شينجياڭداعى ايەل قىزمەتكەر سانى كوپ مەكەمە-ورىندار ارنايى بالا ەمىزۋ بولمەسىن اجىراتادى

    جاقىندا، اۆتونوميالى رايوندىق باس جۇمىسشىلار ۇيىمى رايونىمىزداعى كاسىپورىن، مەكەمە-ورىندارعا « ايەل جۇمىسشىلاردىڭ مەكەمەدە بالا ەمىزۋ بولمەسى، دەمالۋ ءۇيىن بەلسەنە قۇرۋ» جونىندەگى ۇقتىرۋىن تاراتتى.

    بۇكىل رايونىمىزداعى ورگان، كاسىپورىن، مەكەمە-ورىن، ونەركاسىپ باقشا رايوندارى قاتارلى ايەل كادر - جۇمىسشىلارى باسىم كوپ ءبولىمىن ۇستايتىن مەكەمەلەردىڭ كاسىپ تۇرىنە، ايەل جۇمىسشى-قىزمەتكەرلەردىڭ تالابىنا، مەكەمەنىڭ ەرەكشەلىگىنە سايكەس ارنايى بالا ەمىزۋ بولمەسىن، دەمالۋ ورنىن اجىراتىپ، ايەل قىزمەتكەرلەردىڭ قۇرساق كوتەرۋ، بوسانۋ، بالا ەمىزۋ، بالانى ومىراۋدان شىعارۋ سياقتى 4 كەزەڭدەگى فيزولوگيالىق وزگەرىسىنە، تازالىعىنا، دەمالىسىنا قولايلىلىق تۋدىرۋ.

    اۆتونوميالى رايوندىق باس جۇمىسشىلار ۇيىمى ايەل جۇمىسىشىلار ءبولىمىنىڭ باستىعى حاتيرا احىمەتجان: «بۇل ءتۇزىم قازىر قىزمەت ورنىندا ىستەپ جاتقان ايەل جۇمىسشى-قىزمەتكەرلەرگە باعىتتالادى. سىرتقا اشىق ۇستالمايدى. بالا ەمىزۋ بولمەسىن، دەمالۋ ورنىن اجىراتۋ بارلىق مەكەمەگە تۇسىرىلگەن مىندەت ەمەس. ارينە، ايەل جۇمىسىشى - قىزمەتكەرلەرى كوپ ساندى ۇستايتىن، قىزمەت ءتارتىبى قاربالاس مەكەمەلەرگە قاراتىلعان. مىسالى، مەكتەپ، شيپاحانا سياقتى ورىندار ءوز شارت -جاعدايىنا قاراي كىشكەنە بولسا دا تازا، رەتتى قولايلى ەتىپ، ارنايى ايەل قىزمەتكەرلەرگە پايدالانۋعا بەرسە بولعانى».

جاۋاپتى رەداكتور:سايراش تۇرارجان قىزى