چىن چۋانگو، شوكىرات زاكىر «1 - تامىز وردەنىنىڭ» يەگەرى ۋاڭ گاڭمەن كەزدەستى

    اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى چىن چۋانگو 2 - تامىزدا ۇرىمجىدە «1 - تامىز وردەنىنىڭ» يەگەرى، قارۋلى ساقشى شينجياڭ باس اترەتى بەلگىلى تارماق اترەتىنىڭ باستىعى ۋاڭ گاڭمەن كەزدەستى

    اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 2 - تامىز تۇستەن كەيىن ۇرىمجىدە «1 - تامىز وردەنىنىڭ» يەگەرى، قارۋلى ساقشى شينجياڭ باس اترەتى بەلگىلى تارماق اترەتىنىڭ باستىعى ۋاڭ گاڭمەن كەزدەستى.

    چىن چۋانگو اۆتونوميالى رايوندىق پارتكوم، حالىق ۇكىمەتى اتىنان ۋاڭ گاڭ جولداستىڭ «1 - تامىز وردەنىنىڭ» يەگەرى بولعانىن قىزۋ قۇتتىقتادى. چىن چۋانگو بىلاي دەدى: جۋىقتا باس شۋجي شي جينپيڭنىڭ ۋاڭ گاڭ جولداستى ىقىلاسپەن قابىلداۋى ءارى وردەن، كۋالىك تابىس ەتۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۋاڭ گاڭ جولداستىڭ قاھارماندىق ىزگى ىستەرىن ايرىقشا باعالاعاندىعىن، باس شۋجي شي جينپيڭنىڭ شينجياڭدا تۇراتىن اسكەري بولىمدەردەگى كوماندير - جاۋىنگەرلەرگە، شينجياڭداعى ءار ۇلت كادرلارى مەن بۇقاراسىنا دەگەن ىقىلاستى قامقورلىعى مەن ەرەكشە مەيىرىن تولىق ايگىلەدى. رايونىمىزداعى پارتيا، ۇكىمەت، ارميا، ساقشى، بيڭتۋان، حالىق باس شۋجي شي جينپيڭنىڭ ىقىلاستى قامقورلىعىن قوزعاۋشى كۇش ەتىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن، باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، شينجياڭدا قىزمەت تەكسەرگەن كەزدە جانە مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى كەزىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شىنايى يگەرىپ، تىڭعىلىقتى ىستەپ، ءورىس اشا جاڭالىق جاساپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تالىقپاي كۇرەس جۇرگىزۋى كەرەك.

    چىن چۋانگو مىنالاردى اتاپ كورسەتتى: ۋاڭ گاڭ جولداس لاڭكەستىككە قارسى تۇرۋدا ەش نارسەدەن تايىنباي، اتويلاپ الدا جۇرگەن قاھارمان، جاڭا داۋىردەگى توڭكەرىستىك اسكەريلەردىڭ كورنەكتى ۋاكىلى، مەملەكەتتى، ارميانى قۇدىرەتتەندىرۋ ۇلى ءىسىن ىلگەرىلەتۋدىڭ ءداۋىر ۇلگىسى. شينجياڭدا تۇراتىن حالىق ازاتتىق ارمياسىنداعى، قارۋلى ساقشى بولىمدەرىندەگى جانە قوعام حاۋىپسىزدىگى قوسىنىنداعى كوماندير - جاۋىنگەرلەردىڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، ۋاڭ گاڭ جولداستان بەلسەنە ۇيرەنۋىن، ونىڭ پارتياعا ابسوليۋتتى ادال بولىپ، سانالىلىقپەن ساپ تۇزەپ، پارتياعا سانالىلىقپەن ىلەسىپ، پارتيانىڭ جاڭالىق اشۋ نازارياسى ارقىلى وي - ساناسىن تالىقپاي قارۋلاندىرىپ، وسكەلەڭ مۇرات - سەنىمنەن جازباي، «4 تانىمدى» كۇشەيتىپ، ۇيتقىنى باتىل قورعاپ، ساپ تۇزەپ، پارتياعا ىلەسىپ، بارلىق ارەكەتتە پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ بۇيرىعى مەن قولباسشىلىعىنا قۇلاق اسقاندىعىنان؛ ونىڭ نازاردى ارميانى قۇدىرەتتەندىرۋ نىساناسىنا اۋدارىپ، جاۋىنگەرلىك قۋات ولشەمىندە تاباندى بولىپ، جاپادان دا، ولىمنەن دە قورىقپايتىن جاۋىنگەرلىك رۋحتى بەرىك ورناتىپ، شەبەرلىككە جاتتىعىپ، ونەرىن ءوسىرىپ، بورىش پەن مىندەتتى اتقارۋداعى ساپاسىن ۇزبەي ءوسىرىپ، جەدەل سايلانۋعا، سايلانسا سوعىسا الۋعا، سوعىسسا، ءسوز جوق، جەڭۋگە كەپىلدىك ەتكەندىگىنەن؛ ونىڭ تاڭداۋلى ستيلدى ساقتاپ، تاماشا وبراز سومداپ، سوتسياليستىك وزەكتى قۇن كوزقاراسى مەن زامانىمىزداعى توڭكەرىستىك اسكەريلەردىڭ وزەكتى قۇن كوزقاراسىن امالياتتا ونەگەلىلىكپەن ايگىلەپ، «ۇشتە قاتاڭ، ۇشتە شىنايى بولۋ» جانە «تورتتە قۇرىشتاي» بولۋ تالابىن امالياتتا سانالىلىقپەن ايگىلەپ، جاڭا ءداۋىردىڭ ۇجداندى، ونەرلى، جالىندى، ءمورالدى توڭكەرىستىك اسكەريلەرى بولۋعا قۇلشىنعاندىعىنان؛ ونىڭ وتاننىڭ شەكارا وڭىرىنە تامىر تارتىپ، سانالىلىقپەن جاۋاپكەرشىلىك ارقالاپ، ۇلەس قوسىپ، شينجياڭدى اتا مەكەنىنە بالاپ، زەيىن سالىپ، بەرىلە ىستەپ، تامىر تارتىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدى قاسيەتتى بورىشى ەتىپ، حاۋىپ - قاتەردەن تايسالماي، ەرلىكپەن اتويلاپ العا ۇمتىلىپ، شايقاس جاساۋعا، جەڭىسكە جەتۋگە باتىلدىق ەتكەندىگىنەن؛ ونىڭ باستى ماقساتقا تاباندى بولىپ، حالىقتى سانالىلىقپەن ءسۇيىپ، حالىق ءۇشىن قىزمەت ەتىپ، ءار ۇلت بۇقاراسىن جاقىن جان اشىرىنا بالاپ، جاۋىنگەر قوسىندىق، قىزمەت اترەتىندىك، ءوندىرىس اترەتىندىك رولدارىن تولىق ساۋلەلەندىرىپ، بۇكىل ىنتا - پەيىلىمەن حالىق ءۇشىن قىزمەت ىستەۋ باستى ماقساتىنان جازباي، قاشاندا ءار ۇلت بۇقاراسىن جۇرەگىنىڭ تۇكپىرىندە ساقتاپ، حالىقتىڭ ماڭگى پەرزەنت اسكەرى بولعاندىعىنان ۇيرەنۋىن ءۇمىت ەتەمىن.

    ۋاڭ گاڭ پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ شىنايى ءۇمىتىن اقتاپ، داڭقتى قاستەرلەپ، قايراتقا ءمىنىپ، پارتيانىڭ قولباسشىلىعىنا باتىل قۇلاق اسىپ، بورىشتى ادالدىقپەن اتقارىپ، اسكەري جاتتىعۋدى، سوعىسقا دايىندالۋدى كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە، ءار ۇلت حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىن قورعاۋعا بار كۇشىن سالاتىندىعىن ءبىلدىردى.

    اۆتونوميالى رايوندىق پارتكومنىڭ تۇراقتى مۇشەسى، باس حاتشى لي شۋەجۇن، اۆتونوميالى رايوننىڭ ورىنباسار ءتوراعاسى جۋ چاڭجيە، قارۋلى ساقشى شينجياڭ باس اترەتىنىڭ سىليڭيۋانى گۋان يانمي، ساياسي كوميسسارى ۋاڭ ايگو كەزدەسۋدە بىرگە بولدى.

جاۋاپتى رەداكتور:سايراش تۇرارجان قىزى