ وقۋ - اعارتۋ قىزمەتىنە باسشىلىعىن شىنايى كۇشەيتىپ، ءبىلىم بەرۋ باعىتىن پارتيا باسقارۋعا تاباندى بولۋى كەرەك. وقىتۋشىلار قوسىنى قۇرىلىسىن كۇشەيتۋدى نەگىزدىك قىزمەت رەتىندە مىقتى ۇستاپ، وقىتۋشىلارعا ىستىق ىقىلاسپەن قامقورلىق جاساپ، وقىتۋشىلاردىڭ مامىلەسىن جاقسارتىپ، وقىتۋشىلاردىڭ دەنساۋلىعىنا كوڭىل ءبولىپ، وقىتۋشىلاردىڭ ۇقىق - مۇددەسىن قورعاپ، وقىتۋشىلار ءۇشىن شىن پەيىلمەن ناقتى ءىس ىستەپ، ولاردىڭ قيىنشىلىعىن شەشىپ، بۇكىل قوعامدا وقىتۋشىلاردى قۇرمەتتەيتىن، ۇيرەنۋدى ارداقتايتىن تاماشا بەينە قالىپتاستىرۋعا قۇلشىنۋ كەرەك.

    اۆتونوميالى رايوندىق پارتكومنىڭ تۇراقتى مۇشەسى، باس حاتشى لي شۋەجۇن، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز قابىلداۋدا بىرگە بولدى.

جاۋاپتى رەداكتور:سايراش تۇرارجان قىزى