شينجياڭنىڭ كەدەيلەردى قونىس جاڭالاپ سۇيەمەلدەۋ ينجەنەرياسىنا 4 ميلليارد يۋاننان استام قارجى قۇرالدى

    بۇل بىلتىرعى سول تۇستاعىدان 2 ەسەدەن استام ارتىق

    شينحۋا اگەنتتىگىنىڭ 1 - قىركۇيەكتە ۇرىمجىدەن بەرگەن حابارى. شەت - شالعاي، تاۋلى، شولەيت وڭىرلەردە تۇرمىس كەشىرىپ جاتقان 80 مىڭنان استام شينجياڭدىق كەدەي بيىل بۇرىنعى تۇراقتارىنان تۇگەلدەي كوشىرىلىپ، ۇكىمەتتىڭ كومەگىندە تىڭ تۇرمىستارىن باستايدى. وسى نىسانانى ورىنداۋ ءۇشىن، شينجياڭنىڭ بيىل كەدەيلەردى قونىس جاڭالاپ سۇيەمەلدەۋ ينجەنەرياسىنا قۇراعان قارجىسى 4 ميلليارد 172 ميلليون يۋانعا جەتەدى. بۇل سايكەس مەزگىلدەگىدەن 2 ەسەدەن استام ارتىق.

    شينجياڭنىڭ كەدەيلەردى سۇيەمەلدەۋ، وركەندەتۋ ىسىنە قارجى قوسۋ شەكتى جاۋاپكەرلىك سەرىكتەستىگىنىڭ اتقارۋشى جوراسى، باس مەڭگەرۋشىسى ۋاڭ جياڭ بىلاي دەدى: شينجياڭنىڭ كەدەيلەردى قونىس جاڭالاپ سۇيەمەلدەۋ ينجەنەرياسىنا قۇرالعان قارجىنىڭ زور مولشەردە ارتۋى اۆتونوميالى رايون تۇراقتاندىرعان كەدەيلەردى قونىس جاڭالاپ سۇيەمەلدەۋ ستراتەگيالىق نىساناسىنا ساي، تۇتاس رايونىمىزدىڭ 2017 - جىلى اۆتونوميالى رايوننىڭ «13 - بەسجىلدىق» جوباداعى كەدەيلەردى قونىس جاڭالاپ سۇيەمەلدەۋ مىندەتىن كۇنى بۇرىن ورىنداعاندىعى، ياعني 2017 - جىلعى قىزمەت مىندەتىن ورىنداۋدان سىرت، تاعى 2018 - جىلعى قىزمەت مىندەتتەرىن كۇنى بۇرىن ورىندايتىندىعى مۇنىڭ باستى سەبەبى بولىپ تابىلادى.

    اۆتونوميالى رايوننىڭ «13 - بەسجىلدىق» جوباداعى كەدەيلەردى قونىس جاڭالاپ سۇيەمەلدەۋ قۇرىلىسى جوباسىنا ساي، 2018 - جىلعا جەتكەندە، شينجياڭ «قونىستانعان ورتاسى تۇرمىس تىرشىلىگىن قامداۋعا مۇمكىندىك بەرمەيتىن» وڭىرلەردەگى ارحيۆ تۇرعىزىپ، كارتچكالانعان 110 مىڭ كەدەيدى قونىس جاڭالاپ سۇيەمەلدەۋ قۇرىلىسى مىندەتىن ورىنداپ، كەدەي وتباسىلارىنا تۋرا كەلەتىن ورتاشا تۇرعىن ءۇي اۋدانىن 50 دە 80 شارشى مەترگە جەتكىزىپ، اۋىز سۋ حاۋىپسىزدىگى، قاتىناس قولايلىلىعى، ءوندىرىس - تۇرمىستىق ەلەكتر سياقتى نەگىزگى قاجەتتى قاناعاتتاندىرادى، وقۋ - اعارتۋ، ەمدەۋ، مادەنيەت سياقتى الەۋمەتتىك قىزمەت كورسەتۋ قۇرىلعىلارىن نەگىزىنەن سەپتەيدى.

    بىلتىر شينجياڭ ارحيۆ تۇرعىزىپ، كارتچكالانعان 26 مىڭ 100 كەدەيگە قونىس جاڭالاپ سۇيەمەلدەۋ ينجەنەرياسىن اتقاردى. بيىل شينجياڭ 83 مىڭ 900 ادامدى تىرشىلىك شارت - جاعدايى ناشار وڭىرلەردەن كوشىرەدى.

    شينجياڭنىڭ كەدەيلەردى سۇيەمەلدەۋ، وركەندەتۋ ىسىنە قارجى قوسۋ شەكتى جاۋاپكەرلىك سەرىكتەستىگىنىڭ ساناعىنا قاراعاندا، شينجياڭ بيىل كەدەيلەردى قونىس جاڭالاپ سۇيەمەلدەۋ ينجەنەرياسىنا جالپى 5 ميلليارد 11 ميلليون يۋان قارجى قوسادى. مۇندا ورتالىقتىڭ مەجە ەسەپ ىشىندەگى 839 ميلليون يۋان قاراجاتىنان سىرت، %80تەن استامى كەدەيلەردى قونىس جاڭالاپ سۇيەمەلدەۋ ينجەنەرياسىنا قۇرالعان قاراجاتتان كەلەدى. وسى قاراجاتتار نەگىزىنەن جەرگىلىكتىڭ زايوم قارجىسى، ارناۋلى قۇرىلىس قورى جانە  ءوسىمى قازىنادان كوتەرىلەتىن ۇزاق مەرزىمدى قارىز اقشاسىن قامتيدى.

    2016 - جىلدان باستاپ، اۆتونوميالى رايوندىق دامۋ جانە رەفورما كوميتەتى ۇكىمەتتىڭ قىزمەت كورسەتۋدى ساتىپ الۋ ءتاسىلى ارقىلى شينجياڭنىڭ كەدەيلەردى سۇيەمەلدەۋ، وركەندەتۋ ىسىنە قارجى قوسۋ شەكتى جاۋاپكەرلىك سەرىكتەستىگىن شينجياڭنىڭ كەدەيلەردى قونىس جاڭالاپ سۇيەمەلدەۋ بويىنشا قارجى قۇرايتىن نەگىزگى تۇلعاسىنا اينالدىرادى، تۇتاس رايونىمىزدىڭ كەدەيلەردى قونىس جاڭالاپ سۇيەمەلدەۋ ينجەنەرياسى قارجىسى بويىنشا ءبىر تۇتاس قارىز اقشا بەرۋ، باسقارۋ، نەگىزگى سوما مەن ءوسىمدى قايتارۋدى جيناقتاۋعا جاۋاپتى بولادى. ينجەنەريا قارجىسى اۆتونوميالى رايوننىڭ قارجى قوسۋ، قارجى قۇراۋ تۇعىرىنان اۋداننىڭ (قالا) تۇتاستىرۋ تۇعىرىنا دەيىن، ارناۋلى وتباسىلارى ساقتاۋ، ارناۋلى ەسەپ - قيساپتى انىقتاۋ، فيزيكالىق وقشاۋلاۋ، جابىق جۇرگىزۋ بويىنشا باسقارىلادى.

    قازىرگە دەيىن، شينجياڭنىڭ كەدەيلەردى سۇيەمەلدەۋ، وركەندەتۋ ىسىنە قارجى قوسۋ شەكتى جاۋاپكەرلىك سەرىكتەستىگى 2017 - جىلعى اۆتونوميالى رايوننىڭ كەدەيلەردى قونىس جاڭالاپ سۇيەمەلدەۋ نىسان قارجىسىنان پايدالانۋ كەلىسىمىنەن جالپى 62 كەلىسىمگە قول قويىپ، 32 اۋداننىڭ (قالا) قۇراعان 62 ءتۇرلى قارجىسىن تاراتتى، ءبىر ميلليارد 769 ميلليون يۋان قارجى ءبولدى، مۇنىڭ ىشىندە جەرگىلىكتى ۇكىمەتتىڭ زايومى 600 ميلليون يۋان، ارناۋلى قۇرىلىس قورى 269 ميلليون يۋان، ءوسىمى قازىنادان كوتەرىلەتىن ۇزاق مەرزىمدى قارىز اقشا 900 ميلليون يۋان بولىپ، اۆتونوميالى رايوننىڭ بيىلعى كەدەيلەردى قونىس جاڭالاپ سۇيەمەلدەۋ قارجىسىن اجىراتۋ مىندەتىنىڭ %42.4ىن ورىندادى.

جاۋاپتى رەداكتور:سايراش تۇرارجان قىزى