چىن چۋانگو ازيا وركەندەتۋ بانكەسىنىڭ باستىعى تاكەحيكو ناكاۋمەن كەزدەستى

    5 - قىركۇيەك كۇنى تۇستەن كەيىن، اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە ازيا وركەندەتۋ بانكەسىنىڭ باستىعى تاكەحيكو ناكاۋمەن جانە ونىڭ ساپارلاستارىمەن كەزدەستى.

    چىن چۋانگو اۆتونوميالى رايوندىق پارتكوم، ۇكىمەت اتىنان تاكەحيكو ناكاۋدىڭ شينجياڭعا تەكسەرۋ - زەرتتەۋگە ءارى ورتا ازيا ءوڭىرى ەكونوميكالىق سەلبەستىك ينستيتۋتىنىڭ اشىلۋ راسىمىنە قاتىناسۋعا كەلگەندىگىن قارسى الاتىندىعىن ءبىلدىرىپ، ازيا وركەندەتۋ بانكەسىنىڭ ۇزاق ۋاقىتتان بەرى شينجياڭ ىستەرىنىڭ دامۋىن قولداپ كەلگەندىگىنە شىن جۇرەكتەن العىس ايتتى ءارى شينجياڭنىڭ ەكونوميكالىق، قوعامدىق دامۋ جاعدايىن قىسقاشا تانىستىردى. چىن چۋانگو بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭنىڭ قوعامدىق جالپى جاعدايى جاراسىمدى، ورنىقتى بولىپ، ەكونوميكاسى ۇزدىكسىز اقاۋسىز دامىدى، ءار ۇلت بۇقاراسىنىڭ تۇرمىسى ۇزبەي جاقسارىپ، ۇلتتار ىنتىماعى بەكەمدەلىپ، كۇشەيدى، ەكولوگيالىق ورتاسى جاقسارا ءتۇستى. اسىرەسە، «ءبىر بەلدەۋ، ءبىر جول» قۇرىلىسىنىڭ ىشكەرىلەي ىلگەرىلەۋىنە ساي، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى بولۋداي باسىمدىعى كورنەكتىلەنىپ، كومەسكى كۇشى زورايىپ، بۇرىن - سوڭدى بولىپ كورمەگەن دامۋ ورايىنا ءدوپ كەلدى، جارقىن دامۋ بولاشاعىنا يە. ازيا وركەندەتۋ بانكەسىنىڭ شينجياڭنىڭ نەگىزدىك قۇرىلعىلار قۇرىلىسى، قورشاعان ورتانى قورعاۋ، كاسىپ سالالارىن دامىتۋ، حالىق تۇرمىسى نىسانى جاقتارىنداعى قولداۋ سەرپىنىن اناعۇرلىم ارتتىرىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىنا دەم بەرىپ، ءوزارا پايدا جەتكىزىپ، تەڭ يگىلىككە كەنەلۋدى ءۇمىت ەتەمىن.

    تاكەحيكو ناكاۋ شينجياڭنىڭ ەكونوميكالىق، قوعامدىق دامۋدا قول جەتكىزگەن تابىستارىن جوعارى باعالادى. ول بىلاي دەدى: شينجياڭ − جۇڭگو ۇكىمەتى تۇراقتاندىرعان جىبەك جولى ەكونوميكالىق بەلدەۋىنىڭ وزەكتى رايونى، بولاشاقتاعى دامۋ كومەسكى كۇشى وراسان زور. ازيا وركەندەتۋ بانكەسى ءوڭىر ىشىندەگى ماڭىزدى كوپ جاقتى وركەندەتۋ قۇرىلىمى رەتىندە «ءبىر بەلدەۋ، ءبىر جول» قۇرىلىسىن بەلسەنە قولداپ، جۇڭگونىڭ شينجياڭىنىڭ ورتا ازيا وڭىرىندەگى ەكونوميكالىق سەلبەستىگىندەگى دانەكەرلىك رولىن تولىق ساۋلەلەندىرىپ، وڭىرلىك ەكونوميكالىق سەلبەستىك جانە شينجياڭنىڭ نەگىزدىك قۇرىلعىلار قۇرىلىسى، قورشاعان ورتانى قورعاۋ نىسانى سياقتى جاقتاردان ۇزبەي پارمەندى فينانستىق قولداۋ كورسەتەدى.

    اۆتونوميالى رايوننىڭ باسشىلارىنان لي شۋەجۇن، ءمۇتالىپ قاسىم، ۋان حايچۋان، ازيا وركەندەتۋ بانكەسىنىڭ قاتىستى تاراۋلارىنىڭ جاۋاپتىلارى كەزدەسۋدە بىرگە بولدى. 

جاۋاپتى رەداكتور: الىمبەك نۇرالين