قاشقار، حوتان ەكى جەردىڭ قالا، اۋىلدارىنداعى 38 مىڭنان ارتىق ەڭبەككۇش ويىسىپ، باسقا سالاعا كاسىپتەندىرىلدى

[جۇڭگو كوممۋنيستىك پارتياسىنىڭ مەملەكەتتىك 19-قۇرىلتايىن قىزۋ قارسى الۋ]

شينجياڭدا ۇكىمەت قوزعاۋشىلىق ەتۋدى نەگىز ەتكەن، ارتىق ەڭبەككۇشتەردى ۇيىستىرىپ، باسقا سالاعا كاسىپتەندىرۋ جاڭا مەحانيزىمى العاشقى قادامدا قالىپتاستى

    5-قىركۇيەك، قاشقار ايماعىنىڭ ديقاندارى بيڭتۋان 2-ديۆيزيا 21-تۋانى 5-ليانىندا قىزىل بۇرىش جيناۋدا

    14-تامىز، قاشقار ايماعى 600 اۋىل-قىستاقتاعى ارتىق ەڭبەككۇشتەر بيڭتۋان 2-ديۆيزياسىنداعى ءارقايسى تۋاندارداعى كۇزگى جيىن-تەرىننىڭ 2 ايلىق جۇمىسىنا قاتىناستى. بۇندا، ادام باسىندىق كىرىس 6000 يۋانعا ارتادى دەپ جوسپارلانعان.

    7-قىركۇيەك، ءتىلشى اۆتونوميالى رايوندىق ادام كۇشى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، تامىز ايىنىڭ سوڭىندا، شينجياڭ قاشقار، حوتان سىندى ەكى جەردەن ويىستىرىپ اكەلىنگەن قالا-اۋىلداعى ارتىق ەڭبەككۇشتەردىڭ سانى 38163 ادام بولىپ، ماقساتتى مىندەتتى ورىنداۋ سالىستىرماسى %95.4 كە جەتكەن.

    بيىل، شينجياڭدا جوسپارلى ۇيىمداستىرىلىپ جوتكەلگەن قاشقار، حوتان ەكى جەردەگى ارتىق ەڭبەككۇشتەردىڭ سانى 40 مىڭعا جەتتى. مۇنىڭ ىشىندە، قاشقار ايماعى ياركەن اۋدانىنان 5000 ادام سولتۇستىك شينجياڭ، شىعىس شينجياڭداعى قالا ورتا تازالىعى جۇمىس ورىنىنا كاسىپتەندى؛ قاشقار، حوتان ەكى جەردەن 10 مىڭ ادام مەملەكەت مەنشىگىندەگى كاسىپورىنداردا (ورتالىقتىڭ شينجياڭدا تۇراتىن كاسىپورىندارى قامتىلادى) كاسىپتەندى؛ «التى ءبىر توپ» ارناسى ارقىلى، قاشقار، حوتان سىندى ەكى جەردەن 25 مىڭ ادام سولتۇستىك شينجياڭ، شىعىس شينجياڭداعى ءار قايسى وبلىس قالا، بايىنعولين وبلىسى، بيڭتۋان سىندى جەرلەر دە، سونىمەن بىرگە ءارقايسى جەرلەردەگى كاسىپورىن، قۇرىلىس نىساندارى سىندى جەرلەردە كاسىپتەندى.

    ۇعىسۋعا قاراعاندا، بيىل مامىر ايىندا، شينجياڭ قاشقار، حوتان ايماقتارىنداعى 100 مىڭ ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋدىڭ جالپى بەتتىك ورنالاستىرۋى جاسالدى. ءارقايسى ورىن، ءارقايسى مەكەمە ورىندار ىرىقتى تۇردە جاۋاپكەرىلىكتى ارقالاپ، بۇكىل شينجياڭ ورتاق كۇش سالىپ، ەكى جەردەگى ارتىق ەڭبەككۇشتەردى شينجياڭ ىشىندە ءتارتىپتى ويىستىرىپ، ادام باسقارۋ، ادامدى ورنىقتىرۋ، ادامدى ورنالاستىرۋلاردى جۇزەگە اسىرىپ، ۇكىمەت قوزعاۋشىلىق ەتۋدى نەگىز ەتىپ ۇيىستىرىپ، كاسىپتەندىرۋ جاڭا مەحانيزىمى العاشقى قادامدا قالىپتاستى. 

جاۋاپتى رەداكتور:نۇرجان مينۋار قىزى