ۇساق ىستەردەن قانداي قىزمەت كورسەتكەنى بىردەن اڭعارىلادى

شينجياڭ مەديتسينا ۋنيۆەرسيتەتىنە قاراستى وسپە اۋرۋلار شيپاحاناسىنىڭ ناۋقاستار ءۇشىن شىن پەيىلمەن قىزمەت كورسەتكەنى تۋرالى

    1 - قىركۇيەكتە شينجياڭ مەديتسينا ۋنيۆەرسيتەتىنە قاراستى وسپە اۋرۋلار شيپاحاناسى ۋنيۆەرسال عيماراتىنىڭ 1 - قاباتىنداعى پلەنكا الۋ اۆتوماشيناسى الدىندا جول باستاۋشى ناۋقاستىڭ پلەنكا الۋىنا كومەكتەسۋدە

    1 - قىركۇيەك ساعات 11دە، شينجياڭ مەديتسينا ۋنيۆەرسيتەتىنە قاراستى وسپە اۋرۋلار شيپاحاناسى ۋنيۆەرسال عيماراتىنىڭ 1 - قاباتىنداعى زالدا وكپە راگى اۋرۋىنا شالدىققان 42 جاستاعى گۇي حۇڭ (جاناما ات) پلەنكا الۋ اۆتوماشيناسى الدىندا تۇرىپ، ماشيناداعى كورسەتپە بويىنشا، كوكىرەك تۇسىرىلگەن رەنتكەن قاعازى مەن انىقتامانى باسىپ شىعارماق بولدى.

    گۇي حۇڭ تەكسەرىلۋ سىزىقشا كودىن سكانەرلەۋ اۋماعىنا تۋرالاعان ساتتە «ءدىت» دەگەن داۋىسپەن بىرگە ەكراننان ونىڭ اتى - ءجونى، تەكسەرىلۋ لەنتاسى، انىقتاما سانى سياقتى ينفورماتسيالار شىقتى، قۇپتاۋ پەرنەسىن باسقاننان كەيىن، 3 مينۋتقا جەتپەيتىن ۋاقىتتا گۇي حۇڭنىڭ پلەنكالارى مەن انىقتامالارى تولىق باسىلىپ شىقتى.

    پلەنكا الۋ اۆتوماشيناسى شينجياڭ مەديتسينا ۋنيۆەرسيتەتىنە قاراستى وسپە اۋرۋلار شيپاحاناسى ناۋقاستارعا قولايلىلىق جاساۋ، قىزمەت كورسەتۋ دەڭگەيىن جوعارىلاتۋ ءۇشىن ورنالاستىرعان اسپاپتاردىڭ ءبىرى عانا. شيپاحانانىڭ دياگنوز قويۋ عيماراتىنىڭ، ۋنيۆەرسال عيماراتىنىڭ، سىرتقى اۋرۋلار عيماراتىنىڭ، نۇرمەن ەمدەۋ عيماراتىنىڭ 1 - قاباتىنداعى زالعا اناليز انىقتاماسىن الۋ اۆتوماشيناسى، شيپاحاناعا جاتۋ، قاراجات وتەۋ راسمياتتارىن ءبىتىرۋ ماشيناسى، قوعامدىق قامتاماسىزداندىرۋ كارتچكاسىنان پايدالانۋ ماشيناسى سياقتى قاتىستى جابدىقتار تولىق ورناتىلعان. شيپاحانانىڭ ءوزى ىستەۋگە قىزمەت كورسەتۋ جۇيەسى ناۋقاس كورسەتۋگە كەزەك الۋ، الدىن الا كەلىسۋ، اقشا قۇيۋ، سوڭعى ەسەپ جاساۋ، ەمدەلۋ كارتچكاسىن ءبىتىرۋ سياقتىلاردى قامتيدى.

    «شيپاحانا ناۋقاستارعا بارىنشا قولايلىلىق جاساۋ ءۇشىن، ولاردىڭ راسمياتتاردى ءبىر ورىندا شوعىرلى بىتىرۋىنە قولايلى بولۋ ءۇشىن وسىلاي ىستەپ وتىر»، - دەدى شينجياڭ مەديتسينا ۋنيۆەرسيتەتىنە قاراستى وسپە اۋرۋلار شيپاحاناسى شيپاحانا ىستەرىن باسقارۋ ءبولىمىنىڭ مەڭگەرۋشىسى ليۋ شين - يا.

    ناۋقاستارعا قولايلى بولۋ ءۇشىن جاسالعان وسىنداي ورنالاستىرۋلاردى شينجياڭ مەديتسينا ۋنيۆەرسيتەتىنە قاراستى وسپە اۋرۋلار شيپاحاناسىنىڭ كەز كەلگەن جەرىنەن كەزدەستىرۋگە بولادى.

    ۋنيۆەرسال عيمارات ليفتىنىڭ ارالىعىنداعى تاقتايشاعا وكپە ىشكى اۋرۋلار ءبولىمى مەن كوكىرەك سىرتقى اۋرۋلار ءبولىمى، اسقازان، ىشەك سىرتقى اۋرۋلار ءبولىمى مەن اس قورىتۋ ىشكى اۋرۋلار ءبولىمى، باۋىر، ءوت، ۇيقى بەزى سىرتقى اۋرۋلار ءبولىمى مەن ەمدەۋگە كىرىسۋ ءبولىمى جەكە - جەكە ۇستىڭگى جانە استىڭعى قاباتقا ورنالاستىرىلعاندىعى جازىلعان. «قاتىستى بولىمدەردى جاقىن ورنالاستىرۋ شيپاگەرلەردىڭ كەڭەسىپ دياگنوز قويۋىنا جانە ەمدەۋىنە قولايلى، ناۋقاستار ءۇشىن ءتىپتى قولايلى»، - دەدى ليۋ شين - يا.

    شيپاحانا بولىمدەردى قاباتتارعا ورنالاستىرۋ جاعىنا دەن قويىپ قانا قالماستان، قاتەرلى وسپە اۋرۋىنا شالدىققان ناۋقاستاردىڭ ءتىپتى دە ساپالى ەمدەۋ مەن تاماشا ەمدەۋ ناتيجەسىنە قول جەتكىزۋىنە مۇمكىندىك جاساۋ ءۇشىن، MTD كلينيكالىق كوپ ءپان ۋنيۆەرسال ەمدەۋ ۇلگىسىن قۇردى. ماماندار توبى ىشكى - سىرتقى اۋرۋلار ءبولىمىنىڭ، كەسكىندەۋ ءبولىمىنىڭ، تەكسەرۋ ءبولىمىنىڭ ماماندارىن قامتيدى.

    «وڭ جاق وكپەسىنە پايدا بولعان كىناراتتى تەكسەرتۋ» ءۇشىن شيپاحانانىڭ وكپە اۋرۋلار بولىمىندە جاتقان مۋ يۋان (جاناما ات) وسى تۇردەگى ۇلگىدەن يگىلىكتەنگەن ناۋقاستاردىڭ ءبىرى.

    مۋ يۋان: الدىڭعى اپتادا مەنىڭ اۋرۋىم تۋرالى ماماندار توبى بىرلەسىپ دياگنوز قويعان ەدى، اۋرۋ جاعدايىمدى قانىق بىلگەننەن كەيىن، ەمدەلۋگە بەكىدىم، - دەدى.

    بۇكىل شينجياڭعا، ءتىپتى، تۇتاس باتىس تەرىستىك وڭىرگە تانىمال وسپە اۋرۋلار ارنايى شيپاحاناسى بولعاندىقتان، وعان جىلىنا تالاي ناۋقاس ەمدەلۋگە كەلەدى، كەي كەزدەرى كەزەك الۋ، ناۋقاس كورسەتۋ قيىنعا ءتۇسىپ، ءبىرتالاي ناۋقاسقا قولايسىزدىق اكەلدى. بۇل ماسەلەنى شەشۋ ءۇشىن، اتالعان شيپاحانا تەرەزەدەن كەزەك بەرۋدەن سىرت، ناۋقاستارعا تەلەفون، شيپاحانانىڭ رەسمي سايتى، كەزەك الۋ ماشيناسى جانە ۋيچات الەۋمەتتىك تۇعىرى سياقتى ارنالارمەن دە كەزەك الىپ بەرىپ، مامانداردى وزدەرى تاڭداۋىنا مۇمكىندىك جاسادى. شيپاحانا پارتكومى(شيپاحانا) كەڭسەسى ۇگىت بولىمشەسىنىڭ مەڭگەرۋشىسى جاڭ جىن: نوباي ساناققا قاراعاندا، بۇل كۇندەرى شيپاحانانىڭ رەسمي سايتى، ۋيچات الەۋمەتتىك تۇعىرى سياقتى فورمالارمەن الىنعان ناۋقاس كەزەگى جالپى كەزەك مولشەرىنىڭ 70 پايىزىنان اسقان، - دەدى.

    شيپاحانانىڭ ۋيچات الەۋمەتتىك تۇعىرىن پاراقتاساڭىز، «بۇل ۋيچات تۇعىرى ءسىز ءۇشىن كەزەككە كەلىسۋ، اۋرۋ تاريحىن كوشىرۋ، كەڭەسۋ جانە جىلدام جەتكىزۋ بويىنشا قىزمەت كورسەتەدى» دەگەن ىقىلاستى قۇلاق قاعىستى كورەسىز. «زەردەلى قول تەلەفون داۋىرىندە، ەمدەۋدەن قىزمەت كورسەتۋ ورنى رەتىندە، مىندەتتى تۇردە، قوعامنىڭ دامۋ اياق الىسىنا ىلەسكەندە عانا، ناۋقاستار تۇرعىسىنان وي جۇگىرتىپ، ويداعىداي قىزمەت كورسەتۋگە بولادى»، - دەدى جاڭ جىن.

    2017 - جىلى 1 - قىركۇيەك ساعات 13 تە، شينجياڭ مەديتسينا ۋنيۆەرسيتەتىنە قاراستى وسپە اۋرۋلار شيپاحاناسى اقپاراتتىق جەلى ورتالىعىنىڭ مەڭگەرۋشىسى جاڭ شي ورىندىققا سۇيەنىپ وتىرا كەتتى، قالجىراعانى وڭىنەن شىعىپ تۇرعان ول: كەشە ساعات 22دە عانا ءدارى - دارمەكتىڭ ۇستەمە باعاسىن جويۋ جۇمىسىن ءساتتى اياقتاتتىق، بۇگىن جاڭا جۇيە ىسكە قوسىلعان العاشقى كۇن، مىندەتتى تۇردە جۇمىس ورنىمىزدا تاپجىلماي وتىرامىز، ەشقانداي جاڭىلىس جىبەرۋگە بولمايدى، - دەدى. وتكەن 72 ساعاتتا جاڭ شي مەن قىزمەتتەستەرى كىرپىك ايقاستىرماي جۇمىس ىستەپتى.

    «ناۋقاستار قازىر قولدانىپ جۇرگەن ينفورماتسيالىق جابدىقتار، شيپاحانانىڭ رەسمي سايتى، ميكرو رەسمي سايتى سياقتىلار جۇمساق بولشەكتەردى باپتاۋ جۇمىسىنا سايادى، بۇل نەگىزىنەن ءبىزدىڭ بولىمگە جۇكتەلگەن، ايتالىق، پلەنكا الۋ اۆتوماشيناسى شيپاحانامىزدىڭ كەسكىن - گرافيكالىق مالىمەت جۇيەسىنە سۇيەنەدى، ءبىزدىڭ جۇمىسىمىز − تەكسەرۋ ءبولىمى مەن پلەنكا الۋ اۆتوماشيناسى ورتاسىنداعى جالعاۋ جۇمىسىن ىركىلىسسىز ورىنداپ، ناۋقاستارعا ۋاقتىلى ءارى ىڭعايلى قىزمەت كورسەتۋگە كەپىلدىك ەتۋ. مۇنداي جۇيەلەردەن شيپاحانامىزدا تاعى 40تان استامى بار، ولار قوعامدىق قامسىزداندىرۋ، اۋرۋ تاريحىنىڭ ەلەكتروندى نۇسقاسى، تەكسەرۋ، اقى الۋ سياقتىلاردى قامتيدى»، - دەدى جاڭ شي.

    «ناۋقاستار شيپاحانامىزعا جانىنا شيپا ىزدەپ كەلەدى، ءبىز مامانداندىرىلعان، تىڭعىلىقتى دا جان اشىر قىزمەت كورسەتۋ ارقىلى ناۋقاستاردىڭ بىزگە دەگەن سەنىمىن اقتاۋىمىز كەرەك!»، - دەدى شينجياڭ مەديتسينا ۋنيۆەرسيتەتىنە قاراستى وسپە اۋرۋلار شيپاحاناسى پارتكومىنىڭ ورىنباسار شۋجيى، شيپاحانا باستىعى ۋاڭ شييان.

جاۋاپتى رەداكتور:سايراش تۇرارجان قىزى