مەن ءبىر اناردىڭ ءدانىمىن: جاڭ ايفاڭ قازاق ءسىڭلىسى مۇقياتپەن بىرگە باقىتتى تۇرمىستى بىرگە كەستەلەدى

    تارباعاي ايماعى ءدوربىلجىن اۋدانىنىڭ جيەك قالاشىعىنا قاراستى قاراساي قىستاعى نەگىزىنەن قازاق ۇلتىن نەگىز ەتكەن، مالشىلاردى وتىرىقتاندىرۋ بويىنشا سالىنعان جاڭا قىستاق. 2010-جىلى لياۋنيڭ ولكەسى قارجىلاي دەمەۋىمەن قۇرىلعان. جاقىنعى جىلداردان بەرى، جاڭا قىستاققا كوشىپ كەلگەن تۇرعىندار باعىمشىلىق، ەگىنشىلىك سياقتى كاسىپتەرمەن شۇعىلدانىپ قالماستان، كوپتەگەن ادامدار ساياحات كاسىبىن دە جانداندىرىپ، شارۋالار شاتتىعى ساياجايلارىن اشىپ، ءار ءتۇرلى جولمەن اۋقاتتانۋ جولىنا ءتۇستى.

    وسى قاراساي قىستاعىندا قازاقتىڭ ءداستۇرلى قولونەر بۇيىمدارىن وندىرەتىن زاۆودتىڭ قۇرىلىس عيماراتى جاڭادان بوي كوتەردى. قازاق كەستەشىلىگىنە جاۋاپتى كاسىپكەر ايەل مۇقيات قىستاقتاعى قولونەر كاسىبىمەن شۇعىلداناتىن قازاق ايەلدەرىن باستاپ، ءداستۇرلى قولونەر كەستەشىلىك بۇيىمدارىن شىعارا باستادى.

    مۇقيات بىلاي دەيدى: «قازاق ۇلتىنىڭ ءداستۇرلى قولونەر بۇيىمدارىن ءوندىرۋ زاۆودىن حانزۋ اپايىمىز جاڭ ايفاڭ قارجى شىعارىپ قۇرعان ەدى».

    اسىلىندە، جاڭ اپاي زەينەتكە شىققاننان كەيىن، ءۇرىمجى قالاسىندا تۇراتىن. ول كىشكەنتاي كەزىنەن تاي-قۇلىنداي تەبىسىپ، بىرگە ەرجەتكەن ءسىڭلىسى مۇقياتتىڭ جۇمىستان بوساپ، تۇرمىستىڭ قيىن قىسپاعىندا قالعاندىعىنان حابار تاپقان سوڭ، اۋىلعا قايتىپ وعان كومەكتەسۋ بەكىمىنە كەلەدى.

    جاڭ ايفاڭ دا جيەك قالاشىعىندا ەسەيىپ-ەرجەتكەن. مۇقيات ەكەۋى كىشكەنتايىنان بىرگە وقىپ، ويناپ-كۇلىپ بىرگە وسكەن اپەكەلى-سىڭلىلەر. جاڭ ايفاڭ مۇقياتتىڭ ىسمەر ەكەنىن بۇرىننان بىلەتىن، وعان قوسا ءوزى دە كەستەشىلىك ونەرىنە توتەنشە قىزىعاتىن، ەكەۋىنىڭ ويى ءبىر جەردەن شىعىپ، جۇمىستى قازاق كەستەشىلىگىن دامىتۋدان باستاۋدى ءجون كورەدى.

    وسىلايشا، جاسى 50 دى ەڭسەرگەن جاڭ ايفاڭ ءدوربىلجىن اۋدانىنان قازاقتىڭ ءداستۇرلى قولونەر بۇيىمدارى سەلبەستىك كووپەراتيۆىن قۇرىپ، مۇقياتپەن بىرگە كاسىپ جاراتۋ جولىن اشتى.

    جاڭ ايفاڭنىڭ ىستەگەن ءىسى اينالاسىنداعىلاردى تاڭعالدىردى. شىنىندا، باسقالار ءۇشىن وڭايعا تۇسپەيتىن جۇمىس. ءبىراق، ولءوزى ەش نارسەگە تۇرمايتىن قاراپايىم عانا ءىس دەپ بىلەدى.

    ول باستابىندا قاراساي قىستاق كوميتەتىندە ەكى كەستە تىگۋ ماشيناسىمەن وتباسىندا قيىنشىلىعى بار 20 دان استام ايەلگە ۇيرەنۋ ۇيىمداستىردى. ۇكىمەتتىڭ ارناۋلى بوساتقان 620 مىڭ يۋان قارجىسى ارقىلى جاڭا جابدىقتار ساتىپ الىپ، جۇمىستى باستادى.

    جاڭ ايفاڭ مەن مۇقيات جۇمىستا ءوزارا سەلبەسىپ، ءبىرى بازارعا جاۋاپتى بولسا، ەندى ءبىرى وندىرىسكە جاۋاپتى بولىپ، از ۋاقىتتىڭ ىشىندە كەستەلى كورپە-جاستىق، سىرماق سياقتى ونىمدەردى ءوندىرىپ بازارعا سالدى. ولاردىڭ وندىرگەن ونىمدەرى شاۋەشەك قالاسىنان شىعىپ، حىنان، بەيجيڭ سياقتى ىشكى ولكەلەرگە، ءتىپتى قازاقستان، اۆستراليا سياقتى شەتەلدەرگە دەيىن ساتىلدى.

    2016-جىلى كووپەراتيۆ ءبىر ميلليون يۋاندىق زاكاز قابىلدايدى. قاجەتسىنۋدىڭ بارعان سايىن ارتقانىنا بايلانىستى ولار ءوندىرىس كولەمىن كەڭەيتە باستادى. جاڭ ايفاڭ ءوزىنىڭ نەشە جىلدان بەرى تىرناشتاپ جيناعان 4 ميلليوننان استام قاراجاتىن شىعارىپ، جيەك قالاشىعىنان كەرمەت ءبىر كەستەشىلىك زاۆودىن قۇرىپ شىقتى. وسىلايشا، اۋىل-قىستاقتاعى جۇمىسسىز وتباسى ايەلدەرىن كاسىپتەندىرىپ، سەميالىق كىرىسىن ارتتىردى. كوپشىلىك بىرلىكتە بايۋ جولىنا ءتۇستى.

    جاڭ ايفاڭ مەن مۇقيات بارشا اۋىلداستارىنىڭ جۇزىندەگى شاتتىقتىڭ لەبىن جۇرەگىمەن سەزىنىپ، باقىتتى سەزىمگە بولەندى. ولاردىڭ سۇيىسپەنشىلىگى اناردىڭ دانىندەي تىعىز ەدى.

جاۋاپتى رەداكتور:سايراش تۇرارجان قىزى